Свет
Посредниците напредуваат кон договор за прекин на огнот во Газа, пишува израелскиот печат
Посредниците постигнуваат напредок во напорите за постигнување договор за еднонеделен прекин на огнот меѓу Израел и Хамас и ослободување на десетици заложници кои се држат во Газа и палестински затвореници од израелските затвори, јавија денеска израелските медиуми.
Воениот кабинет на Израел доцна синоќа се состана за да разговара за предлогот, но официјално не е соопштено што е одлучено.
Неколку израелски медиуми, повикувајќи се на неименувани функционери, јавија дека договорот е премолчено одобрен, и оти Израел ќе испрати делегација во Катар за продолжување на разговорите.
Хамас соопшти дека сè уште не е вклучен во последниот предлог на САД, Египет и Катар, но рамката на договорот за кој се известува во голема мера се совпаѓа со претходните барања на палестинската исламистичка група за првата фаза од примирјето. Лидерот на политичкото крило на Хамас, Исмаил Ханије, беше во Каиро минатата недела.
Израел во меѓувреме планира да ја прошири својата офанзива кон најјужниот град Рафа, на границата меѓу Египет и Газа, каде што повеќе од половина од 2,3 милиони жители на Газа побегнаа од конфликтот и живеат во шатори, преполни станови и засолништа.
Организациите за помош предупредија на катастрофа, а САД и другите сојузници на Израел рекоа дека мора да се избегне нанесување штета на цивилите.
Израелскиот премиер Бенјамин Нетанјаху најави дека оваа недела ќе свика седница на владата на која „ќе го одобри оперативниот план за акција во Рафа“, вклучително и евакуација на цивили.
Висок функционер од Египет, кој посредува со Катар меѓу Израел и Хамас, вчера изјави дека нацрт-договорот за прекин на огнот вклучува ослободување на 40 жени и постари мажи заложници во замена за околу 300 палестински затвореници, главно жени, малолетници и постари лица.
Анонимен египетски функционер рече дека предложената шестнеделна пауза во конфликтот ќе им овозможи на стотици камиони секој ден да носат помош која е очајно потребна во Газа, вклучувајќи го и северниот дел на опколената територија.
Тој рече дека двете страни се согласиле да ги продолжат преговорите за време на паузата за понатамошно ослободување и траен прекин на огнот.
Кабинетот на израелскиот премиер не одговори на барањето да ги коментира дискусиите одржани во Воениот кабинет, ниту пак на извештаите на израелските медиуми.
Посредниците се соочуваат со неофицијален рок на почетокот на светиот муслимански месец Рамазан кој почнува на 11 март, кога тензиите меѓу Израел и Палестинците често се интензивираат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.