Забава
Несудената британска кралица има неверојатна животна приказна: сестрата на принцезата Дијана претходно била во врска со Чарлс
Кога принцот Чарлс се ожени со Лејди Дијана Спенсер во 1981 година, се чинеше дека ниту еден аспект од свадбата од бајките не остана непроверен, но имаше една личност која, иако претпочиташе да остане зад сцената, а имаше централна улога тој ден.
Не само што беше најстарата сестра на принцезата Дијана, туку беше и поранешна девојка на младоженецот и жена која, како што подоцна призна, ги запознала Чарлс и Дијана. Која е мистериозната Сара Мекоркудал?
„Ги запознав Дајана и Чарлс. Јас сум Купидон“, рече Лејди Сара за тогашниот принц и нејзината сестра Дијана пред нивната венчавка. Сепак, по распадот на бракот, Сара беше сигурен сојузник на нејзината помлада сестра, а исто така поддржувач на принцовите Вилијам и Хари кога ја загубија својата мајка во сообраќајна несреќа.
Сепак, само три години пред „свадбата на векот“, се шпекулираше дека Лејди Сара ќе се омажи за Чарлс.
Сара го запознала принцот од Велс на поло натпревар во 1977 година, во време на зголемен интерес на јавноста за тоа кого наследникот на тронот ќе избере за своја невеста.
Лејди Сара ненадејно стави крај на гласините во 1978 година, откако скијаше со Чарлс во швајцарското село Клостерс.
„Тоа беше прекрасен одмор, но не се зборува за веридба. Нема шанси да се омажам за него. Не сум заљубена во него. И не би се омажила со некој што не го сакам, било да е тоа чистач или крал. Кога би ме прашал, би го одбил. Би се омажила само за љубов“, изјавила тогаш 22-годишната Сара на новинарите, пренесува „Дејли мејл“.
И додека ја отфрли нејзината потенцијална улога во кралското семејство, таа го запали огнот меѓу Чарлс и нејзината сестра. Сара беше таа која првпат го запозна Чарлс со Дијана во прекрасниот дом на семејството Спенсер Алторп во Нортхемптоншир.
Школувана во познатиот интернат Вест Хит, во Кент, Лејди Сара подоцна работела во Лондон. Кога Дијана се преселила во Лондон кон крајот на 1970-тите, таа живеела со својата сестра.
За време на живеењето на Дијана во Лондон, нејзината врска со Чарлс процвета, привлекувајќи го интересот на јавноста за младата жена која би можела да стане принцеза од Велс. Во меѓувреме, Лејди Сара се запознала со Нил Мекоркудал, фармер и поранешен офицер на гардата. Тие се венчаа на тивка церемонија на 17 мај 1980 година во црквата Света Марија во селото Грејт Брингтон во близина на Алторп.
Свршувачката на нејзината сестра беше меѓународна вест на 24 февруари 1981 година. Свадбата на 29 јуни истата година ја следеле 750 милиони луѓе. Се проценува дека тој ден на улиците на Лондон биле околу 600.000 луѓе за да ја следат церемонијата.
Иако водеа различни животи, едната сестра беше принцеза, а другата жена на фармер, тие останаа блиски. Лејди Сара често ја придружуваше Дијана на службени патувања. Сара, мајка на три деца, често и помагала на принцезата да се грижи за Вилијам и Хари. Сестрите редовно летувале заедно со децата.
По смртта на Дијана на 31 август 1997 година, нејзините сестри Сара и Џејн Фелоус и Чарлс отишле да го земат нејзиното тело. Лејди Сара ја прочита песната на погребот на Дијана и беше ко-извршител на тестаментот на Дијана, а стана и претседател на Меморијалниот фонд на Дијана, пред да се затвори во 2012 година.
Таа беше присутна и на свадбата на Вилијам со Кејт Мидлтон во 2011 година и на свадбата на Хари со Меган Маркл во 2018 година, како и на крштевката на нивниот син Арчи.
Семејството Спенсер долго време е дел од британската аристократија.
Семејството било толку блиско со членовите на кралското семејство што кралицата мајка и била кума на Сара.
Лејди Сара и Нил Мекоркудал имаат три деца, Емили Џејн, Сали Роуз и Џорџ Едмунд. Парот живее затскриен живот во близина на Грантам во Линколншир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Малкумина знаат дека Џенифер Лопез има сестра – успешна новинарка и добитничка на „Еми“
Џенифер Лопез (56) и нејзината помлада сестра Линда (54) беа фотографирани од папараците додека уживаа во викендот во Хамптонс. Двете поминале ден на плажа и прошетка во есенска атмосфера, облечени лежерно, со топли џемпери и чизми.
Линда Лопез, која ретко се појавува во јавност, е успешна новинарка и телевизиска водителка, добитничка на награда „Еми“. Заедно со Џенифер ја основала семејната фондација, за помош на жени и деца до пристап за здравствена грижа.
Иако ја избегнува јавната сцена, Линда често ја поддржува својата славна сестра на хуманитарни и професионални настани.
View this post on Instagram
Забава
Шкорпиите сакаат контрола, Рибите бегаат од реалноста – најлошите навики на секој хороскопски знак
Секој хороскопски знак има свои слаби страни и навики што можат да создадат проблеми во односите или животот.
Oва се најлошите навики на секој знак.
♈ Овен – Нестрпливост
Импулсивни се и брзо „пламнуваат“ ако нешто не им оди по план.
♉ Бик – Тврдоглавост
Тешко прифаќаат промени и ретко ја менуваат еднаш донесена одлука.
♊ Близнаци – Недоследност
Започнуваат многу работи, но брзо го губат интересот и ретко довршуваат.
♋ Рак – Злопамтила
Премногу долго ги паметат неправдите и тешко простуваат.
♌ Лав – Постојана потреба за внимание
Желбата за признание лесно преминува во зависност од пофалби.
♍ Девица – Прекумерна критичност
Сè забележуваат и често претеруваат со коментари и забелешки.
♎ Вага – Одолговлекување
Стравот да не погрешат ги тера да одложуваат одлуки и шанси.
♏ Шкорпија – Поссесивност
Сакаат контрола и често ги проверуваат блиските.
♐ Стрелец – Избегнување одговорност
Бегаат кога обврските стануваат сериозни, во потрага по слобода.
♑ Јарец – Претерана посветеност на работа
Работат премногу и ги занемаруваат здравјето и личниот живот.
♒ Водолија – Емоционална дистанца
Тешко покажуваат чувства и делуваат студено, и кога не се такви.
♓ Риби – Бегство од реалноста
Сонуваат наместо да се соочат со проблемите, што ги враќа во ист круг.
Забава
Британски водител: Зависноста од порнографија ми го уништи бракот и животот
Британскиот телевизиски и радио водител Орe Одуба (39) откри дека зависноста од порнографија, која почнала кога имал само девет години, го уништила неговиот брак и длабоко го погодила психички.
Во подкастот „Треба да разговараме“ тој призна дека три децении молчел поради срам и страв, а отворено проговорил дури по разводот и смртта на својот татко.
„Требаа 30 години, две смртни случаи и еден развод за конечно да кажам што се случува“, изјави Одуба.
Тој истакна дека решил да ја сподели својата приказна за да ја подигне свеста за раната изложеност на деца на сексуални содржини.
„Ова го правам за своите деца и за сите млади кои можат да западнат во нешто што не го барале,“ рече.
Одуба се прослави во 2016 година со победата во „Стрикли кам денсинг“, а претходно работеше на детската емисија „Њузраунд“ на „Би-би-си“.

