Македонија
„Во сообраќајна несреќа при судир на камионите што носат увозен јаглен на омилената фирма на белорускиот конзул загина човек“, вели Николоски

„Власта на СДС И ДУИ на заминување прави масовна пљачка на ЕЛЕМ И РЕК Битола! Целта е да се искраде што сѐ може на заминување!Тендери се штанцаат на дневна основа, нормално за омилената фирма на белорускиот конзул!“, напиша Александар Николоски, потпретседател на ВМРО-ДПМНЕ, на социјалните мрежи.
„Исто така дневно десетици камиони носат увозен јаглен! Тие камиони транзитираат низ Новаци кон РЕК Битола.
Во сообраќајна несреќа при судир на еден од тие камиони со трактор, еден човек го загуби животот. Затоа жителите на Новаци организираат протести за крај на криминалот во ЕЛЕМ и РЕК Битола!
Утре – Понеделник 27-ми мај од 10 часот се случува уште еден таков протест! Жителите на Новаци ја имаат мојата поддршка!
А, за криминалот во ЕЛЕМ и РЕК Битола веднаш по формирањето на Владата предводена од ВМРО-ДПМНЕ ќе започнат соодветни постапки за расчистување! Криминалците ќе одговараат!“, пишува во фејсбук објавата на Александар Николоски, потпретседател на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).