Свет
(Видео) Милијардер сака да го изгради „Титаник II“: „Ќе плови по истиот пат како и оригиналниот брод“
Милијардерот и рударски магнат Клајв Палмер вети дека ќе изгради брод „далеку, далеку подобар од оригиналот“ за време на откривањето на нацртите за проектот „Титаник II“. Палмер изнајмил соба во операта во Сиднеј за да објави дека неговата визија за изградба на голема реплика на океанскиот брод, конечно, ќе се оствари.
Сепак, откога сподели изјава со новинарите, во која вети дека неговата компанија, „Блу стар лајн“, ќе изгради „луксузен брод од врвен стил“, Палмер призна дека допрва треба да обезбеди бродоградилиште. Поминаа речиси 10 години откако Палмер одржа слична прес-конференција во лондонскиот хотел „Риц“ за да го открие својот сон за изградба на нов „Титаник“.
Дури и тогаш новинарите го прашале дали проектот е измама или рекламен трик, а Палмер одговорил дека има „доволно пари за да изгради 10 брода“. Во меѓувреме, Палмер имаше мандат во австралискиот парламент и потроши милиони долари на разни правни предизвици, туристички потфати и скапи изборни кампањи, пишува „Гардијан“.
Работата на „Титаник II“ беше прекината во 2015 година кога се појави спор за плаќање меѓу една од компаниите на Палмер и кинеската компанија „Ситик“. Палмер го најави проектот повторно во 2018 година со предложен датум за лансирање до 2022 година.
На денешната конференција тој ја обвини пандемијата на коронавирусот за доцнењата. Тој рече дека овој пат луѓето треба да му веруваат бидејќи „сега има повеќе пари“. „Многу е позабавно да го правиш ‘Титаник’ отколку да седиш дома и да си ги броиш парите“, рече Палмер, кој ќе наполни 70 години подоцна овој месец.
„Сè што ви треба за да бидете среќни е да имате некој што ве сака, некаде да спиете навечер и да имате доволно за добар оброк. Освен тоа, другото е илузија“, додаде тој. Тој е уверен дека може навреме да го обезбеди бродоградилиштето за да почне да го гради бродот на почетокот на следната година.
Првото патување на бродот е закажано за јуни 2027 година. Бродот треба да патува од Саутемптон до Њујорк повторувајќи го несреќното патување на оригиналот во 1912 година. Палмер најави дека тендерите за изградба ќе бидат објавени во јуни, а договорите ќе бидат потпишани до декември.
Тој процени дека бродот тежок 56.000 тони ќе чини меѓу 500 милиони и 1 милијарда долари. Тој потврди дека финската компанија за дизајн и поморско инженерство на бродови „Делтамарин“ го поддржала проектот. Иако вистинскиот брод сè уште не е на повидок, тој покажа петминутна 3Д-анимација од деветте палуби на „Титаник II“.
Палмер тврди дека ќе ангажира некои од „најдобрите дизајнери за крстарење во светот“. Бродот би имал ист ентериер и распоред на кабините како и оригиналниот брод, комплет сала за бал, базен и турска бања. Оригиналниот „Титаник“ удри во санта мраз за време на своето прво патување преку Атлантикот и потона на 15 април 1912 година, што резултира со смрт на приближно 1.500 патници и членови на екипажот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Пукна тобоган на најголемиот крузер во светот, повреден патник
Еден патник е сериозно повреден откако се скрши тобоган на најголемиот крузер во светот, „Icon of the Seas“, додека тој се спуштал низ него.
Според сведоците, еден од деловите од тобоганот во водениот парк на бродот се скршил токму кога човекот се спуштал по него. Сведоците пријавиле дека патникот претрпел сериозни исекотини на нозете и грбот, објавува британскиот таблоид The Sun.
Инцидентот се случил вчера, а снимките покажуваат како паѓа вода од скршен дел од лизгалката.
И покрај сериозното оштетување на лизгалката, извештаите сугерираат дека патникот не паднал низ дупката и е во стабилна состојба.
Video shows the chaos on board Royal Caribbean's Icon of the Seas after a glass panel on a water slide shattered mid-ride, injuring one guest and sending water pouring into a public area.
The footage shows startled passengers screaming in fear as water cascades from the slide… pic.twitter.com/hqShp7uQDB
— CBS News (@CBSNews) August 8, 2025
Бродот управуван од „Royal Caribbean“ моментално плови на седумдневно крстарење низ Источните Кариби и треба да се врати во Мајами во сабота.
Инцидентот се случува само две недели откако член на екипажот на истиот брод нападнал колешка, а потоа скокнал од бродот и загинал.
„Icon of the Seas“ е најголемиот крузер во светот, со капацитет од 7.600 патници, и најголемиот воден парк на море, „Thrill Island“, кој вклучува шест џиновски тобогани. Бродот од 250.000 тони беше пуштен во вода минатата година.
Свет
Нетанјаху: Германија го наградува тероризмот на Хамас
Израелскиот премиер, Бенјамин Нетанјаху, денес му рече на германскиот канцелар Фридрих Мерц дека е разочаран од неговата одлука да воведе ембарго за извоз на оружје за Израел, оценувајќи дека оваа одлука ќе ја награди палестинската милитантна група Хамас.
„Наместо да ја поддржува праведната војна на Израел против Хамас, кој го изврши најстрашниот напад врз еврејскиот народ од Холокаустот, Германија го наградува тероризмот на Хамас со воведување ембарго за извоз на оружје за Израел“, рече Нетанјаху, соопшти неговиот кабинет, објави The Times of Israel.
Нетанјаху, исто така, изјави „дека целта на Израел не е да ја преземе Газа, туку да ја ослободи Газа од Хамас“.
Свет
Германија го запира извозот на оружје во Израел
Германскиот канцелар Фридрих Мерц објави дека неговата влада ќе го запре целиот извоз на оружје и воена опрема во Израел што може да се користи во Појасот Газа, како одговор на планот на Израел да го заземе градот Газа и следствено целата енклава.
„Германија нема да одобри извоз на воена опрема во Израел до понатамошно известување доколку постои можност таа да се користи во Газа“, рече Мерц во изјава дадена неколку моменти по објавувањето на израелските планови.
Тој нагласи дека е „сè потешко да се разбере“ како воената стратегија на Израел може да придонесе за постигнување на легитимни цели.
„Во овие околности, германската влада нема да одобри извоз на воена опрема што може да се користи во Појасот Газа“, додаде канцеларот.
Германија традиционално е еден од најголемите извозници на оружје во Израел и еден од неговите најблиски сојузници. Според Стокхолмскиот меѓународен институт за истражување на мирот (SIPRI), САД биле најголемиот снабдувач на воена опрема за Израел од 2020 до 2024 година, додека Германија била втора на листата.
Сепак, и покрај поддршката, во последните месеци новиот канцелар Мерц дава сè порезервирани изјави во светлината на катастрофалната ситуација во Газа предизвикана од Израел, па затоа оваа одлука не е толку неочекувана.
Фото: ЕПА
Клиниките за Токсикологија, Неврологија и Кардиологија добија нови директори
Министерството за здравство информира дека се именувани нови в.д. директори во четири јавни здравствени установи. На Универзитетската клиника за токсикологија...
Објавено е што е подготвен Путин да направи
Русија и САД се обидуваат да постигнат договор што би ја запрел војната во Украина и би ја потврдил руската...
Крадци украле акумулатори и нанеле штета од над 10 милиони денари на ЈП за железничка инфрастрактура
Јавен обвинител од Основното јавно обвинителство Битола донесе наредба за спроведување истражна постапка против две лица за тешка кражба. За...
Убиство во Штип: пијан со нож ја избол мајка си во врат, па сам пријавил на 112
Основното јавно обвинителство соопшти детали за убиството во Штип што се случи утрово. Од таму велат дека против С.З. (54)...
Мицкоски: Карпалак е обврска да изградиме држава во која нема да има место за омраза и поделби
Слава за хероите од Карпалак. Нивното дело и пожртвуваност се памети, нивната храброст и одлучност се почитува, напиша на социјалните...
Одбележана 24-годишнината од загинувањето на десеттемина армиски припадници кај месноста Карпалак
Делегација од Министерството за одбрана и Генералштабот на Армијата, предводена од државниот секретар Елизабета Чуповска-Ристова и директорот на Генералштабот, бригаден...
Семејна заштеда и помал притисок за родителите: Дурмиши за поевтинувањето на училишниот прибор
Министерот за економија и труд, Бесар Дурмиши, денеска ја промовира новата владина мерка „Училишна кошничка“, насочена кон намалување на трошоците...
Надлежните со препораки до граѓаните поради најавата за температури до 39 степени во периодот до 13 август
Министерството за здравство информира дека, според најновата прогноза од Управата за хидрометеоролошки работи (УХМР), од 8 до 13 август 2025...
Четири цени за паркинг во Клинички, просторот ќе се прошири двојно
Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање...
Израел се подготвува за целосна окупација на Појасот Газа
Израелскиот безбедносен кабинет го одобри планот на премиерот Бенјамин Нетанјаху за преземање воена контрола над Газа, што претставува нова голема...
Либанската влада го поддржа американскиот план, луѓето на Хезболах ја напуштија седницата
Министерот за информации на Либан објави дека владата ги одобрила целите на американскиот предлог за разоружување на Хезболах до крајот...
„Опен ВИ“ го претстави „Чат ГПТ 5“, дава поточни одговори за медицината, науката, финансиите
Компанијата „Опен АИ“ денес официјално го претстави својот долгонајавуван модел на вештачка интелигенција „ГПТ-5“, кој сега е достапен бесплатно за...
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“
По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично...
Одложени активности на отворено: Министерството за здравство со препораки поради најавите за високи температури
Министерството за здравство информира дека во согласност со најновата прогноза од Управата за хидрометеоролошки работи (УХМР) во периодот од 8...
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
