Македонија
Ковачевски: Со мерките на СДСМ растат производството и извозот на македонското вино
![](https://makfax.com.mk/wp-content/uploads/2024/03/thumbnail_претседателот-на-СДСМ-Димитар-Ковачевски-во-посета-на-винаријата-„Брзанов“-6.jpg)
Со воведувањето на грантовите од 10.000 евра малите семејни винарници го модернизираат производството и активно учествуваат во развојот на лозарството и винарството, порача претседателот на СДСМ, Димитар Ковачевски, при денешната посета на винарницата „Брзанов“ во скопско Трубарево. Оваа винарница грантот од 10.000 евра за набавка на опрема, модернизирање на целиот процес за производство на квалитетно и конкурентно вино.
„Го отворивме патот за развојот на малите семејни винарници бидејќи во минатото имаше неколку државни винарници, кои беа големи и кои практично беа приватизирани, некои од нив навистина станаа познати брендови, други не постојат денес. Меѓутоа, малите семејни винарници денес прераснаа во наша гордост и препознатлив бренд на нашата држава. Денес, имаме вкупно 173 регистрирани мали семејни винарници“, изјави Ковачевски.
Притоа Ковачевски потенцира дека со правилни мерки и политики македонското вино сега бележи голем успех на странските пазари, а паралелно растат и извозот на пакувано вино и девизниот прилив.
„Пред 2017 ние извезувавме налевно вино. Шишињата ги полнеа странски винарници, ни го враќаа назад пакувано со етикети на други производители и држави. Од година на година бележиме зголемување на извозот на вино во шишиња наспроти извозот на налевно вино. Може да кажеме дека веќе надминавме 50 % извоз на пакувано вино од државата. Според последните податоци на World Top Export, први сме во регионот по извоз на вино и неговата вредност и според количините. Првпат пред Грција, а исто и пред Србија, Словенија, Бугарија, Хрватска и сите земји во регионот“, рече Ковачевски додавајќи дека девизниот прилив сега достигна околу 60 милиони евра годишно, со што Северна Македонија е на високото 13. место во светот според вредноста на извезеното вино.
Претседателот на СДСМ потенцира дека партијата го вреднува трудот на земјоделците. Над 7 милиони евра субвенции и годинава се исплатија точно на празникот Свети Трифун на сметките на лозарите. Како и другите земјоделци, на крајот од 2023 година им беа исплатени 30 % авансно од субвенциите за 2023 година, или 12.000 денари, со што вкупната субвенција што лозарите до сега ја добија изнесува 52.000 денари од хектар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Падна дел од фасада на зграда во Аеродром
![](https://makfax.com.mk/wp-content/uploads/2024/07/dozd-aerodrom.jpg)
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански, број 38, во скопски Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.
Македонија
Трипуновски: Ги потпишав сите заостанати договори и документи во Министерството
![](https://makfax.com.mk/wp-content/uploads/2024/07/tripunovski-c-1.jpg)
Министерот за земјоделство, шумарство и водостопанство Цветан Трипуновски денеска ги потпиша сите заостанати договори и документи кои предолго чекаа за потпис.
„Ги потпишав сите оние договори и документи кои долго стоеле по фиоките во кабинетите на Министерството за кои претходната гарнитура не нашла време или пак не сакала да ги потпише од причини само за нив јасни“, изјави Трипуновски.
Ова е само најава на тоа што следува и во која насока ќе се движи Министерството во иднина, со зголемен ангажман, побрза реакција и поголема грижа за македонските земјоделци, се наведува во соопштението на МЗШВ.
„Ја намалуваме бирократијата и ги забрзуваме процесите и постапките бидејќи македонските земјоделци треба да се посветат само на производството“, заврши Трипуновски.
Македонија
Тошковски-Лимани: забрзување на протокот на патници на граничните премини за време на сезоната на годишни одмори
![](https://makfax.com.mk/wp-content/uploads/2024/07/toskovski-limani1.jpg)
Денеска во МВР, министерот Панче Тошковски се сретна со министерот за социјална политика, демографија и млади Фатмир Лимани.
„Заедно ја анализиравме ситуацијата на граничните премини во насока на пронаоѓање решенија за забрзување на протокот на возила и патници на двете страни на границите во овој период на зголемена фреквенција на граничните премини заради годишните одмори кога огромен број од нашите иселеници се враќаат во татковината“, извести Тошковски.
„Ги разгледавме можностите за унапредување и промена на некои од процедурите на границите со цел забрзување на протокот на луѓе и намалување на времето на чекање и на двете страни на границата. Секако со министерот Лимани потенциравме посветеност за унапредување на соработката и координацијата помеѓу двете институции што ќе резултира со унапредување на безбедност на сите наши граѓани што е една од главните стратешки цели на новата Влада“, додава министерот за внатрешни работи.