Свет
Тимот на Навални планира јавна комеморација во Москва
Tимот на Алексеј Навални, кој неодамна почина во затвор, најави дека до петок сакаат да организираат јавна комеморација во Москва.
„Бараме сала за јавно збогување со Алексеј“, објави неговата портпаролка Кира Џармиш на „Икс“, поранешен Твитер.
Планираниот датум е крајот на оваа работна недела, додаде таа. Навални почина на 16 февруари во затвор во сибирскиот арктички регион Јамал, објавија руските власти.
Според руските затворски власти тој колабирал во дворот на затворот и починал и покрај напорите да го оживеат. Според неговиот тим, во изводот на смртта стои дека тој починал од природна смрт.
Неговата мајка Људмила ги обвинува руските власти дека се обиделе да ја притиснат да го закопа тајно, што таа го одбила. Таа бара јавна церемонија за неговите поддржувачи да му оддадат последна почит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Москва мора да започне со производство на ракети со среден и краток дострел
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.