Свет
Се истражува случајот со жената што донесе мртовец во банка за да подигне кредит, стинаа резултатите од обдукцијата
Бразилската полиција уапси жена осомничена дека донела во банка мртов маж за кој велела дека ѝ е вујко за да подигне кредит.
На социјалните мрежи се појави видео на кое се гледа како жена на шалтерот на банката „Итау“ во Рио де Жанеиро му ја крева главата на постар маж во инвалидска количка и се обидува да му стави пенкало во раката.
Од полицијата рекоа дека осомничената се обидувала да земе кредит во износ од 3.000 долари, кој банката веќе ѝ го одобрила, но било потребно одобрение и од вујкото. Мажот од видеото не реагирал на барањата на жената. Додека се обидувала да му го даде пенкалото, неговата рака се спуштала, а главата му паѓала назад, пишува Си-ен-ен.
„Вујко, слушаш, мораш да потпишеш. Ако не потпишеш, нема шанси. Не можам да потпишам јас, мораш ти. Ајде не прави проблем, направи го тоа“, се слуша како му вели жената. Еден од вработените во банката во тој момент рекол дека постарата личност, најверојатно, не се чувствува добро.
Шефот на цивилната полиција во Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа. Полицијата води истрага и се обидува да утврди каква е точно поврзаноста на осомничената и починатиот маж, а засега не е поведено обвинение.
Адвокатот на семејството го демантира полицискиот извештај:
„Работите не испаднаа така. Човекот беше донесен жив во банката. Мојата клиентка е целосно потресена, зема лекови“, рече тој.
Обдукцијата откри нови детали
Бразилскиот медиум „Метрополес“ добил извештај од обдукцијата што укажува дека смртта на мажот била предизвикана од бронхоаспирација и срцева слабост. Утврдено е и дека бил неисхранет.
„Таквите податоци ги потврдуваат некроскопските наоди за неисхранетост и бронхоаспирација. Претходните срцеви заболувања исто така придонеле за смртта“, се вели во извештајот.
Судскиот совет ги чека резултатите од дополнителното испитување за да се утврди дали мажот бил отруен.
„Бизнис-инсајдер“ известува дека експертот што ја потпишал прелиминарната форензичка анализа заклучил дека нема доволно докази за да се заклучи дали Пауло починал на пат кон или внатре во банката или, пак, починал пред тоа.
Меѓутоа, обдукцијата покажала дека згрутчувањето на крвта во неговиот врат сугерирало дека тој умрел легнат.
Адвокатот и натаму тврди дека неговата клиентка е невина, а нагласува и дека има сведоци. Истрагата продолжува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Албанија го отвора последниот кластер во преговорите со ЕУ
Во понеделник, Албанија ќе го отвори последниот, шести кластер во преговорите со ЕУ.
На седмиот состанок на конференцијата за пристапување на Албанија во ЕУ, ќе биде отворен кластерот 5, кој се однесува на ресурсите, земјоделството и кохезијата.
Тој кластер се состои од поглавја 11 (земјоделство и рурален развој), 12 (безбедност на храната, ветеринарна и фитосанитарна политика), 13 (рибарство и аквакултура), 22 (регионална политика и координација на структурни инструменти) и 33 (финансиски и буџетски одредби), објави Брисел.
Албанија, која доби статус на кандидат за членство во 2014 година, го отвори првиот кластер во преговорите (основни) со ЕУ во октомври минатата година, што значи дека ги отвори сите кластери за околу една година.
Албанскиот премиер Еди Рама го опиша отворањето на последниот кластер во преговорите како „рекордно достигнување“.
Тој исто така рече дека ништо нема да го спречи патот на Албанија кон членство во ЕУ во 2030 година и дека целта на владата е да го заврши процесот на преговори до 2027 година, објави „albaniandailynews.com“.
Амбициите на Тирана се поткрепени од фактот дека италијанскиот премиер Џорџа Мелони ги поддржа плановите на Албанија за пристапување кон ЕУ вчера на прес-конференцијата по првиот самит Италија-Албанија во Рим.
Мелони објави дека ќе се стреми политичките преговори со Албанија за пристапување кон Унијата да започнат во првите шест месеци од 2028 година, кога Италија ќе претседава со ЕУ, објави „Политико“.
Фото: принтскрин
Свет
Песков: Русија нема да ја заборави помошта на севернокорејските војници во работите за деминирање во Курскиот регион
Русија никогаш нема да ја заборави помошта на севернокорејската армија во опасните и тешки работи за деминирање во Курскиот регион, изјави денес портпаролот на Кремљ, Дмитриј Песков.
Тој додаде на прес-конференцијата дека „оваа работа продолжува“ и дека е „опасна и тешка“, пренесува ТАСС.
„Нашите корејски пријатели ни помагаат многу и ние тоа многу го цениме“, рече Песков, одговарајќи на прашањето како Кремљ гледа на севернокорејската воена помош во деминирањето на Курскиот регион, според агенцијата.
Фото: принтскрин
Свет
Кина откри најголемо наоѓалиште на злато од 1949 година
Кина потврди откривање на огромно наоѓалиште на злато, најголемо во земјата од основањето на Народната Република во 1949 година. Се проценува дека има дури 1.444 тони од овој скапоцен метал во покраината Лиаонинг, а веста доаѓа во време кога цените на златото достигнуваат рекордни нивоа, пишува Euronews.
Кинеското Министерство за природни ресурси денеска официјално го потврди откривањето на наоѓалиштето Дадонгоу. Според официјалните лица, наоѓалиштето содржи околу 2,586 милиони тони руда со просечна содржина на злато од 0,56 грама на тон, што на крајот дава неверојатни 1.444 тони чисто злато.
Според тековните пазарни цени, вредноста на ова злато надминува 166 милијарди евра. Цената на златото достигна историски врвови оваа година, со тргување над 115.000 евра за килограм.
Истражувачкиот проект го спроведе државната компанија Лиаонинг Геолошка и рударска група. Тие вработија речиси 1.000 техничари и работници и ја завршија целата работа за само 15 месеци – невообичаено краток временски период за наоѓалиште од оваа големина.
Откритието доаѓа во време на силен раст на побарувачката за злато. Цените се зголемија за повеќе од 50 проценти оваа година, поттикнати од слабеењето на доларот, геополитичките тензии и купувањето од страна на централните банки во голем обем, особено во економиите во развој кои сакаат да ги диверзифицираат своите резерви.
Кина значително ги забрза своите напори за истражување на минерали во последните години. Минатата година, официјалните лица објавија откривање на наоѓалиште на злато кое содржи над 1.000 тони во покраината Хунан, а во октомври, друго наоѓалиште кое содржи над 40 тони беше пронајдено во Гансу. Вкупното производство на злато во земјата во 2024 година изнесуваше 377,24 тони, што е зголемување од 0,56 проценти во однос на претходната година.
Во исто време, домашната потрошувачка достигна 985,31 тони во 2024 година, при што побарувачката за златни прачки и монети се зголеми за повеќе од 24 проценти. Аналитичарите велат дека трендот го одразува растечкиот интерес на средната класа на Кина за зачувување на богатството во услови на глобална економска неизвесност, што го прави златото сè попопуларно безбедно засолниште низ целата земја.
Фото: ЕПА
Возрасен маж нападнал 12-годишно дете без причина на улица во Скопје: го тепал со тупаници и клоци и му се заканувал со нож
Педесет и тригодишен скопјанец нападнал 12-годишно дете во Скопје. Тој го тепал детето со тупаници и клоци, а извадил и...
Судиите со остра критика до Мицкоски: Вашите коментари ја преминаа границата на добро однесување
Судиите упатија остра критика до премиерот, Христијан Мицкоски, во врска со неговите изјави дека моралот не му дозволува да се...
Лекарите открија 10 непотребни операции на срце или неправилно упатени пациенти, засега велат дека не е етички да ги кажат болниците
Непотребно оперирани или неправилно упатени пациенти се пронајдени во десет од анализираните 19 случаи на кои работи домашната комисија формирана...
„Минималната плата оди на 26.400 денари, почнува новата економска ера“, велат од „Влен“
„По плебисцитната победа на локалните избори, каде што граѓаните албанци во секоја општина јасно ја искажаа својата доверба во ВЛЕН,...
(Фото) Тревникот до „Капитол мол“ се ослободува, им се враќа на граѓаните со ново игралиште, велат од Општина Аеродром
Општина Аеродром информира дека тревната површина до ТЦ „Капитол мол“ повторно ќе биде целосно отворена и вратена на користење на...
„Скандалот со ИПАРД води до врвот на власта на Мицкоски“: СДСМ бара проширување на истрагата
„Корупцискиот скандал со ИПАРД фондовите не е изолиран случај, туку доказ за длабоко вкоренет, организиран систем на злоупотреби создаден и...
„Поранешни соработници му го свртија грбот на Филипче поради недоверба во него и влијанието на Заев“, велат од ВМРО-ДПМНЕ
„Расте незадоволството во СДС и потребата од итни реформи во врвот на СДС. СДС е во длабока криза која е...
(Фото) Турски пилот загина во Хрватска, а преживеа пад на авион пред 2,5 месеца
Авионот „Ер Трактор АТ-802“ се урна во близина на Сењ, додека беше на повратен лет помеѓу Риека и Загреб, соопшти...
Поранешен шеф на МИ6: Путин не е подготвен за договор со Украина
Поранешниот шеф на британската разузнавачка служба МИ6, Ричард Мур, изјави дека проценките на разузнавањето покажуваат дека рускиот претседател Владимир Путин...
(Фото) Русија го нападна Киев со стотици дронови и ракети: десетици повредени
Русија изврши масовен воздушен напад врз Киев во ноќта помеѓу 13 и 14 ноември, користејќи стотици беспилотни летала и повеќекратни...
(Видео) Гори руски нафтен терминал на Црното Море: Украинците го нападнаа со дронови
Украински дронови го нападнаа рускиот пристанишен град Новоросијск во Краснодарскиот крај преку ноќ, оштетувајќи нафтен терминал и предизвикувајќи голем пожар,...
Би-би-си му се извини на Трамп
Би-би-си му се извини на американскиот претседател Доналд Трамп за погрешно изменетата верзија на неговиот говор од 6 јануари 2021...
Американците погодија брод на Карибите: „Четири наркотерористи убиени“
САД го извршија својот 20-ти напад врз бродови за кои се верува дека се користат за трговија со дрога, објави...
По одложувањето, екипажот на кинеското вселенско летало „Шенжоу-20“ се враќа на Земјата
Тројца кинески астронаути чие враќање на Земјата беше одложено поради вселенски отпад што го погоди нивниот вселенски брод минатата недела,...
Ако правосудството работи по закон, и мојата плата ќе им ја донирам, рече Мицкоски кој засега не поддржува зголемување на примањата на судиите и обвинителите
Премиерот Христијан Мицкоски денеска изјави дека моралот не му дозволува да се согласи со зголемување на платите во правосудниот сектор,...
Истрага за странските викенд-снајперисти во Сараево: „Носеа пушки што личеа како за лов, ги таргетираа децата“
Обвинителството во Милано повторно ја активира истрагата за т.н. викенд-снајперисти – странци кои за време на опсадата на Сараево биле...
(Видео) Кузеска: Кумот на Мицкоски се споменува како можен главен задолжен за сите криминални шеми во Министерството за земјоделство
Денес ќе објавиме серија на информации кои отвораат сериозни сомнежи дека мега скандалот со корупцијата во ИПАРД фондовите води директно...
Кривична за ексградоначалникот на Сарај, Блерим Беџети, и за уште седум лица поради злоупотреби со градежно земјиште
Управата за финансиска полиција поднесе кривична пријава до скопското Обвинителство против осум лица — поранешни функционери и службеници во Општина...
Фон дер Лајен: Путин греши ако мисли дека може да нè исцрпи, ЕУ одвојува 6 милијарди евра за Украина
ЕУ ќе ѝ додели 6 милијарди евра на Украина во рамките на заем од механизмот на Г7 за забрзување на...
Докторот од Македонија, кој прегази куче во Софија, обвинет за сурово однесување кон животно
Окружното обвинителство на Софија го обвини докторот Ненад Цоневски за намерно сурово однесување кон животно, обвинение што спаѓа под кривична...
