Забава
Ким Кардашјан доаѓа во Белград, наводно испратила список со посебни барања
Ким Кардашјан во јуни годинава доаѓа во Белград, пишува „Курир.рс“.
Извори запознаени со ситуацијата за споменатиот медиум изјавија дека реалната ѕвезда доаѓа во Србија со своите деца. Причината за нејзиното доаѓање е отворањето на продавницата на брендот Skims во Белград.
Ким наводно ќе пристигне во Србија со приватен авион и ќе биде сместена во претседателскиот апартман на еден белградски хотел. Покрај тоа, таа ќе има дополнително осигурување, а во Белград планира да остане два дена.
View this post on Instagram
Српските медиуми пишуваат дека Ким има посебни барања во врска со своето доаѓање. Наводно, барала во станот секогаш да има свежо овошје и постојано да ѝ бидат достапни 10 автомобили за да ги избегне фотографите.
Сака да ги посети и храмот „Свети Сава“ и Калемегдан. По повод нејзиното доаѓањем ќе се организира забавам на која ќе присуствуваат познати личности од Србија.
По Белград, Ким го продолжува патувањето за Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бејби Лазања откри што прави по Евровизија
Бејби Лазања откри што прави по Евровизија.
На „Инстаграм“ објави фотографија од музичко студио. Така стави до знаење дека по евровизиското лудило се фрли на создавање нова музика.
Новиот албум на Бејби Лазања ќе се вика Demons & Mosquitos и ќе излезе оваа есен.
Забава
Три хороскопски знаци кои размислуваат премногу
Сите имаме моменти кога размислуваме премногу, но некои луѓе понекогаш претеруваат, што може да влијае на нивното ментално здравје.
Ако сте се запрашале кои се најголемите астролошки аналитичари, ѕвездите ги имаат одговорите. Луѓето родени под овие хороскопски знаци размислуваат премногу.
Девица
Девиците се познати по нивната прецизност и потреба од ред. Тие се оние кои ќе забележат дека сликата на ѕидот е искривена за милиметар и нема да мируваат додека не ја поправат. Оваа потреба за совршенство често ги води во бескрајни кругови на размислување.
Вага
Вагите се познати по нивната љубов кон рамнотежа и хармонија. Тие се дипломатите на зодијакот, секогаш се трудат да го најдат најдоброто решение за сите ситуации. И иако тоа е прекрасно, често ги доведува во состојба на парализа од претерано размислување.
Риба
Рибите се познати по својата имагинација и интуитивност. Нивниот богат внатрешен свет ги прави креативни и сочувствителни, но тие исто така можат да бидат склони кон претерано размислување. Рибите често лебдат помеѓу реалноста и светот на соништата. Нивната чувствителност и склоност кон интроспекција може да ги наведат да ги преанализираат своите чувства и постапките на другите.
Рибите често ќе се најдат себеси како размислуваат за сценаријата „што ако“ и се губат во своите мисли.
Забава
Хороскопски знаци што се закануваат да раскинат кога работите не одат според нивниот план
Односите се чувствителни и сложени и сите повремено се соочуваме со моменти кога работите не излегуваат како што сме замислиле. Секој човек различно реагира на стресни ситуации и недоразбирања, а некои од нас се посклони кон радикални решенија кога се соочуваат со предизвици. Раскинувањето не е секогаш првиот избор, но за некои луѓе може да изгледа како најлесниот излез кога се чувствуваат заробени или несигурни.
Овен
Овните се познати по нивната импулсивност и силниот темперамент. Кога работите не излегуваат како што замислиле, нивната страсна природа брзо може да се претвори во фрустрација. Наместо да бара компромис, Овенот често претпочита драматични одлуки, вклучително и закани за раскинување, за да го врати чувството за контрола.
Близнаци
Близнаците се склони кон брзи промени во мислењето и однесувањето. Кога ќе се соочат со пречки, Близнаците може да се закануваат со раскинување, бидејќи тоа им дава можност да истражуваат нови опции и да избегнуваат монотони или тешки ситуации.
Лав
Лавовите сакаат да бидат во центарот на вниманието и имаат големи очекувања од своите партнери. Ако чувствуваат дека не добиваат доволно внимание или почит, може драматично да реагираат. Заканата за раскинување е начин Лавовите да го свртат вниманието на сопствените потреби и да се погрижат нивниот партнер да ја разбере сериозноста на ситуацијата.
Шкорпија
Шкорпиите се интензивни и страсни, а нивната чувствителност може да ги направи многу посесивни. Кога се чувствуваат изневерени или кога работите не одат како што треба, тие можат да станат многу деструктивни. За Шкорпиите, заканата од раскинување е средство за манипулација што го користат за да ја вратат контролата врз ситуацијата и емоционално да го казнат партнерот.
Водолија
Водолиите се познати по својата независност и неконвенционалност. Кога работите не одат како што треба, тие може да се чувствуваат ограничени или погрешно разбрани. Во такви ситуации, заканите за раскинување се нивниот начин на изразување на незадоволството и враќање на нивната автономија.