Македонија
На свечена церемонија, утре Пендаровски ќе и’ ја предаде функцијата на Силјановска-Давкова
Во Кабинетот на претседателот, утре – 12 мај ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и претседателот Стево Пендаровски предвидено е да остварат тет-а-тет средба.
Државната изборна комисија денеска и’ го издаде уверението за избран претседател на Гордана Силјановска-Давкова. ДИК ќе треба да достави извештајот до Собранието за да биде закажана седница за утрешната инаугурација на Силјановска Давкова. Потоа таа пред пратениците ќе треба да даде свечена изјава по која ќе почне нејзиниот мандат.
Мандатот на Пендаровски истекува утре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Собранието се одржа четврта НАТО Академија
Комисијата за одбрана и безбедност денеска беше домаќин на студенти од различни факултети.
Во рамките на студиската посета на Собранието на четвртата НАТО Академија беше отворена дискусија на тема „Улогата на Собранието и соработката со НАТО“.
Претседателот на Комисијата Павле Арсовски ја објасни улогата на Комисијата за одбрана и безбедност во процесот на зачленувањето на земјава во НАТО Алијансата.
Тој потенцираше дека телата кои го опфаќат безбедносно одбранбениот сектор се Комисијата за одбрана и безбедност, Комисијта за надзор на Агенцијта за национална безбеденост и Агенцијата за разузнавање и Комисијта за надзор за спроведување на мерките за следелње на комуникациите.
Според Арсовски во Комисијата за одбрана и безбедност постои висок степен на соработка и свест, но и разбирање за националните безбедносни прашања, но и дека комисијата дејствува тимски. Тој нагласи дека улогата на Собранието во сораборката со НАТО е многу важна, особено во делот на соработката со Парламентарното собрание на Алијансата бидејќи, бидејќи таа придонесува за разбирање за клучите безбедносни прашања, но и за поголема транспарентност на НАТО политиките.
Арсовски нагласи дека една од првите одлуки од независноста на државата беше Резолуција на Собранието за интегрирање во НАТО и во Европската Унија. Со Договорот од Преспа се стави крај на 27 годишниот спор со Грција околу името, однсоно со неговата промена во Република Северна Македонија, со што беа откочени евроатланските интеграции. Студентите поставија прашања и за наоружувањето во земјите во регионот, за траењето на воениот рок, за сајбер безбедноста и друго.
Македонија
Над 14.000 граѓани пријавени во првите три дена за бесплатна вакцинација против сезонски грип
На веб страницата – vakcinacija.mk, каде пред три дена почна пријавувањето за бесплатна вакцинација против сезонски грип за ризични групи население, веќе се пријавени над 14.000 граѓани.
„Предвидено е вакцинацијата да почне во текот на следната недела. Набавени се 70.000 дози четиритипна вакцина против сезонски грип. Министерството континуирано го зголемува бројот на обезбедени вакцини. Потсетуваме дека пријавувањето се врши со пополнување на апликацијата vakcinacija.mk на следниот линк: Министерство за здравство – Вакцинација против COVID-19 (vakcinacija.mk). На тој начин, директно се регистрирате за вакцинација во системот Мој Термин. Согласно распоредот предвиден во планот за вакцинација, преку смс ќе добиете повратна информација за точниот датум, час и место кога треба да се вакцинирате“, посочуваат од Министерство за здравство и додаваат:
„Со бесплатна вакцинација се опфатени следните ризични групи: повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица“.
Македонија
Јакимовски: Владата да си го плати заостанатиот долг за греење на основните училишта во Карпош
Градоначалникот на општина Карпош Стевчо Јакимовски ја повика Владата на Република Македонија да ги покрие трошоците за греење на општинските основни училишта во висина од 8.3 милиони денари, затоа што локалната самоуправа не е должна да го прави тоа.
Јакимовски нагласи дека минатата година за децата да не останат без греење, општината издвои 6 милиони денари за оваа намена затоа што исто така Владата не сакаше да ги плати сметките. Тој се чуди, како централната власт си дозволува да одвои 36 милиони евра за споменикот на Мајка Тереза, но нема пари да си ги плати основните трошоци за да функционираат основните училишта.
„Локалната самоуправа само управува со основните училишта, а сите обврски кон училиштата ги покрива Владата, односно министерството за образование. Тие ги исплаќаат средствата преку т.н. блок дотации, кои што стигаат до општината,а ние само ги пренесуваме до училиштата. За жал, средствата што ги исплаќаат од министерството за образование до училиштата, ни од далеку не достасуваат за основните потреби на училиштата, а тоа е да се покријат основните трошоци за електрична енергија, да ги покријат трошоците за парно, за ѓубретарина, за вода и тн. Не станува збор за тековно и инвестиционо одржување. Сето тоа го покрива локалната самоуправа, а ние имаме обврска само да управуваме. Сето е на терет на Владата на Р. Македонија. Така стои во законот. Долговите на основните училишта на територија на општина Карпош изнесуваат вкупно 8.303.000 денари. Што тоа значи? Минатата година ова време, општина Карпош од својот Буџет одвои 6 милиони денари, и исто вака покри трошоци за греење на училиштата. Оваа година, гледате колку помалку има платено министерството за образование на училиштата за нивно нормално функционирање. Јас се обратив до министерството, а тие ми рекоа дека немаат денар пари, како знам да се снаоѓам. Е сега мене не ми е јасно. Како имаат пари за споменикот на Мајка Тереза 36 милиони евра, а да си ги платат основните трошоци за да функционираат основните училишта, за тоа немаат пари. Навистина е чудно. Јас и порачувам на Владата и на премиерот да го напуштат популизмот, бидејќи се нафатиле да водат држава. Ако водат држава, тогаш треба да обезбедат основните функции на државата, во кои што влегува и образованието да може нормално да егзистира и да функционира. Да се тргнат од голиот популизам во кои што сега ќе ги обезбедат тие 5 проценти за покачување на плати, а тоа го обезбедија преку не дозволување на вработување на ниту едно ново, повторувам, ново вработување во делот на образованието. Дали требало наставник, или технички персонал, и практично со тие средства тие вршат зголемување на тие 5 проценти, односно луѓето се спремаат за локални избори. Сакам да им кажам јасно дека локалната самоуправа се потруди максимално да постави скоро на сите училишта фотоволтаици. Сега набавуваме смарт табли, набавуваме и компјутери. Ништо од тоа, освен во времето на Груевски кога сме добиле компјутери, не сме добиле во делот на училиштата. Затоа ги повикувам овие 8 милиони и триста илјади денари Владата да си ги обезбеди и да си ги најде и да си ги плати на училиштата, затоа што локалната самоуправа не е должна ова да го прави, рече Јакимовски.