Свет
Украина ја покани Кина да присуствува на мировниот самит во Швајцарија
Првиот заменик-министер за надворешни работи на Украина денеска ја посети Кина и ја повика да испрати делегација на самитот за Украина што ќе се одржи овој месец во Швајцарија, очигледно надевајќи се дека сè уште е можно да се убеди Пекинг да присуствува на важниот собир.
Русија не е поканета да учествува на самитот кој се одржува од 15 до 16 јуни. Пекинг претходно стави до знаење дека има намера да се држи настрана и го нагласува присуството на двете завојувани страни како предуслов за секоја значајна мировна конференција.
„Украинската страна се надева дека учеството на Кина на овој настан може да биде добра можност за практичен придонес за постигнување праведен и траен мир во Украина“, се вели во соопштението на украинското Министерство за надворешни работи по средбата во Пекинг меѓу Првиот заменик министер за надворешни работи Андриј Сиби и кинескиот заменик министер за надворешни работи Сун Веидонг.
Киев соопшти дека повеќе од 100 земји ја прифатиле нејзината покана за самит на кој ќе се разговара за условите на мировниот план наведен од претседателот Володимир Зеленски за да се обиде да стави крај на руската офанзива врз Украина, која веќе трета година ја спроведува.
Москва ја нарече бесмислена идејата за одржување на самитот без нејзино учество, а Украина ја обвини Москва дека се обидува да ја наруши конференцијата. Само неколку дена пред Москва да ја започне својата сеопфатна инвазија на Украина во февруари 2022 година, Кина прогласи „безгранично“ партнерство со Русија, но цело време се претставуваше како неутрален учесник во конфликтот.
Пред повеќе од една година објави документ од 12 точки во кој се наведени општите принципи за завршување на војната, што беше поздравено од двете завојувани страни.
Минатата недела Кина и Бразил потпишаа заедничка изјава во која повикуваат на мировни преговори меѓу Русија и Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.