Свет
Израелските медиуми ги објавија трите барања на шефот на Хамас за ослободување на заложниците
![](https://makfax.com.mk/wp-content/uploads/2024/05/gaza56.jpg)
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда за договорот за заложниците, објавија медиумите.
Синвар сè уште бара загарантиран крај на војната, изјави синоќа за израелската телевизија Канал 12 извор близок до лидерот на Хамас. Израел тоа барање досега го отфрлуваше.
Синвар, наводно, сака писмена обврска за „безусловно прекинување на непријателствата“.
Според израелската телевизија, ал-Синвар побарал и Израел да не го спречува враќањето на Западниот Брег на палестинските затвореници кои треба да бидат ослободени во замена за заложниците земени од Израел.
Според последниот нацрт на договорот, Израел сака да ги испрати оние кои отслужуваат доживотна казна затвор во Појасот Газа или во странство.
Понатаму, лидерот на Хамас сака детали за материјалите што Израел нема да дозволи да бидат испорачани во Газа за реконструкција.
Според извештајот, во Израел се претпоставува дека Хамас нема да даде јасен негативен одговор на предлогот поради меѓународниот притисок. Египетските посредници, со поддршка на САД, во моментов се обидуваат да постигнат договор.
Милитантната исламистичка организација Хамас претходно објави дека повторно ќе испрати делегација во Египет за да ги заврши индиректните преговори со Израел за ослободување на заложниците и договор за прекин на огнот.
Египетската државна телевизија Ал-Кахира њуз објави дека делегација на Хамас треба да пристигне во Каиро во следните два дена за продолжување на преговорите.
Израелската влада најави дека во брзо време ќе започне офанзива во Рафах на југот на Појасот Газа, на границата со Египет, доколку не се постигне договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Американските бази во Европа во состојба на готовност поради можна терористичка закана
![](https://makfax.com.mk/wp-content/uploads/2024/07/amerikanska-vojska.jpg)
Американските воени бази ширум Европа, вклучително и Германија, во текот на викендот беа ставени во состојба на готовност поради можен терористички напад.
Американската телевизија Си-ен-ен објави дека Пентагон го објавил второто највисоко ниво на безбедност во американските бази, повикувајќи се на двајца неименувани владини претставници. Тоа ниво на безбедност, познато како Force Protection Charlie, се применува кога Пентагон добива веродостојни разузнавачки информации за потенцијален терористички напад.
„Постои веродостојни разузнавачки информации кои укажуваат на напад врз американски бази во текот на следната недела“, американската телевизија Фокс њуз го цитираше официјалниот претставник.
Природата на наводната закана остана нејасна. Официјален претставник цитиран од Фокс њуз рече дека тоа не се однесува на парламентарните избори во Франција.
Европската команда на Соединетите Американски Држави (EUCOM) во Штутгарт одби да ги коментира конкретните безбедносни мерки преземени од вооружените сили на прашањето на Си-ен-ен. Сепак, портпаролот рече дека EUCOM редовно прегледува „различни фактори кои влијаат на безбедноста на американската воена заедница во странство“.
„Како дел од тие напори, ние често преземаме дополнителни чекори за да ја обезбедиме безбедноста на членовите на нашите вооружени сили“, додаде портпаролот, без да наведе детали.
Свет
Северна Кореја се закани со „силен одговор“ и истрела проектили
![](https://makfax.com.mk/wp-content/uploads/2024/07/raketa-severna-koreja.jpg)
Северна Кореја истрела денеска една балистичка ракета со краток дострел и друга балистичка ракета со непознат дострел, соопшти јужнокорејската армија.
Првата балистичка ракета со краток дострел беше истрелана кон североисток околу 5:05 часот по Сеул време од близина на Чангјон, во јужната севернокорејска провинција Хвангхае. Уште една неидентификувана балистичка ракета е откриена околу 5:15 часот, изјави началникот на Генералштабот на Јужна Кореја.
Војската на Јужна Кореја е целосно подготвена и тесно споделува информации со американските и јапонските власти додека го засилува надзорот и будноста како подготовка за какви било натамошни лансирања, се вели во соопштението на највисоките воени претставници.
Вчера, Северна Кореја ја критикуваше заедничката воена вежба меѓу Јужна Кореја, Јапонија и Соединетите Држави одржана минатиот месец и предупреди на „силен одговор“ против таквите вежби.
Северна Кореја минатата недела соопшти дека успешно извршила важен тест со цел да развие ракета што носи повеќе боеви глави, тврдење кое Јужна Кореја го отфрли како „измама“ за да се прикрие неуспешното лансирање.
Регион
(Видео) Пожари беснеат кај Атина, изгорени куќи, луѓето бегаат
![](https://makfax.com.mk/wp-content/uploads/2024/07/grcija-pozar1.jpg)
Пожарникарите се борат со серијата шумски пожари во близина на Атина, а властите стравуваат од многу тешко лето во Грција.
Оваа земја секоја година е жртва на пожари, а оваа година се очекува ситуацијата да биде уште понапната поради најблагата зима досега забележана во Грција, како и најраниот топлотен бран, со температури кои веќе достигнуваат до 44 степени целзиусови.
#BREAKING #Greece A major forest fire has erupted near Athens, Greece, with 17 planes aiding in the firefighting efforts.
This incident is part of a series of forest fires that have occurred across Greece over the weekend.
Footage: RT pic.twitter.com/JQf55JtsJ2
— The National Independent (@NationalIndNews) June 30, 2024
Два големи шумски пожари беснееја вчера вечер во Атика, регионот во кој се наоѓа грчката престолнина, а на жителите од најмалку осум области во близина на Атина им било кажано да се евакуираат.
Телевизискиот канал „Ерт“ објави дека 45-годишен маж починал од срцев удар додека се обидувал да избега од пламените јазици во Стамата, северно од Атина, каде биле забележани ветрови со брзина поголема од 70 километри на час.
Вчерашниот ден беше „најтешкиот ден со кој се соочија пожарникарите оваа година“, изјави за новинарите портпаролот на противпожарната служба Василис Ватракогианис.
Во Кератеа, јужно од главниот град, пожарот што избувнал околу 13 часот зафатил автомобили и куќи, од кои најмалку четири биле целосно уништени, јавува Ертњуз.
„Ситуацијата е многу тешка бидејќи сè уште дува силни ветрови“ со брзина поголема од 60 км/ч, а „местата каде што избувнуваат се многубројни“, изјави за агенцијата АНА градоначалникот на Лавреотики, Димитрис Лукас.
Тој рече и дека воздушната база во близина во моментов не е загрозена.
Ден претходно во истото подрачје веќе избувнал пожар, но бил ставен под контрола. Пожарот ја зафати и индустриската зона Рикона на островот Евбеја, која се протега на речиси 160 километри долж Егејското Море.