Свет
(Видео) Меѓу жртвите и 3-годишно дете и новороденче – порасна бројот на загинати од пожарот во Валенсија
![](https://makfax.com.mk/wp-content/uploads/2024/02/12049053.jpg)
Бројот на жртви во пожарот што ја зафати станбена зграда во источниот шпански град Валенсија се искачи на десет, соопштија официјални лица.
Според Ел Паис, четирите жртви се членови на исто семејство – татко, мајка, тригодишно девојче и новороденче.
Претходно властите соопштија дека најмалку четири лица загинале, а 14 се водат за исчезнати.
🇪🇸 | URGENTE:
Personas atrapadas en el enorme incendio en el edicio de 14 pisos en Valencia, España. pic.twitter.com/NtPsneNVbj— Diario HOY (@diariohoynet) February 22, 2024
Официјални лица велат дека жителите побегнале од пожарот на балконите, од каде пожарникарите спасиле неколку лица користејќи кранови. Повредените се здобиле со скршеници, изгореници и прекумерно вдишување чад.
Причината за пожарот не е позната, но некои медиуми јавуваат дека пожарот многу брзо се проширил поради материјалот користен во конструкцијата на зградата.
🇪🇸🔥| #Ahora | #Incendio | #Valencia
Incendio en Valencia deja al menos 13 heridos y afecta a 138 viviendas
El incidente provocó la movilización de al menos 20 dotaciones de bomberos, junto con la intervención de la Unidad Militar de Emergencias.https://t.co/W0gCeCqRwJ pic.twitter.com/PAmiHXnKZz
— Diario HOY (@diariohoynet) February 22, 2024
Не е познато колку луѓе имало во зградата во моментот на пожарот.
Големиот пожар изби на четвртиот кат од зградата во населбата Кампанар во Валенсија.
Пожарот брзо избувна и ги оштети сите 14 ката од зградата. Властите ја расчистија областа околу зградата за да избегнат загрозување на цивилите и да им го олеснат пристапот на пожарникарите и итните служби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.