Свет
Египетските власти: Хамас ги напушта преговорите во Каиро, разговорите во ќор-сокак
Египетските власти денеска објавија дека преговорите за прекин на огнот во Појасот Газа дошле во ќор-сокак поради барањето на Хамас за фазен прекин на војната.
Делегацијата на таа милитантна палестинска група го напушти Каиро, местото на преговорите, за да одржи консултации, а според египетскиот ТВ-канал „Ал-Каиро њуз“, разговорите ќе продолжат следната недела.
Официјални лица изјавија за АП дека Хамас се согласил со главните услови од договорот од првата фаза, но сакале гаранции дека тоа ќе доведе до траен прекин на огнот, според „Тајмс оф Израел“.
Хамас соопшти дека нема да ги ослободи преостанатите заложници, без целосно повлекување на израелската армија од Појасот Газа, пишува израелскиот весник.
Милитантната група исто така бара ослободување голем број палестински затвореници од израелските затвори, вклучително и оние што се осудени за тешки злосторства.
Висок функционер на Хамас, Абу Зухри, рече дека Израел ги отфрлил сите напори на посредниците да постигнат договор за прекин на огнот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.