Свет
За Кина смртта на Навални е внатрешна работа на Русија, НАТО реагира

Кинеското Министерство за надворешни работи одби да ја коментира смртта на рускиот опозиционер Алексеј Навални пред лекарите да ја утврдат точната причина за смртта, велејќи дека Москва може да се справи со своите внатрешни работи без странско мешање.
На ова остро реагираше генералниот секретар на НАТО, Јенс Столтенберг.
„Денес ја добивме изјавата од кинескиот министер за надворешни работи дека смртта на Навални е „внатрешно руско прашање“. Па, тоа не е внатрешно руско прашање“, им рече Столтенберг на новинарите на конференцијата за безбедност во Минхен во саботата, обвинувајќи ја руската влада за смртта на Навални.
„Пекинг внимателно ја следи војната во Украина. А она што се случува денес во Украина, утре може да се случи во Азија. И колку е поуспешен Путин во Украина, толку е поголема веројатноста кинескиот претседател Кси Џинпинг да употреби сила против Тајван“, додаде тој.
Навални почина во петокот во казнена колонија во регионот Јамало-Ненец додека отслужуваше 19-годишна затворска казна за дела поврзани со екстремизам и рехабилитација на нацистичката идеологија. Западните лидери го обвинија Кремљ дека сноси одговорност за неговата смрт, опишувајќи го Навални како опозициски лидер за неговото учество во антивладините протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.