Свет
(Видео) Немири во Нова Каледонија поради реформите, гореа згради и училишта, еден убиен
![](https://makfax.com.mk/wp-content/uploads/2024/05/nova-kaledonija.jpg)
Повеќе од 130 лица се уапсени во Нова Каледонија, француска прекуморска територија, по втората ноќ на насилни протести, соопшти француската висока комисија, а телевизијата БФМ објави дека едно лице загинало во немирите.
Немирите започнаа во понеделникот додека Франција расправаше за планираниот закон со кој на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание.
🚨🇫🇷 NEW CALEDONIA: VOTING CHANGES SPARK RIOTS
In New Caledonia, a French territory in the South Pacific, riots broke out in the capital, Noumea, after the French National Assembly allowed long-term French residents to vote in local elections.
This has raised concerns about… pic.twitter.com/mORYCJ01xk
— Mario Nawfal (@MarioNawfal) May 15, 2024
Запалени се бројни згради и училишта, повредени се околу 60 полицајци
Националното собрание во Париз преку ноќ ја усвои реформата со 351 глас за и 153 против.
Во нередите беа повредени околу 60 полицајци, но нивната „посветеност и професионалност“ се за пофалба, соопшти комисијата.
Запалени се бројни згради, вклучително и училишта. Беше спречено планираното затворско бегство во главниот град Нуме, се додава.
Во сила е ноќен полициски час, а од жителите е побарано да го ограничат движењето во текот на денот, според Комисијата. На сила е и забраната за собирање, продажба на алкохол и носење оружје. Аеродромот беше затворен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Оливер Млакар го прослави својот 89-ти роденден
![](https://makfax.com.mk/wp-content/uploads/2024/07/t-1.jpg)
Хрватскиот телевизиски водител Оливер Млакар вчера го прослави својот 89 роденден.
Роден е во Птуј во 1935 година. Од 1945 до 1953 година живеел во Осиек, во 1954 година дошол во Загреб, каде студирал француски и италијански јазик. Три години откако се преселил во Загреб, се пријавил на аудиција за најавувачи во Радио Загреб и ја добил работата.
По завршувањето на воениот рок, во 1963 година започнал да работи во Телевизија Загреб, каде две години подоцна станал водител на квизот со Јасмина Никиќ. Тој е најпознат по водењето на Квискотека, најпопуларниот хрватски квиз на сите времиња, од 1984 до 1995 година.
Иако се пензионираше во 2002 година, од 2006 до 2007 година беше водител на камбек сезоната на Квискотека на Нова ТВ. И по пензионирањето, тој беше баран на телевизија и на фестивали.
Регион
Маж загина во автомобил во Атина, моторџија пукал осум пати во него
![](https://makfax.com.mk/wp-content/uploads/2024/07/bvfg.jpg)
Еден човек е убиен утрово во северните предградија на Атина кога бил застрелан додека бил во автомобил од моторџија, соопшти полицијата.
Од полицијата велат дека трагаат по напаѓачот, пренесе Катимерини.
Според првичните податоци, убиецот бил на мотор и дошол до автомобилот БМВ и пукал во жртвата најмалку осум пати пред да успее да побегне.
Регион
Пожари на грчките острови Крит, Кос и Хиос
![](https://makfax.com.mk/wp-content/uploads/2024/07/bb.jpg)
Се уште горат три пожари кои избувнаа на грчките острови Крит, Кос и Хиос, иако пожарникарите делумно успеаја да ги локализираат.
Пожар избувна на островот Кос во понеделникот и излезе од контрола бидејќи силните ветрови го шират кон Кардамаина, популарно туристичко одморалиште на источниот брег на островот, пренесува Екатимерини.
Петмина пожарникари се полесно повредени во операциите за гаснење, а околу 10.000 туристи и жители се евакуирани од областа и сместени во училишта, спортски стадиони и хотели во Антимакија, Мастичари и Мармари.