Македонија
Ковачки до Пендаровски: Не ја злоупотребувај Армијата во твоите скапо платени спотови
Сакам да го искоментирам и неговиот најнов спот во кој се обидува да се претстави како некој си голем државник. Замислете човек со неговите скапо платени реклами и спотови за кои не сака да каже како се финансираат ја злоупотребува Армијата и луѓето во униформата. Армијата не смее да се злоупотребува во партиски настани и партиски спотови. Стево Пендаровски токму тоа го прави и под итно треба да се тргне од медиумите, вели Драган Ковачки, носител на изборната единица 3 на денешниот митинг во општина Петровец во рамки на претседателската кампања.
Ковачки додаде дека Стево Пендаровски се претставува како поддржувач на модерна и инклузивна Армија, но збор не изустил кога тој јавно објавил дека во армијата се случува скандал каде офицери сексуално вознемирувале млади офицерки, како и кога преку фејсбук станицата на СДС Арачиново се бараа лица за вработување како професионални војници, само како што рече тој да им се додвори на ДУИ и Ахмети.
Дополнително, се фали дека бил гласен поддржувач на модерна и инклузивна Армија. Замислете човекот бил гласен поддржувач за модерна армија, а ништо не презема кога јавно објавивме дека во Армијата се случува скандалот каде што офицери во негова директна надлежност сексуално вознемирувале млади офицерки и воени лица, потенцираше Ковачки и додаде:
Очајниот и нервозен Стево Пендаровски не изусти ни збор за што се објави конкурс за вработување на професионални војници на официјалната фејсбук станица на неговата партија СДС во Арачиново. И сега без срам вели дека како врховен командант бил гласен поддржувач на модерна армија. Без трошка срам збор не кажа. Само за да им се додвори на криминалците од ДУИ и на Али Ахмети.
Ковачки нагласи дека Пендаровски најпрво бил избор на Зоран Заев во 2019тата година, а сега е и на Димитар Ковачевски во 2024тата година, укажувајќи дека тоа е предавничко трио кое ја распродаваше Македонија каде и да стигне,
Човекот не знае што да направи, нервозен е и очаен. Знае дека ќе загуби. Го слушате како им вели на оние 50тина души кои му доаѓаат на митинг ако не победам не доаѓајте, не сакам очи да ви видам. Не смееме да заборави дека Стево Пендаровски беше избраник на Зоран Заев во 2019тата, а сега во 2024 е избраник на Димитар Ковачевски. Е тоа е тоа триото кое ја распродаваше Македонија и ја понижуваше каде ќе стигне. Тоа е таа предавничка матрица која за пари и привилегии се подготвени на се, изјави Ковачки.
Ковачки побара поддршка и масовна излезност на изборите од граѓаните на 24 април и 8 мај за Гордана Силјановска Давкова со заокружување на број 2.
Сега е моментот. Мораме да ставиме крај. Овие избори се шанса да ја вратиме Македонија во рацете на граѓаните, додаде Ковачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За јакнење на јавната доверба и углед на судството: општите седници на Врховниот суд ќе бидат јавни
Општата седница на Врховниот суд на Република Северна Македонија денеска на предлог на претседателката на Врховниот суд, Беса Адеми, донесе измени на Деловникот за работа на Врховниот суд со кои се овозможува јавност на Општата седница.
Во новите измени на Деловникот за работа на Врховниот суд се пропишува дека општите седници на Врховниот суд на Република Северна Македонија се јавни, а јавноста во работата на Општата седница се обезбедува и со присуство на претставници на средствата за јавно информирање.
Претседателката на Врховниот суд на денешната Општа седница истакна дека значењето на Врховниот суд од уставен и законски аспект, како и значењето на прашањата кои се разгледуваат пред Општата седница од правен аспект, а воедно се од интерес за граѓаните, ја наметнуваат потребата од јавност.
„Измените на Деловникот за работата на Врховниот суд се во согласност со темелните уставни вредности, законските начела и меѓународните принципи. Со предложените измени на Деловникот, ќе се даде значаен придонес за јакнење на јавната доверба и углед на судството и на Врховниот суд како највисок суд во државата.
Со предложените измени се предвидува јавност во работата на Општата седница и остварување на јавноста во работењето на судот преку нормативна новина која ќе ја унапреди и соработката и комуникацијата на Врховниот суд на Република Северна Македонија со медиумската заедница и со пошироката заинтересирана јавност.
Предложените измени се засноваат на уставните и законските начела за јавност на судството, највисоките меѓународни правни норми интегрирани во домашното законодавство, принципите на Европската конвенција за заштита на човековите права и стандардите на Европскиот суд за човековите права, европските стандарди и меѓународните документи од областа на судството и заложбите и активностите на Советот за отворено судство“, образложи претседателката Адеми.
Македонија
Мицкоски од Брисел: Бевме понижувани многупати, ние не можеме повеќе да прифаќаме ултиматуми
Денеска до сега, до овој момент имав две значајни средби. Првата беше работниот ручек кој што го организираше старо-новата претседателка на Европската Комисија Урсула Фон Дер Лајен, на кој што беа присутни и останатите пет лидери од регионот на Западен Балкан, а потоа и средба со претседателот на Европскиот Совет Шарл Мишел, информира од Брисел премиерот Христијан Мицкоски.
„Она кое што можев да го кажам таму е дека мора процесот на интегрирање во рамките на Европската Унија и за нас, но и за регионот да се темели на процес каде што ќе се оценуваат постигнувањата, а не на билатерализација, односно на билатерални прашања, кои што ќе бидат одлучувачки фактор.
За жал, ние речиси две и пол децении откако го започнавме овој интеграционен процес, откако го потпишавме Договорот за асоцијација и стабилизација, сме жртви на билатерални проблеми, односно на билатерализација на претпристапниот процес. И она што таму го кажав е дека ние сега се бориме да започнеме преговори во кои што ние ќе ги зајакнеме институциите и ќе ги збогатиме капацитетите. Не зборуваме за полноправно членство во рамки на Европската Унија. Ние поради билатерални прашања, поради прашања кои што се поврзани од средниот век не можеме да се развиваме како држава за 21, 22 век, а камоли пак да зборуваме за нешто повеќе“, изјави Мицкоски.
Уште еднаш потенцирав, нагласува Мицкоски од Брисел, дека ние не можеме повеќе да прифаќаме ултиматуми.
„И за нас принципот тие се таму, вие сте надвор, ако сакате да бидете таму треба тоа да го прифатите, простете, но ние такво нешто не можеме да прифатиме. А од друга страна ни велат дека има желба да бидеме како држава, членка во Европската Унија. Мојот одговор на таа теза е, ако има желба, тогаш има и начин. Ние сме тука да бидеме конструктивни, да останеме фокусирани на исполнување на оваа стратешка цел. Остануваме фокусирани да предлагаме решенија, и ако навистина има желба, тогаш има и начин“, вели премиерот.
Појасни дека за време на ручекот еден од присутните споменал дека се потребни жртви да се направат во овој процес на интегрирање на регионот во рамките на Европската Унија.
„Јас само потенцирав дека правење жртва можеби за нас е и добар збор и политички коректен збор, бидејќи ние бевме жртва на многу понижувања во минатото. Пожртвуваност е нешто друго. Но, ние бевме понижени многу пати. Ќе ве потсетам во името на европските вредности променивме знаме, променивме банкноти, неколку пати Устав менувавме, менувавме име, што не направивме за да покажеме дека навистина сакаме да бидеме дел од европското семејство. И некој кога ќе ми каже ама тоа е rule of unanimity или правилото на еден глас, ве молам, тоа е ултиматум.
Не се тие европските вредности во кои што мојата генерација се вљуби. Јас сум подготвен со секого да разговарам, колку е тоа потребно, со секој буквално да разговарам додека не најдеме вистински пат, кој што овој пат нема да биде понижувачки. Да ни дозволат да ги јакнеме институциите и да ги збогатиме нашите капацитети како држава, тоа е она што го барам. Дали е многу? Јас мислам дека не е многу“, додава Мицкоски во изјавата од Брисел.
Македонија
Ѓорѓиевски на средба со НДИ – Борбата против корупцијата е приоритет
Во просториите на општина Кисела Вода, градоначалникот и претседател на ЗЕЛС, одржа состанок со претставници на НДИ, кои го раководат проектот за борба против корупција на локално ниво.
Проектот е финансиран од Швајцарската амбасада и треба да трае 8 години. Основната цел на проектот е да се изнајдат механизми со помош на кои максимално ќе се намали корупцијата на локално, општинско ниво.
За таа цел, тие на средбата сакаа да слушнат што се основните цели во поглед на децентрализација на ЗЕЛС, како се одвиваат процесите на дигитализација на локално ниво, но и каква е соработката на ЗЕЛС со централните власти, односно што очекуваме брзо да се реализира при преговорите со Владата, информираат од кабинетот на Ѓорѓиевски.
„Ѓорѓиевски ги извести за меморандумот што пред месец дена го склучија ЗЕЛС и Владата, но и за систематизираните ставови, кои ги подготвуваме секоја година и после консултација со членките и усвојување на седница на Управен одбор на ЗЕЛС, ги доставуваме како најитни барања до Владата.
Стана збор и за лошата состојба со финансиите со кои се соочува, речиси секоја општина и нашите барања до Владата, тоа да се промени во позитивна смисла.
Претставниците на НДИ пак, не известија дека поминала подготвителната фаза на нивниот проект и дека очекуваат во ноември да го потпишат договорот за почеток на реализацијата на проектот, кој треба да трае 8 години. Известија дека, по потпишување на нивниот договор со Швајцарската амбасада, сакаат да потпишат договор со ЗЕЛС, за соработка и заедничка реализација на истиот“, се истакнува во дописот.