Свет
Во овој европски град на децата им е забрането да користат телефони, познати се резултатите по една година
![](https://makfax.com.mk/wp-content/uploads/2024/04/Screenshot-2024-04-13-195345.jpg)
Речиси целата заедница од 22.000 луѓе во Грејстоунс и соседното село Делгани, во Ирска, одлучи да им ги ускрати телефоните на децата до 12-годишна возраст – не само во училиштата туку и дома.
„Добив повици од Австралија, дојдоа ТВ екипи од Америка, Франција, Скандинавија“, изјави Рејчел Харпер, директорка на Националното училиште „Свети Патрик“, која ја предводеше необичната иницијатива.
Тие станаа во центарот на вниманието на медиумите во средината на 2023 година, кога повеќето жители се согласија да им забранат на децата да користат телефони.
„Имавме алармантна ситуација. Родителите рекле дека децата биле тажни бидејќи немале телефони. Што можеа да направат освен да попуштат“, вели директорката.
Таа нагласува дека реакциите биле неверојатни. Не само што учениците од нејзиното училиште престанале да се интересираат за телефони, туку овој тренд се проширил и во седум други основни училишта.
„Децата повеќе не бараа од родителите да им купат мобилни телефони, а некои дури и ги вратија! Тоа беше големо охрабрување“.
Таа додава дека училиштето „Свети Патрик“ не ја отфрла технологијата, бидејќи на часовите користат таблети и зборуваат за брзиот развој.
„Ние не сме против технологијата, таа е дел од нашите животи. Станува збор за тоа дека децата се соодветно подготвени и опремени да се справат со одговорностите што ги носи технологијата“.
Директорката вели дека со учениците се разговара за разумно користење на уредот.
„Ние веруваме дека само откако ќе наполнат 12 години, тие можат одговорно да се справат со работите што ги носат телефоните.
По неполна година, иницијативата донесе одлични резултати.
„Сега, наместо да седат на игралиштето и да разговараат за она што го виделе на TikTok, децата разменуваат идеи, разговараат користејќи ја својата имагинација. Со други зборови, тие го прават она што децата треба да го прават“, заклучува Рејчел Харпер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.