Забава
Нови детали: пред две недели принцезата реши да објави дека има рак
Принцезата Кејт е на насловните страници во Велика Британија и светот откога во петокот вечерта беше објавено видео во кое таа објаснува дека оди на хемотерапија против рак. Во двеминутното видео принцезата изјави дека во јануари направила операција на абдоменот, а последователните прегледи откриле дека има рак иако претходно се сметаше дека состојбата е поповолна.
Кејт во видеото изјави дека е во рана фаза на хемотерапија и вели дека дијагнозата била голем шок за неа и за целото семејство.
Како што пишуваат британските медиуми, Кејт сама го напишала говорот пред две недели кога решила својата дијагноза да ја сподели со светот. Таа и Вилијам решија да почекаат до почетокот на велигденските празници за да ја соопштат веста за нивните деца да бидат дома за време на медиумскиот хаос.
Би-би-си го сними говорот на почетокот на неделата, а се шпекулира дека Кејт седела пред камерите кога нејзиниот сопруг и децата не биле дома.
Британските медиуми пишуваат и дека децата на Кејт со денови биле под притисок од своите врсници на училиште откога настанал хаос во Велика Британија и на интернет поради исчезнувањето на мајка им.
Пријателите на принцезата велат дека со нејзината објава за ракот уште на почетокот на празниците Кејт сакала, пред сè, да ги заштити своите деца.
View this post on Instagram
Принцот Хари и неговата сопруга Меган дознаа за дијагнозата на Кејт од медиумите, како и целиот свет.
View this post on Instagram
Медиумите пренесуваат дека ситуацијата меѓу двајцата браќа и снаите е катастрофална и дека на Вилијам и Кејт не им текнало да ја споделат веста со Хари и Меган бидејќи целосно ја изгубиле довербата во нив. Тие се плашеле дека парот или нивните блиски луѓе ќе ја искористат таа информација.
Хари и Меган се огласија во петокот вечерта и ѝ посакаа брзо закрепнување на принцезата Кејт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.