Македонија
ДИК потврди: Османи собра над 10 илјади потписи

Според последните податоци објавени на страната на Државната изборна комисија заклучно со вчерашниот ден, кандидатот на Демократската унија за интеграција, Бујар Османи, собра 10.528 потписи.
Втор на листата е лидерот на ЗНАМ – За наша Македонија, Максим Димитриевски, со 8.400 собрани потписи. Кандидатката поддржана од партијата Левицата, Билјана Ванковска-Цветковска, има собрано 6.237 потписи, кандидатот на опозицискиот блок „Вреди“, Арбен Тарвари, 7.513 потписи, а кандидатот на ГРОМ, Стевчо Јакимовски, има 4.718 потписи.
Вело Марковски има 682 потписа, а Мерсиха Смаиловиќ има собрано 696 потписи.
Државната изборна комисија соопшти дека сè додека трае собирањето потписи, еднаш дневно ќе прави пресек на пристигнатиот број на потписи за секој подносител одделно и редовно ќе се ажурира.
Постапката за собирање потписи, која почна на 23 февруари, ќе трае непрекинато секој ден од 8 до 20 часот, а последниот ден на 8 март ќе работат до 24 часот. Собирањето потписи се одвива во сите подрачни одделенија и канцеларии на ДИК сместени во седиштата на 34 локални самоуправи и пред надлежните нотари.
Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи во Избирачкиот список, а кога подносител на листа на кандидат за претседател се пратеници, потребно е да се соберат најмалку 30 потписи од пратениците.
Учесниците на изборите листите со кандидати за претседател на државата треба да ги достават до ДИК најдоцна до 19 март, на полноќ. Рокот за собирање потписи се однесува и за претседателските и за парламентарните избори. Претседателските избори се закажани за 24 април, а вториот круг е на 8 мај кога треба да се одржат и парламентарните избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“: Уживаме во целосна поддршка од меѓународната заедница, црни листи за нашите противници!

„Политичкиот субјект ВЛЕН продолжува да ја зајакнува својата позиција како сериозен, кредибилен и доверлив партнер во очите на меѓународниот фактор. Нашите транспарентни политики, евроатлантска ориентација и посветеност кон вистински реформи наидоа на разбирање и целосна поддршка од претставници на пријателски и сојузнички земји“, велат од „Влен“.
„Претставниците на ВЛЕН секојдневно се пречекани од нашите меѓународни партнери, вклучувајќи ги и претставниците на Европската Унија и Соединетите Американски Држави, од каде што добиваат јасна поддршка за нивната визија и платформа. Ова покажува дека ВЛЕН е фактор на стабилност и гаранција за интеграција и развој.
Од друга страна, ДУИ е сè повеќе изолирана. Меѓународните партнери ја изгубија довербата во во еден субјект кој две децении ја злоупотребуваше моќта за лични и клански интереси. Клучните фигури на ДУИ веќе се на меѓународни црни листи и се прогласени за персона нон грата, што е јасен сигнал дека повеќе нема толеранција за криминал и корупција.
ВЛЕН е единствената алтернатива што гарантира искрена соработка со нашите стратешки партнери и одржлив развој за Албанците во Северна Македонија. Со ВЛЕН, постои бела иднина, изградена врз правда, работа и чесност, додека со ДУИ е црното минато, проткаено со криминал, корупција и изолација.
Решени сме да ја водиме земјата, заедно со граѓаните и со поддршка на меѓународните пријатели, кон пофер, почесна и поразвиена иднина.
ВЛЕН е ценет и добредојден од меѓународните претставници, бидејќи имаме јасна и чиста цел, за граѓаните и заедно со граѓаните!“, се наведува во соопштението на „Влен“.
Македонија
Неколку скопски општини денеска без струја

Од ЕВН Македонија АД известуваат дека денеска без електрична енергија ќе останат:
– Во периодот од 08:30 до 13:30 часот, корисниците од улицата 1 Мралино, општина Илинден;
– Во периодот од 09:00 до 11:00 часот, корисниците од улиците Васил Ѓоргов, Народен Фронт, Јуриј Гагарин, општина Центар;
– Во периодот од 09:00 до 12:00 часот, дел од корисниците на улицата Иван Хаџиниколов, општина Кисела Вода;
– Во периодот од 09:00 до 15:00 часот, дел од корисниците на улицата Московска околу Аптека Зегин, општина Карпош;
– Во периодот од 09:00 до 16:00 часот, корисниците од Горно Оризари, Глуво, Рудникот на Гранит во село Бразда, општина Чучер Сандево;
– Во периодот од 12:30 до 14:30 часот, корисниците од улицата 5 и улицата 7 Јурумлери, општина Гази Баба.
Македонија
Сончево со мала до умерена облачност, кон крајот на денот облачноста ќе се зголеми

Времето денеска ќе биде сончево со мала до умерена облачност. Ќе дува слаб до умерен ветер од западен и северозападен правец. Кон крајот на денот облачноста ќе се зголеми. Минималната температура ќе биде во интервал од 4 до 12, а максималната ќе достигне од 20 до 28 степени.
Во Скопје, сончево со мала до умерена, а кон крајот на денот зголемена облачност. Ќе дува слаб до умерен ветер од северозападен правец. Минималната температура ќе се спушти до 8, а максималната ќе достигне до 28 степени.
Времето во наредните денови
Од среда следува период на променливо облачно и топло време со сончеви периоди. Во попладневните часови ќе биде нестабилно со локален пороен дожд и грмежи, наместа во форма на невреме со засилен ветер и изолирана појава на град. До петок дневните температури ќе бидат во пораст, а за време на викендот ќе опаднат за неколку степени.