Македонија
Ковачки: Ковачевски и Пендаровски се фатени во лага, кој го плаќа Асаф Исеини и зошто финансиските трансакции ги нема во извештаите на СДС?
Стево Пендаровски и Димитар Ковачевски се репрезенти односно тие се главните носители на политичкиот неморал во Република Македонија, рече Драган Ковачки, член на ИК на ВМРО-ДПМНЕ одговарајќи на новинарско прашање кое е неговото мислење за ангажирање на пи-ар агентот на Стево Пендаровски.
Ковачки нагласи дека Пендаровски и Ковачевски се фатени во лага бидејќи и двајцата имаат различни изјави, укажувајќи дека тоа го прават бидејќи и двајцата се свесни дека станува збор за една проневера на финансии кои што не ги гледаме во финансиските трансакции на СДС.
Стево Пендаровски од една страна кажува дека се среќавал со тој ПР агент во рамки на форумот што го организирал СДС, а од друга страна претседателот на СДС, Димитар Ковачевски тоа го негира. Зошто го негира? Затоа што најверојатно е свесен дека станува збор за една проневера на финансии кои што не ги гледаме во финансиските трансакции на СДС, значи не гледаме никакви исплати на финансии кон тој ПР агент, не гледаме која е целта на тој ПР агент кој што го советувал Стево Пендаровски, рече Ковачки.
Ковачки во врска со овој случај со овој ПР агент упати и прашање:
И оттука јас би поставил едно прашање, а тоа е дали има некаква врска одредено лице со иницијали Г.Т коешто е поврзано односно е подизведувач и плаќач на овој ПР агент?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Непречен сообраќај по претежно влажни коловози
Сообраќајот на државните патишта се одвива непречено, по претежно влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Падна дрво во населбата „Автокоманда“ во Скопје
Преку Единствен повикувачки број за итни случаи 112 во ЦУК е добиена пријава за паднато дрво на булеварот „Александар Македонски“ близу паркингот на влезот на фабриката „Железара и Железарија Јоле“ во населбата „Автокоманда“.
Од ЦУК, веднаш по добиената информација од страна на Сектор за операции и координација, покрај МВР, беа известени ЈП „Паркови и зеленило“ на Град Скопје, коишто испратија екипи и истите интервенираа во расчистување на паданатото дрво.
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд. Во јужните делови наместа врнежите ќе бидат пообилни, локално проследени со грмежи и засилен ветер. Минималната температура ќе биде во интервал од 6 до 13, а максималната ќе достигне од 14 до 20 степени.
Во Скопје променливо облачно со повремени врнежи од дожд и со слаб до умерен северен ветер. Минималната температура ќе се спушти до 12, а максималната ќе достигне до 20 степени.
Во сабота ќе има преодно стабилизирање на времето, а потоа во следните денови во попладневните часови ќе има локална појава на краткотраен пороен дожд и грмежи. Дневната температура ќе биде во пораст.