Забава
„Сè уште ја сакам таа жена“: Бред Пит не може да заборави поранешна девојка, а таа не е ниту Анџелина Џоли ниту Џенифер Анистон
Бред Пит отсекогаш важел за миленик на жените и за еден од најпосакуваните мажи во светот.
Покрај успешната кариера во Холивуд, Бред Пит можеше да се пофали и со титулата еден од најубавите мажи на светот, а на неговиот шарм не одолеаја многу светски убавици.
Популарниот актер уживаше во романсата со филмските ѕвезди Гвинет Палтроу, Џенифер Анистон и Анџелина Џоли, но кога е во прашање неговиот љубовен живот, познатиот актер ја издвојува врската со актерката Џулиет Луис.
Џулиет и Бред уживаа во романса пред повеќе од три децении. Двојката се запознала во 1990 година на снимањето на заедничкиот филм Too Young to Die, а актерката тогаш имала 17 години. Бред Пит е 10 години постар од Џулиет и во времето кога се запознале имал 27 години, а една деценија разлика не ги спречила на прв поглед да сфатат дека се еден за друг.
Актерската двојка се забавуваше три години, а врската ја прекинаа на почетокот на 1993 година. Години подоцна, кога се навраќаа на љубовната врска, атрактивната бринета изјави дека холивудскиот заводник воопшто „не е во нејзиниот универзум“, а Бред Пит во повеќе наврати зборуваше во медиумите за одличното време поминато заедно.
„Сè уште ја сакам таа жена. Таа е вистински гениј. Прекрасно си поминав со неа“, изјави Бред Пит во интервју за „Венити фер“ и додаде:
„Тоа беше една од најдобрите врски во кои некогаш сум бил. Проблемот е што растеме со визија дека љубовта победува сè, а тоа, едноставно, не е така, нели?’
Во 1993 година, кога се запознаа, Бред Пит и Џулиет Луис снимија уште еден заеднички филм – „Калифорнија“.
Во тоа време, додека зборуваше за својата романса со Бред, кој веќе уживаше огромна популарност во Холивуд, Џулиет призна дека Бред ѝ се допаѓал како актер уште пред почетокот на нивната љубовна приказна.
„Се запознавме на снимањето на филмот и почнавме да излегуваме кога заврши снимањето. „Веќе ми се допадна како актер и мора да почитуваш некој што е во истото поле како тебе“, изјави тогаш Луис.
„Ние сме во момент во љубов кога, едноставно, сакаме да се гледаме секој ден и не ни е досадно кога сме еден со друг, па затоа е навистина, навистина убаво. Исто така, можеме да бидеме заедно кога работиме и разговараме за тоа и соработуваме. Сакаме да работиме заедно повторно, и повторно, и повторно“, ја опиша Џулиет својата врска со популарниот актер за „Лос Анџелес тајмс“.
Години подоцна, актерката повторно се присети на врската со колегата и истакна дека се надева оти Бред Пит ќе ја најде среќата во љубовта бидејќи искрено го сака.
„Тој воопшто не е во мојот универзум сега. Ми се чини како да била средношколска врска за мене бидејќи тој сега е толку славна личност. Ја гледам оваа личност со која имам малку заедничка историја. Се надевам дека ќе најде среќа затоа што јас навистина го сакав. Тој е многу лојален, добро момче“, изјави Џулиет Луис за медиумите.
Години подоцна, во 2009 година, актерката истакна дека единствената причина зошто луѓето ја прашуваат нешто за Бред Пит е затоа што тој има култен статус во Холивуд.
„Луѓето ме прашуваат за него само затоа што е толку познат. Ништо не ме прашуваат за мојот поранешен сопруг, иако тоа секако е многу позначајна врска бидејќи сепак бевме во брак“, изјави актерката.
Џулиет Луис беше во брак од 1999 до 2003 година со професионалниот скејтбордер Стив Бур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тешко се освојуваат: два хороскопски знаци кои имаат највисоки стандарди
Во светот на романтичните врски, постојат поединци кои се познати по тоа што се држат до високи стандарди и не прават компромиси кога е во прашање изборот на партнер. Високите стандарди можат да бидат знак на самодоверба и јасна свест за сопствените желби и потреби. Таквите луѓе често очекуваат дека нивниот партнер дели слични вредности, интереси и животни цели. Но, додека некои тоа го гледаат како предност, други веруваат дека таквите високи критериуми може да го отежнат наоѓањето вистинска љубов.
Кога станува збор за хороскопски знаци, два особено се издвојуваат по големите очекувања во љубовта, а тоа се Девицата и Јарецот. Овие знаци се познати по нивната прецизност, методичност и, понекогаш, немилосрдно стремење кон совршенство.
Девицата е земјен знак, познат по својот аналитички и методичен пристап кон животот. Родените во овој знак често се педантни и им придаваат големо значење на деталите. Во љубовните врски Девиците бараат партнер кој е чист, организиран и има висок интелект. Девиците не се склони кон избрзани романси или површни врски, наместо тоа, претпочитаат длабоки и значајни врски кои можат да ја задоволат нивната потреба за анализа и разбирање.
Девиците сакаат да поминуваат време анализирајќи ги потенцијалните партнери за да ги проценат нивните маани и доблести пред да се посветат на посериозна врска. Ова може да биде предизвик за оние кои сакаат да ги освојат, бидејќи треба да се докажат на многу различни нивоа.
Јарците се уште еден земјен знак познат по својата амбиција и дисциплина. Луѓето родени во овој знак се стремат кон стабилност и сигурност во сите аспекти од нивниот живот, вклучувајќи ги и романтичните врски. Јарците бараат партнери кои се емотивно зрели и финансиски стабилни, бидејќи веруваат дека тоа се клучните состојки за долготрајна и успешна врска.
Покрај тоа, Јарците често се претпазливи кога влегуваат во нови врски. Можеби на прв поглед изгледаат ладни или недостапни, но навистина, тие само сакаат да се погрижат нивниот иден партнер да биде сигурен и лојален. Јарците исто така ја ценат традицијата и често претпочитаат класични методи на додворување, што дополнително ја подигнува границата за оние кои се обидуваат да ги придобијат.
Високите стандарди на Девиците и Јарците не се само израз на нивните лични преференци, туку и одраз на нивната длабока желба за квалитет и трајност во односите. Иако е тешко да се победат, откако ќе се отворат и се обврзат, тие се исклучително лојални и посветени партнери. За оние кои се подготвени да се потрудат, освојувањето на Девица или Јарец може да резултира во исклучително богата врска.
Забава
Кралот Чарлс нема да го види својот син Хари бидејќи е премногу зафатен
Принцот Хари нема да го види својот татко, кралот Чарлс, за време на посетата на Велика Британија, каде што пристигна на игрите Invictus, бидејќи кралот ќе биде премногу зафатен, изјави портпаролот на Хари.
В среда 39-годишниот Хари ќе ја прослави десетгодишнината од меѓународниот спортски настан Invictus Games, кој тој го основал, во катедралата „Свети Павле“ во Лондон, кој е мултидисциплинарен спортски настан за ранети и болни воени ветерани.
„Како одговор на многуте прашања и шпекулации за тоа дали војводата ќе се сретне со својот татко за време на посетата на ОК оваа недела, за жал, тоа нема да биде можно поради презафатениот распоред на неговото височество“, рече портпаролот на принцот Хари. „Војводата од Сасекс разбира дека татко му има обврски и разни други приоритети и се надева дека набргу ќе го види“, додаде тој.
Помладиот син на кралот Чарлс ја посетил Британија само неколкупати откако тој и неговата сопруга Меган се преселиле во Лос Анџелес во 2020 година, каде што живеат со двете мали деца. Тие претходно се откажаа од службените кралски должности. Хари присуствуваше на погребот на својата баба, кралицата Елизабета Втора, во 2022 година, а присуствуваше и на крунисувањето на татко му во мај 2023 година.
Последен пат беше виден во Велика Британија во февруари оваа година кога накратко се сретна со својот татко откако 75-годишниот монарх објави дека му бил дијагностициран рак. Хари е отуѓен од кралското семејство и се вели дека едвај зборува со својот постар брат и престолонаследник, принцот Вилијам.
Кралот Чарлс минатата недела се врати на своите јавни должности со оглед на тоа што неговото лекување беше успешно и тој добро закрепнува, соопшти Бакингемската палата. Палатата исто така соопшти дека нема да коментира за прашања поврзани со Хари. По заминувањето од Британија, Хари со сопругата ќе ја посети Нигерија.
Забава
Непредвидливи хороскопски знаци: не знаете што да очекувате од нив
Секогаш е непријатно кога не знаете што да очекувате од другата личност во која било смисла. Ова се непредвидливи хороскопски знаци кои сигурно ќе ве натераат да се намачите.
Чудните и неочекувани промени на расположението се многу карактеристични за овие луѓе. Тие можат да се предомислат во секунда и да донесат неочекувана одлука која ќе ги збуни сите, а тоа е особено незгодно ако сте во блиски односи со нив. Од друга страна, понекогаш знаат да изненадат на убав начин.
Непредвидливи хороскопски знаци
Овен
Овенот е управуван од Марс, па тоа е доволен показател зошто овој знак е непредвидлив. Бидејќи се под влијание на таква страсна и експлозивна планета, Овните ретко се во состојба на стабилност и се подложни на нивните моментални импулси. Покрај тоа, претставниците на овој знак знаат да испробуваат нови работи и често одат на тоа без многу размислување. Сепак, ова е проблематично кога станува збор за расправии бидејќи некои зборови навистина можат да ги навредат нивните најблиски.
Близнаци
Двојната природа на Близнаците истовремено наидува на одобрување, но и на отворено непријателство меѓу луѓето. Поентата е дека непостојаноста на Близнаците понекогаш им годи и ги наградува другите со позитивна енергија, принудувајќи ги да се движат наместо пасивно да останат на место. Меѓутоа, често таквата спонтаност е сосема несоодветна. Не секој е подготвен да ги промени своите планови со молскавична брзина, прилагодувајќи се на новото расположение на Близнаците.
Шкорпија
Вродената таинственост на Шкорпиите понекогаш ниту на нив не им оди од рака, а камоли на луѓето околу нив. Иако внимателно ги кријат своите чувства од другите луѓе, во последен момент ќе ги изненадат своите сакани со неочекувани промени, принудувајќи ги да играат по ново сценарио. Можеби претставниците на овој знак треба повеќе да се отвораат кон другите и да ги изразат своите емоции за да биде поразбирливо и поочигледно во очите на другите.
Водолија
Дури и Водолиите сами по себе не знаат што има во главата на главниот револуционер од зодијачкиот круг. Претставниците на овој знак се свесни дека им предизвикуваат непријатности на луѓето со нивното променливо расположение, но тоа само ги забавува и ги прави горди на сопственото изненадување. Понекогаш се однесуваат како тинејџери кои протестираат, но се подготвени да направат се што е по нивно и од принцип да ги променат одлуките во последен момент.