Свет
Тешко вооружени мажи киднапираа речиси 300 ученици во Нигерија
Тешко вооружени мажи киднапирале речиси 300 ученици од основните и средните училишта во северозападна Нигерија, објавија државните медиуми.
Наставникот Сани Абдулахи за регионалната телевизија во државата Кадуна изјави дека 187 ученици од средното училиште и 125 од основното училиште се прогласени за исчезнати по нападот вчераутро. Пронајдени се само 25 ученици.
Утрово 287 ученици и момчиња и девојчиња се уште се водат за исчезнати, заедно со нивната професорка.
Терористичката група Боко Харам и другите групи извршуваат киднапирања во северна Нигерија од 2014 година. Киднапирањата изнудуваат пари, принудуваат регрутирање во вооружени групи или сексуално ропство.
Абдулахи рече дека мажите го опколиле училиштето порано во текот на денот, принудувајќи 700 ученици и нивните наставници во блиската пошумена област. Некои успеале да побегнат, рече тој. Локална група за цивилна одбрана се обиде да ја следи групата, но едно лице беше убиено во процесот.
Сенаторот од Кадуна, Уба Сани, ги потврди киднапирањата, но не откри детали за бројот на киднапираните. Тој вети дека „се преземаат сите чекори за безбедно враќање на учениците“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.