Македонија
Николоски: Канатларци кое Пендаровски не знае каде се наоѓа го решивме проблемот со водоснабдувањето

Денеска сме во селото Канатларци мислам на Стево Пендаровски да му дадеме на мапа да погоди каде е Канатларци нема да погоди, а се работи за едно огромно село кое се занимава со земјоделие, каде што живеат преку 3000 жители и гравитираат кон истото. Но, тоа покажува колкава негрижа има за сопствената држава и колку е веројатно човек кој што најмалку ја познава државата е претседател, вели Александар Николоски, потпретседател на ВМРО-ДПМНЕ носител на изборна единица 4.
„Затоа за разлика од него, ВМРО-ДПМНЕ реализира и сум горд што денеска го отворивме водоводот во село Канатларци кој што се изгради благодарение на градоначалникот Борче Јовчевски, благодарение на советот предводен од Дејан Продановски, на советниците, на директорот на ЈП Водовод и на сите оние кои работеа на овој голем капитален проект.Се работи за инвестиција од 350.000 евра кој што го решава проблемот со водоснабдување на целото село. Во следниот период село Канатларци кое што Стево Пендаровски не знае каде се наоѓа на мапата, ќе работиме на проширување на патиштата, на изработка на канализациони системи, како и изградба на спортска сала, а сето ова ќе дојде од општинскиот буџет и средствата која што идната влада на ВМРО-ДПМНЕ ќе ги спушти кон општина Прилеп“, рече Николоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.