Иранската револуционерна гарда соопшти дека нападот врз Израел бил одмазда за смртта на лидерите на Хамас и Хезболах.

Лидерот на Хамас, Исмаил Ханије, беше убиен во јули во Техеран, додека лидерот на Хезболах, Хасан Насрала беше убиен минатата недела во Бејрут. Иранската гарда додаде дека целите на денешниот напад биле важни бази и дека деталите ќе ги соопштат подоцна.

Израелското воено радио тврди дека речиси 200 проектили биле истрелани од Иран кон Израел. Засега не е јасно колкумина постигнале одредени цели.

Нападот од Иран продолжува, се вели во најновото соопштение за печатот на израелската армија. Се повторува претходната порака до жителите „да останат во заштитеното подрачје до дополнително известување“.

„Експлозиите што ги слушате се од пресретнување или паѓање проектили“, се вели во соопштението.

Израелската армија известува дека моментално „идентификува и пресретнува ракети“.

Иранската државна новинска агенција ИРНА потврди дека војската на Техеран почнала да лансира балистички ракети кон Израел.

Очевидци изјавија за Ројтерс дека виделе десетици проектили како летаат над централен Јордан кон Израел.

Израелската армија штотуку издаде соопштение:

„Од Иран се истрелани проектили кон државата Израел. Наредено ви е да бидете во состојба на готовност и точно да ги следите упатствата од командатa. Во последните неколку минути, командата на Татковинскиот фронт дистрибуираше инструкции за спасување животи во различни области низ земјата.

Се бара јавноста да се придржува до насоките на Командата на Татковинскиот фронт. Откако ќе ја слушнете сирената, мора да влезете во заштитеното подрачје и да останете таму до дополнително известување. Војската прави и ќе стори се што е потребно за да ги заштити цивилите на државата Израел“, се вели во соопштениеот.

Сирените продолжуваат да се огласуваат низ Израел поради иранскиот ракетен напад. Во нападот биле истрелани 200 проектили, според Израелската армија.

Sirens continue to sound across Israel amid an Iranian missile attack.

Some media reports in Israel suggest that over 100 missiles have been launched in the attack. pic.twitter.com/BJ8R3H6XSw

— Emanuel (Mannie) Fabian (@manniefabian) October 1, 2024

Израелската војска соопшти дека ракети биле истрелани од Иран кон Израел. Сирените се огласија низ Израел.

Израелските одбранбени сили (ИДФ) ги повикуваат Израелците „да останат внимателни и прецизно да ги следат упатствата на командата“.

„Откако ќе ја слушнете сирената, мора да влезете во заштитеното подрачје и да останете таму до понатамошно известување“, стои во наредбата.

Сирените продолжуваат да се огласуваат низ Израел поради иранскиот ракетен напад. Некои медиуми во Израел сугерираат дека во нападот биле истрелани повеќе од 100 проектили. Снимките покажуваат пресретнување и шрапнели како паѓаат над Израел.

Sirens continue to sound across Israel amid an Iranian missile attack.

Some media reports in Israel suggest that over 100 missiles have been launched in the attack. pic.twitter.com/BJ8R3H6XSw

— Emanuel (Mannie) Fabian (@manniefabian) October 1, 2024

Експлозии се слушаат над Тел Авив и сирените ечат низ градот. Тел Авив е најголемата урбана и економска метропола на Израел. Експлозии се слушаат и во Ерусалим, изјавија очевидци за Ројтерс.