Регион
„Се каат ли денеска оние што ги обвинуваа родителите“, потресни пораки на профилот на мајката на убиената Данка
![](https://makfax.com.mk/wp-content/uploads/2024/04/ivana-danka-830x0.jpg)
Луѓето од Србија и од целиот регион, кои со денови се молеа за девојчето Данка Илиќ, се потресени од веста дека е убиено мало дете. Оттогаш на профилот на мајката Ивана Илиќ не престануваат зборовите на сочувство и поддршка, објавуваат српските медиуми.
Има и многу револтирани што мајката била распната со денови дека можеби ѝ направила нешто лошо на Данка или дури и ја продала.
„Дали денес жалат оние што ја обвинија оваа несреќна мајка дека продала дете? Срам да ви е, важно е само да коментирате и да си ја измиете устата со туѓи проблеми и да не ги гледате своите“, гласи еден од коментарите.
Има и многу изрази на сочувство и пораки од мајките да се издржи страшната болка:
„Моето искрено сочувство до родителите. Нека почива во мир, ангелчето. Данка сега е рајска птица“.
„Сите вие што со денови ја распнавте оваа жена за продавање на своето дете, нека е на вашата чест. Најдлабоко сочувство до семејството“.
„Мајко, многу ми е жал за твојата загуба и за сè што си поминала по тоа“, се наведува во друг коментар.
Полицијата во Бор ги уапси работниците на јавното комунално претпријатие „Водовод“ од Бор, Срѓан Јанковиќ (50) од село Лука и Дејан Драгиевиќ (50) од село Злот, под сомнение дека ја убиле малата Данка Илиќ.
Телото на девојчето сè уште не е пронајдено.
Како што објавуваат српските медиуми, девојчето било удрено од автомобил, телото ставено во службеното возило и фрлено на депонија. Наводно ѝ го покриле телото со ѓубре. Се сомнева дека девојчето било живо и дека биле пијани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.
Регион
Се појавија нови сведоци во случајот со Данка Илиќ
![](https://makfax.com.mk/wp-content/uploads/2024/03/danka-ilic-1.jpg)
Во случајот со Данка Илиќ се појавија тројца сведоци, кои ќе бидат сослушани на 5 јули, потврдија од Вишото јавно обвинителство во Заечар.
Тие ќе бидат сослушани во врска со истрагата против Дејан Д. и Срѓан Ј., осомничени за убиството на двегодишната Данка, јавува „Данас.рс“.
Неофицијално, еден од нив е државјанин на Бор, а другите двајца се жители од Брестовачка Бања.
Покрај Дејан Д. и Срѓан Ј., во овој случај за убиството на девојчето осомничен е и таткото на Дејан Д. поради сомнение дека му помогнал на синот да го премести телото на девојчето.
Регион
Се преврте рингишпил во БиХ: има повредени деца, родителите со голи раце ги извлекувале под вртелешката
![](https://makfax.com.mk/wp-content/uploads/2024/05/dopisnica-iz-banata-ringispil-ljuljaska-zabavni-luna-park.jpg)
Во парк во Добој синоќа околу 20 часот пукнала вртелешка, а во таа пригода биле повредени деца, пишува „Независне“. „Зум ТВ Добој“ јавува дека четири деца се повредени и дека родителите ги однеле на раце во блискиот Здравствен дом.
Екипите на итната помош пристигнале на терен за неколку минути по инцидентот со рингишпилот, но родителите веќе ги однеле децата. „Нова.рс“ јавува дека од итната помош во Добој велат дека ниту едно дете не е во животна опасност.
Покрај родителите, повредените деца од под рингишпилот ги извлекувале и полициските службеници. Тие, според написите, со раце ја кренале конструкцијата на рингишпилот извлекувајќи ги децата.
Тамошните медиуми јавуваат дека сцените биле потресни додека децата плачелел и ги повикувале своите родители.
Полицијата во Добој соопшти дека го уапсила Б. Ј., а се работи за лицето што управувало со вртелешката што се преврте во паркот кога беа повредени неколку малолетници.
Од СВ Добој соопштено е дека синоќа е лишено од слобода лицето Б. Ј. поради сомнение дека сторило кривично дело предизвикување јавна опасност.
Б. Ј. ќе биде предаден денеска во надлежност на Окружното јавно обвинителство Добој заедно со пријава за сторено кривично дело.
Истрагата, која ја води дежурниот обвинител на Окружното јавно обвинителство во Добој, ќе продолжи денеска во присуство на вештаци.
Полицијата соопшти дека две малолетни лица се задржани на лекување во болницата „Свети апостол Лука“ во Добој, а едно малолетно лице добило полесни повреди и е пуштено на домашно лекување.