Регион
Поранешен шеф на белградската полиција за исчезнувањето на Данка: Граничните премини детално да се проверат
Два хеликоптери ја надлетуваат областа каде што оваа недела исчезна двегодишно девојче Данка во Србија.
Поминаа пет дена од исчезнувањето на Данка Илиќ, а најблискиот граничен премин е оддалечен само 30 минути од Бањско поле, така што секој што ја поминал границата од моментот на нејзиното исчезнување треба да биде темелно проверен во двата правци, изјави за „Курир“ поранешниот началник на белградската полиција Марко Ницовиќ.
Двегодишното девојче исчезна во вторникот околу 13.45 часот во населбата Бањско Поље, недалеку од Бор.
„Во светот има голема експанзија на трговија со деца, особено на нејзина возраст, така што следен чекор на властите треба да биде проверка на граничните премини“, рече тој.
Полицијата вчера го пребарала тунелот и подземните канали, а како што пишува „Танјуг“ денеска размислува да го пребара блиското езеро Бор.
„Пребарувањето на теренот околу местото на исчезнување сега, за жал, е губење време и ресурси. После толку време, шансите да се најде дете во тој крај се речиси нула. Секој чекор е испитан, но резултати нема, затоа треба да се смени насоката на истрагата“, продолжи тој.
На терен има голем број полицајци и пожарникари, а хеликоптерите прелетуваат на небото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.