Свет
Сестрата на Ким Џонг-ун: Јапонскиот премиер Кишида побара средба со лидерот на Северна Кореја
Ким Јо Џонг, сестрата на севернокорејскиот лидер Ким Џонг-ун, денеска изјави дека јапонскиот премиер Фумио Кишида неодамна изразил желба да се сретне со лидерот на Северна Кореја.
Ким посочи дека таквата средба не зависи само од волјата на Кишида и дека Јапонија ќе се смета за непријател „кога јасно ги крши суверените права на Демократска Народна Република Кореја“, но додаде дека двете земји можe да отворат нова иднина ако Јапонија одлучи на патот на меѓусебното почитување, пренесува „Ројтерс“.
Агенцијата АП наведува дека некои експерти проценуваат дека Северна Кореја сака да ги подобри односите со Јапонија за да го ослаби трилатералното безбедносно партнерство на Токио, Сеул и Вашингтон и дека Кишида со овој потег сака да го зголеми својот опаѓачки рејтинг во Јапонија.
САД и Јужна Кореја ги прошируваат заедничките воени вежби и трилатералните вежби со Јапонија од 2022 година како одговор на тестовите на оружје на Пјонгјанг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Словенија ја започна процедурата за признавање на Палестина
Министерката за надворешни работи на Словенија, Тања Фајон, изјави дека словенечката влада ја започнала процедурата за „признавање на независната, суверена држава Палестина“.
По состанокот на владата, таа изрази надеж дека признавањето ќе се случи што е можно поскоро и дека целта на тој потег не е само симболична, туку и да се смири ситуацијата во Газа, пренесува СТА.
Фајон објасни дека одлуката на словенечката влада се заснова на границите меѓу Израел и Палестина од 1967 година, што значи дека територијата на Палестина би ги опфаќала Појасот Газа, Западниот Брег и Источен Ерусалим.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.