Свет
Бајден се сретна со Јулија Навални: Утре нови големи санкции за Русија како одговор на смртта на Алексеј
![](https://makfax.com.mk/wp-content/uploads/2024/02/julija-navalni-bajden.jpg)
Американскиот претседател Џо Бајден денеска во Сан Франциско се сретна со Јулија и Даша Навални за да им изрази искрено сочувство за нивната загуба по смртта на Алексеј Навални во руски затвор.
„Денеска се сретнав со Јулија и Даша Навални, најблиските на Алексеј Навални, за да изразам сочувство за нивната катастрофална загуба. Наследството на храброста на Алексеј ќе живее во Јулија и Даша и во безброј луѓе низ Русија кои се борат за демократија и човекови права“, напиша Бајден на социјалната мрежа „Икс“.
Today, I met with Yulia and Dasha Navalnaya – Aleksey Navalny’s loved ones – to express my condolences for their devastating loss.
Aleksey’s legacy of courage will live on in Yulia and Dasha, and the countless people across Russia fighting for democracy and human rights. pic.twitter.com/aiCcgTrws3
— President Biden (@POTUS) February 22, 2024
За време на средбата, американскиот претседател потврди дека неговата администрација утре ќе објави нови големи санкции кон Русија како одговор на смртта на Алексеј, руската репресија и агресија и нејзината брутална и незаконска војна во Украина.
Патем, по смртта на Навални, Бајден рече дека рускиот претседател „Владимир Путин е одговорен“ и најави дека во петок ќе објави голем пакет санкции како би ја повикал Русија на одговорност.
Откако руската затворска служба минатиот петок објави дека Навални починал во руска казнена колонија, Јулија објави видео во кое го обвинува Кремљ дека го убила нејзиниот сопруг и го прикрива со тоа што не му го предала брзо телото на неговото семејство.
„Пред три дена Владимир Путин го уби мојот сопруг“, рече 47-годишната вдовица во долго видео објавено на „Јутјуб“ пред да се сретне со министрите за надворешни работи на Европската унија во понеделник во Брисел.
Јулија Навални рече дека руските власти чекаат трагите од „уште еден Новичок на Путин“ да го напуштат неговото тело – мислејќи на воениот нервен агенс што се користеше за труење на Навални во 2020 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.