Свет
50 години по мистериозната смрт на Пабло Неруда, наредена е нова истрага
Чиле повторно ќе се обиде да ја реши мистеријата за смртта на поетот и добитник на Нобеловата награда Пабло Неруда, кој почина во 1973 година, кој можеби бил отруен под диктатурата на Аугусто Пиноче, одлучи денеска апелациониот суд.
„Наложено е повторно отворање на истрагата за да се спроведат процедурите“ што ги побараа подносителите на претставката, што „може да придонесе за разјаснување на фактите“, се вели во одлуката на апелациониот суд во Сантијаго. Повторно отворање на истрагата побарале роднините на поетот, вклучително и внукот, како и Комунистичката партија чиј член бил Неруда.
Пресудата на Апелациониот суд ја поништува одлуката за затворање на истрагата за причините за смртта на Пабло Неруда донесена во декември. Пабло Неруда почина на 23 септември 1973 година, дванаесет дена по државниот удар на Пиноче против социјалистичкиот претседател Салвадор Аљенде, голем пријател на поетот.
Хипотезата за атентатот се појави во 2011 година по откритието на Мануел Араја, кој почина во јуни 2023 година, тогаш млад активист и помошник и возач на Неруда. Според таа теорија на труење, Пабло Неруда починал од инјекција еден ден пред да замине за Мексико, каде што планирал да замине во егзил за да ја води опозицијата на режимот на Пиноче.
Дотогаш официјалната верзија беше дека поетот починал од рак на простата. Меѓународните експерти едногласно ја отфрлија официјалната верзија на воениот режим во 2017 година, но не можеа ниту да ја потврдат ниту да ја отфрлат теоријата за труење.
Телото на поетот беше ексхумирано во април 2013 година од криптата во чилеанскиот град Исла Негра каде што почиваше од 1992 година. Диктатурата на Аугусто Пиноче остави околу 3.200 жртви и повеќе од 38.000 мачени, според официјалните податоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Маж заѕидал тело на жена во стан, полицијата го пронашла трупот по сомнителен разговор: хорор во Германија
Романец (47) е осомничен дека ја убил својата партнерка и го заѕидал нејзиното тело во стан во Штутгарт.
Роднините ја пријавиле жената за исчезната на 16 октомври бидејќи со месеци не се слушнале со неа.
По пријавата, истражителите го испрашувале нејзиниот партнер, кој на распитот „се збунил“, поради што веднаш му извршиле претрес во станот.
„Кога истражителите го отворија ѕидот, го открија телото во шуплината и го уапсија осомничениот“, изјави портпаролот на полицијата во Штутгарт.
Осомничениот во вторникот е изведен пред судија и му е одреден притвор.
Свет
Камала го нарече Трамп фашист
Американскиот потпретседател и кандидат за претседател Камала Харис изјави дека нејзиниот противник Доналд Трамп е авторитарец кој не се грижи за потребите на обичните луѓе.
Харис разговараше со гласачите во Пенсилванија како дел од градското собрание каде одговараше на прашања од модератор на Си-ен-ен. Харис рече дека неодамнешното интервју со Џон Кели, поранешен началник на Генералштабот на Трамп со најдолг стаж и пензиониран американски марински генерал, покажал дека Трамп е „сè повеќе нестабилен човек неподобен за претседателската функција“.
Кели даде интервју за Њујорк Тајмс во врска со подготвеноста на Трамп за функцијата. „Трамп им се восхитува на луѓето кои се диктатори. Тој самиот го кажа тоа“, рече меѓу другото Кели. Кампањата на Трамп ги отфрли тврдењата како измислени и сугерираше дека коментарите на Кели се политички мотивирани.
Кели рече дека Трамп постојано се жалел дека американските воени лидери не се толку лојални како нацистичките генерали кои му служеле на Адолф Хитлер.
Прашана дали се согласува со Кели кој го опишува Трамп како фашист, Харис одговори: „Да, се согласувам“.
„Разберете што би можело да се случи доколку Трамп се врати во Белата куќа. И овој пат мораме да сфатиме многу сериозно дека оние луѓе кои најдобро го познаваа и кои беа луѓе од кариера нема да бидат таму за да го задржат“, рече таа.
Подоцна во телевизиската емисија, Харис го нарече наводното восхитување на Трамп кон геноцидниот германски диктатор „сериозен, сериозен проблем“ и истакна дека нејзиниот противник исто така изразил слично восхитување за диктаторите во Русија и Северна Кореја.
„Овие избори за 13 дена му претставуваат на американскиот народ многу важна одлука“, рече таа.
„Американците заслужуваат да имаат претседател кој поттикнува дебата, кој не се плаши од добри идеи од каде и да доаѓаат, но и претседател кој одржува одредени стандарди за тоа како размислуваме за одговорноста и претседател кој не му се восхитува на Хитлер“, додаде Харис.
Изборите за американски претседател се одржуваат на 5 ноември, а досега на изборите гласале 25 милиони луѓе.
Европа
Експлозија во Тојота во Болоња: двајца работници загинаа, неколку се повредени
Вчера во попладневните часови, во фабриката „Toyota Material Handling“ во Болоња се случи силна експлозија која однесе два животи, а повредени уште неколку работници.
Експлозијата одекнала нешто по 17 часот, а работниците и жителите во околината почувствувале силен удар, како земјотрес, раскажуваат.
Жртвите се Лоренцо Кубело (37) и Фабио Тоси (34), двајцата од Болоња, вработени во фабриката. Двајца работници се во тешка состојба, додека другите се здобиле со полесни повреди и се пренесени во болницата Маџоре.ж
#Bologna, dalle 17:20 intervento dei #vigilidelfuoco in corso a Borgo Panigale per un’esplosione e successivo crollo in un capannone di un'azienda. Tragico il bilancio, con due persone ferite e due decedute, una dopo il trasporto in ospedale [#23ottobre 19:30]
— Vigili del Fuoco (@vigilidelfuoco) October 23, 2024
Експлозијата се случила во магацинот на фабриката, каде во моментот на несреќата имало 300 работници. Според првичните информации, експлозијата најверојатно била предизвикана од дефект на компресорот.
Итната помош и пожарникарите веднаш пристигнаа на местото на настанот, а градоначалникот на Болоња, Матео Лепор, ја посети фабриката и им изрази сочувство и поддршка на семејствата на настраданите.
BOLOGNA: Esplosione in un capannone della Toyota Material Handling in via Persicetana Vecchia a Borgo Panigale: 2 morti e 11 feriti pic.twitter.com/JaSKtGrSzd
— BreakingItalyNews (@BreakingItalyNe) October 23, 2024
По експлозијата, пред фабриката се собрале загрижените членови на семејството и соработниците кои биле внатре во зградата во моментот на несреќата.
Градоначалникот ја нарече трагедијата уште една во низата страдања на работното место, апелирајќи на потреба од поголема безбедност и заштита на работниците.