Свет
Амал Клуни имала клучна улога во барањето за апсење на Нетанјаху и лидерот на Хамас, пишува „Гардијан“
Адвокатката за човекови права, Амал Клуни, беше специјален советник во истрагата на Меѓународниот кривичен суд (МКС), кој бараше издавање налози за апсење на израелскиот премиер Бенјамин Нетанјаху и лидерот на Хамас, пишува „Гардијан“.
Весникот наведува дека главниот обвинител на судот, Карим Кан, ѝ се заблагодарил на Клуни во изјава велејќи дека таа е дел од „панелот на експерти за меѓународно право“ на кои тој се обратил за совет.
„Комисијата е составена од експерти со огромна репутација во меѓународното хуманитарно и кривично право“, рече Кан.
Во соопштението објавено од Фондацијата за правда „Амал Клуни“ беше објаснето како таа учествувала во случајот во кој МКС побара налог за апсење на израелскиот премиер Бенјамин Нетанјаху, министерот за одбрана Јоав Галант и на лидерот на Хамас за наводни воени злосторства и злосторства против човештвото.
„Пред повеќе од четири месеци обвинителот на Меѓународниот кривичен суд (МКС) ме замоли да му помогнам да ги проценам доказите за сомнителни воени злосторства и злосторства против човештвото во Израел и Газа. Се согласив и се приклучив на панелот на меѓународни правни експерти. Заедно се вклучивме во обемен процес на преглед на докази и правна анализа во Меѓународниот кривичен суд во Хаг“, изјави таа.
Посочи дека и покрај нивното лично потекло, кое се разликува, правните наоди на тие експерти биле едногласни и дека утврдиле оти судот е надлежен за злосторствата извршени во Палестина и од палестински граѓани.
„Едногласно заклучуваме дека постојат разумни основи да се верува дека лидерите на Хамас, Јахја Синвар, Мохамед Дајф и Исмаил Ханија, извршиле воени злосторства и злосторства против човештвото, вклучително и земање заложници, убиства и злосторства на сексуално насилство. Едногласно заклучуваме дека има разумни основи да веруваме дека израелскиот премиер Бенјамин Нетанјаху и израелскиот министер за одбрана, Јоав Галант, извршиле воени злосторства и злосторства против човештвото, вклучително и гладување како метод на војување, убиства, прогон и истребување“, изјави Амал Клуни.
Таа претходно беше критикувана на социјалните мрежи дека не зборува јавно за војната во Газа и објасни дека ја прифатила поканата на судот да биде советник во овој случај бидејќи верува во владеењето на правото и потребата да се заштитат животите на цивилите.
„Законот кој ги штити цивилите во војна е воспоставен пред повеќе од 100 години и се применува во секоја земја во светот, без разлика на причините за конфликтот“, рече Клуни.
Таа додаде дека како адвокатка за човекови права никогаш нема да прифати дека животот на едно дете има помала вредност од животот на друго.
„Не прифаќам каков било конфликт да биде надвор од дофатот на законот ниту, пак, кој било сторител да биде над законот“, изјавила Амал Клуни.
Клуни е светски позната адвокатка за човекови права, која работела на голем број сериозни глобални конфликти.
Амал Клуни е адвокат во Доти Стрит Чемберс во Лондон, група здружени адвокати специјализирани за човекови права и е дополнителен професор на Правниот факултет „Колумбија“ во Њујорк. Таа исто така ја основаше Фондацијата „Клуни“ за правда заедно со својот сопруг, актерот Џорџ Клуни, непрофитна организација, која обезбедува бесплатна правна поддршка на жртвите на кршење на човековите права.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пресретната подморница што превезувала повеќе од 1,7 тони кокаин, пловела кон Европа
Четири лица се уапсени откако португалските власти пресретнаа подморница за дрога што превезувала повеќе од 1,7 тони кокаин во средниот Атлантик. Полуподморницата се движела кон Пиринејскиот полуостров и била запленета во последните денови, потврдија официјални лица.
Објавени се и снимки на кои се гледа како полицијата и морнарицата го опкружуваат бродот пред да се качат на него, да ја запленат дрогата и да го апсат четиричлениот екипаж, за кои се вели дека се од Јужна Америка.
🚨Tal como lo advertí
🇻🇪Ahora el cartel de los soles dirige toda su carga hacia europa
🇵🇹Portugal intercepta narcosubmarino con 1,7 toneladas de cocaína y detiene a cuatro tipulantes venezolanos
— YO SOY 🇻🇪🇺🇸✈️ (@ElGanadorHenry) November 4, 2025
Центарот за поморска анализа и операции со седиште во Лисабон добил информации дека криминална организација се подготвува да испрати подморница натоварена со кокаин во Европа.
Неколку дена подоцна, португалски брод успешно ја лоцираше подморницата на приближно 1.000 наутички милји (1852 км) од брегот на Лисабон, во операција поддржана од Националната агенција за криминал на Велика Британија и Администрацијата за борба против дрога на САД.
Осомничените – двајца Еквадорци, еден Венецуелец и еден Колумбиец – беа притворени откако беа изведени пред суд. Витор Ананијас, шеф на португалската полициска единица за борба против дрога, рече дека нивните различни националности покажуваат дека организацијата што стои зад нив не е со седиште само во една земја.
Регион
Силен земјотрес во Грција, почувствуван и во Бугарија: „На 5-ти кат сме, се тресевме околу 10 секунди“
Земјотрес со магнитуда од 4,7 степени според Рихтеровата скала ја погоди Грција во 8:16 часот наутро, а беше почувствуван и во Бугарија.
Според достапните податоци, епицентарот на земјотресот се наоѓал на 12 километри западно од Ксанти во Грција.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 7 километри под површината на земјата.
Земјотресот беше добро почувствуван во Кавала, а граѓаните на Пловдив и другите бугарски градови исто така велат дека го почувствувале потресот.
„На 5-ти кат сме, добро се тресевме околу 10 секунди“, „Навистина се почувствува кај нас“, „Во Софија сме, почувствувавме мало тресење на земјата“, сведочеа жителите на бројни градови во Бугарија.
Грците велат дека го почувствувале земјотресот и на островот Тасос.
„Се тресеше во Лименарија“, „Кавала, се тресеше добро“, сведочат луѓе.
Досега нема извештаи за материјална штета или повредени, а надлежните служби ја следат ситуацијата.
Свет
(Видео) Филипините во урнатини по тајфунот: најмалку 66 мртви
Бројот на жртви од тајфунот Калмаеги на Филипините се искачи на најмалку 66, додека жителите на најтешко погодената покраина Себу се справуваат со уништувањето. Уништени домови, улици преполни со урнатини и уништени животи се мрачната слика што ја остави бурата додека се движи кон Виетнам, објавува Си-ен-ен.
Во градот Талисај, преживеаните ги пребаруваат остатоците од своите домови со надеж дека ќе спасат нешто вредно. Меѓу нив е и 38-годишната Ејлин Окен, која ја пронајде својата куќа целосно уништена.
This is the aftermath in Talisay City, Cebu, Philippines — the city looks almost completely washed away.
At least 26 people have been killed, with estimated winds reaching 130 kph and gusts of up to 180 kph as Typhoon Kalmaegi (TinoPH) tore through the region. pic.twitter.com/UBs1Rk57fw
— Weather Monitor (@WeatherMonitors) November 4, 2025
„Работевме и штедевме со години за ова, а потоа во еден миг, сè исчезна“, рече таа, со треперлив глас, додавајќи дека е благодарна што нејзиното семејство, вклучувајќи ги и нејзините две ќерки, се неповредени.
Откако се повлекоа поплавните води, во Себу, популарна туристичка дестинација, беа откриени сцени од катастрофа: урнати куќи, превртени возила и купишта урнатини насекаде. Струјата е сè уште во прекин на многу места, а телекомуникациските услуги се со прекини.
This is not normal — it’s getting worse day by day. This morning, powerful floodwaters hit Villa Azalea Phase 2C, Cotcot, Liloan, Cebu, Philippines, as strong winds and heavy rain from Typhoon Tino (Kalmaegi) continued. pic.twitter.com/5qmenSBQNV
— Weather Monitor (@WeatherMonitors) November 4, 2025
Според најновите бројки, 66 лица загинаа, 26 сè уште се водат како исчезнати, а 10 се повредени. Меѓу загинатите се шест војници чиј хеликоптер се урна за време на мисија за помош на островот Минданао.
Фотографиите и видеата од Филипинскиот Црвен крст покажуваат како спасувачите газат низ вода длабока до колена во Себу, користејќи чамци за да стигнат до жителите заробени во поплавените домови. Во северниот град Лилоан, домовите беа поплавени до таа мера што беа видливи само покривите.
фото: принтскрин
Две жени намамиле човек во мотел во Скопје, каде го пречекале двајца мажи: го удирале со боксови додека не паднал, па го ограбиле
Истрага против четири лица – двајца мажи и две жени поведе Основното јавно обвинителство Скопје за кривично дело – Разбојништво...
(Видео) Бројот на загинати во Тузла се зголемува, 35 повредени, со месеци имало предупредувања за Домот
Според најновите официјални информации, вкупно 11 лица загинаа во пожарот што синоќа зафати дел од зградата на Домот за стари...
(Видео) Мамдани: Трамп, знам дека ме гледаш, имам четири збора за тебе
Новиот градоначалник на Њујорк, Зохран Мамдани, одржа победнички говор во Бруклин во кој на остар начин рече дека „градот што...
(Видео) Украинците нападнаа база на една од најнапредните руски единици, убиени се офицери
Припадници на Главната разузнавачка управа (ХУР) на Украина извршија прецизен напад во окупираниот град Авдиивка во регионот Донецк, уништувајќи го...
(Видео) Најмалку седум лица загинаа откако се урна товарен авион во САД
Tоварен авион на компанијата UPS се урна во вторник и експлодираше во огнена топка неколку моменти по полетувањето од меѓународниот...
Поради поголем пламен и отпаднати делови од приколка на возило делницата од автопат А1 Велес – Градско е затворена
Поради поголем пламен и отпаднати делови од приколка на возило, во 01:20 часот делницата од Автопат А1 Велес – Градско...
(Видео) Зохран Мамдани е избран за градоначалник на Њујорк
Демократот Зохран Мамдани, кој се опиша себеси како „најлошиот кошмар на Трамп“, е избран за нов градоначалник на Њујорк. Мамдани...
(Видео) Ужасни детали од трагедијата во Тузла: Пожарот го зафати катот со лицата со попреченост, се задушија
Десет лица загинаа во трагичен пожар што избувна во дом за стари лица во Тузла. Пожарот се прошири на седмиот...
(Видео) Трагедија во Тузла: 10 луѓе загинаа во дом за стари лица
Најмалку десет лица загинаа во катастрофален пожар што избувна вчера вечер во дом за стари лица во Тузла. Најмалку пет...
Несреќата кај Плетвар во која загинаа две лица се случила при претекнување, соопшти Обвинителството
Во врска со тешката сообраќајна несреќа што попладнево се случи на патот Прилеп – Росоман, во близина на Плетвар, дежурен...
Двajца загинаа во сообраќајка кај Плетвар, петмина повредени
Денеска околу 17 часот на патниот правец Прилеп-Росоман, во близина на селото Радобил, се случила тешка сообраќајна несреќа помеѓу две...
Очув и мајка осомничени за обљуба на малолетно девојче
Основното јавно обвинителство Скопје донесе Наредба за спроведување истражна постапка против двајца сопружници за обљуба со злоупотреба на положбат. Осомничениот...
Обвинителството бара одземање на пасошите и дозволата за возачот кој го прегази Јорго Ќука во Скопје
Обвинителството достави до судот предлог за определување мерки на претпазливост за 37-годишниот возач кој на 3 ноември со автомобил удри...
Беким Сали ќе го наследи Изет Меџити како прв вицепремиер
Портпаролот на коалицијата ВРЕДИ, Дритон Сулејмани, денеска потврди дека Беким Сали ќе биде новиот прв вицепремиер, на местото на Изет...
Македонија треба да ги спроведе уставните измени, порача Кос
Презентирајќи ги извештаите за земјите кандидатки за членство во ЕУ, пред Комитетот за надворешни работи на Европскиот парламент, еврокомесарката за...
Мицкоски од Брисел: Ги повторивме нашите единствени позиции за Македонија
Премиерот Христијан Мицкоски соопшти дека во Брисел имал пријателска средба со претседателот на Европскиот совет, Антонио Кошта. „Првата средба ја...
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
Европската комисија разгледува воведување систем на пробен период за земјите што во иднина ќе станат членки на Европската Унија, изјави...
Воведена нова процедура на Клиниката за кардиологија, пациентите со сложени срцеви аритмии повеќе нема да бидат упатувани во странство
Министерот за здравство Азир Алиу денеска ја посети Универзитетската клиника за кардиологија по повод извршената прва аблација за коморна тахикардија...
Ако ДУИ беше опозиција пред десет години, и тогаш ќе го имавме овој изборен резултат, тие немаа можност за злоупотреби, вели Алиу
Граѓаните во нашата земја десет години сакаа промена на политичкиот амбиент и ако ДУИ пред десет години беше опозиција, ќе...
Го тепал со метална шипка, со рацете и со нозете речиси половина час, па го оставил да искрвави на скалите: eден осомничен за убиство во дојранско Сретеново
Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило...
