Регион
Потрага по избришаните пораки: наредена е детална анализа на телефонот на мајката на исчезнатата Данка
Иако од прегледот на мобилниот телефон на мајката на Данка Илиќ е откриено дека бројни повици и пораки биле избришани непосредно пред исчезнувањето на девојчето, тоа не значи дека нема да се утврди со кого комуницирала, бидејќи полицијата го прегледува нејзиниот мобилен телефон детално, дознава „Блиц“.
Српскиот медиум објавува дека обвинителството наредило детален преглед на нејзиниот телефон, со оглед на тоа што мајката на Данка Илиќ била последна која контактирала со девојчето.
„Сите избришани пораки ќе бидат вратени“, вели изворот на „Блиц“.
Мајката на Данка Илиќ, Ивана, вчера повторно била сослушана во полициската станица во Бор за околностите на исчезнувањето на нејзината ќерка.
Како што се наведува, полицијата во последните 4 дена добила многу информации преку системот „Најди ме“ и секоја информација мора да се провери за да се најде Данка Илиќ.
Разговорите што мајката ги води со полицијата и прегледот на нејзиниот телефон не значат дека таа е осомничена или обвинета за нешто, туку тоа е вообичаена насока која може да доведе до целосно елиминирање на мајката од понатамошната истрага.
Две специјалистички тимови вчера темелно го пребарале просторот околу куќата пред која исчезнала Данка и откриле тунел долг 4,5 километри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.