Македонија
Бојмацалиев: Паднаа во вода лагите, извештајот покажа дека полицијата навремено постапила за убиството на Вања и Панче
![](https://makfax.com.mk/wp-content/uploads/2024/03/thumbnail_203aff36-491c-469a-a832-71fab03d9641.jpg)
Дополнителниот заменик министер за внатрешни работи, Митко Бојмацалиев, беше запрашан за извештајот на внатрешна контрола во врска со истргата за двојното убиство на Вања Ѓорчевска и Панче Жежовски, пришто изјави дека извештајот на внатрешна контрола укажал дека полицијата навремено постапила и паднале во вода лагите за ненавремено постапување.
„Моите информации се оние кои вчера ги објавивме официјално од МВР, дека против ниту едно лице ќе биде покрената дисциплинска постапка, за луѓето кои работеле на двете грозоморни убиства. Што покажува тоа? Тоа покажува дека полицијата работела навремено, точно и прецизно и го решила двојното убиство изврешно од страна на сторителите кои беа приведени и предадени пред истражните органи за понатамошно постапување”, изјави Бојмацалиев.
„Во оваа прилика би сакал да потенцирам дека е убаво што овој извештај е завршен и не е констатирана вина кај никој од колегите. Зошто велам дека убаво во овој период? Бидејќи изминатиов период и деновиве уште се вртеше тезата кај одредени политички партии дека полицијата можела но не постапила како што треба. Со ова паѓаат во вода сите лаги дека полицијата не постапила навремено, точно и прецизно. Значи полицијата постапила според пропишаните правила и прописи во тој момент, онакако како што требало ги решила двете убиства”, рече Бојмацалиев, додавајќи дека новите упатства не се ништо ново и постои пракса на таква надградба.
„Ако имало пропусти ќе имало и дисциплински. Значи, нема пропусти и нема дисциплински. Како и секоја иснтитуција, МВР и сите други институции, по различни области, секогаш правиме надградба на одредени правила и прописи на постапување, бидејќи криминалците не мируваат, ние мораме да сме чекор пред нив. Тоа не е ништо ново, ако се направи промена на одредено правило и упатство, бидејќи сме го правеле и во минатото”, истакна Бојмацалиев.
На прашање за првоосомничениот, Бојмацалиев беше категоричен:
„МВР ја заврши својата работа, ги предаде доказите до ОЈО и Министерство за правда, тоа прашање е во раце на Министерство за правда. Јас искрено верувам дека човекот ќе биде донесен час побргу”, рече Бојмацалиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Битиќи: ВМРО-ДПМНЕ ги потврди добрите политики на СДСМ кои доведоа до намалување на маржата на цената на струјата
![](https://makfax.com.mk/wp-content/uploads/2023/12/14122023_Bitikji_FITR_1.jpg)
„Новата Влада на ВМРО-ДПМЕ уште еднаш ги потврди добрите политики на владата предводена од СДСМ, а тоа е во насока на заштита на интересите на граѓаните“, рече пратеникот од СДСМ Фатмир Битиќи, образложувајќи го ставот на пратеничката група на СДСМ за поддршка на Предлог на закон за дополнување на Законот за енергетика, кој по скратена постапка беше денес усвоен во Собранието.
Битиќи нагласи дека измените кои денеска се предлагаат се последица на успешната тендерска постапка за избор на Универзален снабдувач, која заврши пред неполн месец дена, а на која што беше избрана ЕВН Хоме.
„Тоа што е ново е дека постигнавме да ја намалиме маржата која универзалниот снабдувач ја аплицира кон крајните корисници од 11,5% на 9,9%. Ова е една од најниските маржи досега аплицирани кон крајните корисници и сметаме дека ова е нешто на кое сите треба да се гордееме“, рече Битиќи.
Образложувајќи го ставот на пратеничката група на СДСМ, Битиќи појасни дека со овие законски измени се овозможува аплицирањето на намалената маржа кон крајните корисници да стапи на сила веднаш, пред Регулаторната комисија за енергетика (РКЕ) да ја донесе одлуката за цената на струјата од 1 јули до крајот на годината.
Зборувајќи за законските измени, Битиќи образложи дека една од причините за поддршка од пратеничката група на СДСМ е тоа што со истите се предвидува производителот на електрична енергија со најголем инсталиран капацитет на Универзалниот снабдувач да му понуди на продажна во 2024 година 40% од вкупните годишни потреби на снабдувачот.
„Тоа значи дека ЕСМ, која што се пријавила пред само 10 дена, а слушавме помпезно како тоа само 85% ќе понуди, нуди двојно повеќе од тоа што укажува Законот дека треба да го понуди. Нуди по цена која е 60% субвенционирана, пониска цена од производната цена“, рече Битиќи.
Пратеникот Битиќи во своето обраќање потенцираше дека ова е начинот на кој една разумна и конструктивна опозиција треба да се однесува во Собранието, а тоа е да се поддржуваат сите законски решенија кои имаат за цел поддршка на граѓаните и квалитетот на нивниот живот.
„Вака СДСМ и коалицијата ќе продолжи да се однесува и наредните четири години секогаш кога е во прашање интересот на граѓаните“, порача Битиќи.
Македонија
Петровска: СДСМ е државотворна партија и повторно ќе се врати на победничките патеки
![](https://makfax.com.mk/wp-content/uploads/2024/06/slavjanka-petrovska-3.jpeg)
Кандидатката за претседател на СДСМ, Славјанка Петровска денеска пред членовите од Велес ги претстави клучните приоритети од нејзината програма „Манифест за социјалдемократијата“.
„СДСМ е државотворна партија и повторно ќе се врати на победничките патеки онаму каде што припаѓа. Тоа ќе го постигнеме само ако сме обединети и ако постојано го слушаме нашето членство. Тоа, јас како иден претседател, се обврзувам да го правам, да ги слушам членовите кои како што го избираат претседателот на партијата, така ќе ги избираат и претседателите на општинските организации, но и идните пратеници, советници, градоначалници“, посочи Петровска и дополни:
„Заедно ќе успееме, заедно ќе го вратиме СДСМ на кормилото на државата“.
Македонија
Собранието го донесе Законот за енергетика со кој ќе се спречи поскапување на струјата
![](https://makfax.com.mk/wp-content/uploads/2024/03/sobranie4.jpg)
Со 84 гласа ЗА, и ниту еден против и воздржан, Собранието го донесе Законот за дополнување на Законот за енергетика што го најави ВМРО-ДПМНЕ, за да се спречи зголемување на цената на струјата.
Пратениците на СДСМ претходно најавија дека ќе го поддржат законот, посочувајќи дека тој е продолжение на добрите политики на минатата влада.
Од Левица реагираа за овој Закон, но на крајот немаше гласови против.
Претседателот на Комисија за економски прашања, труд и енергетска политика, Бојан Стојаноски од ВМРО-ДПМНЕ, кој е и еден од предлагачите на законското решение, посочи дека измените се многу суштински, но се прилично едноставни, поради што законот е поднесен по скратена постапка.