Македонија
Гаши ќе се сретне со грчката амбасадорка која си замина среде заклетвата на Силјановска Давкова
![](https://makfax.com.mk/wp-content/uploads/2024/06/gasi.jpg)
Претседателот на Собранието, Африм Гаши во понеделник ќе се сретне со амбасадорката на САД во земјава, Анџела Агелер. Според објавата во собранискиот календар, нивната средба ќе започне точно напладне.
Еден час подоцна, во 13 часот, Гаши ќе се сретне и со швајцарската амбасадорка, Вероник Улман.
Во четврток, пак, Гаши ќе оствари средба и со амбасадорката на Германија, Петра Дрекслер.
Веќе во петок, собранискиот спикер ќе се сретне со Aлександра Пападополу, заменик министер за надворешни работи на Република Грција и Софија Филипиду,амбасадор на Република Грција во земјава.
Филипиду ја напушти собраниската галерија додека траеше заклетвата на новата претседателка на Македонија Гордана Силјановска Давкова откако таа наместо Северна, употреби само Македонија.
Вчера Гаши оствари прва средба по изборот на функцијата со евроамбасадорот Дејвид Гир и со претставници на Делегацијата на Европската Унија во земјава.
Гир изрази очекување дека новиот парламентарен состав ќе работи посветено во остварување на стратешката цел на земјата за полноправно членство во Европската Унија.
Претседателот Гаши и евроамбасадорот Гир разменија мислења и за престојните избори за Европскиот парламент, како и за претстојниот изборот на нова влада во земјава. Тие разговара и за процедурите за донесување на законите во Собранието, за зајакнувањето на надзорната функција на Собранието во однос на извршната власт, како и за понатамошното усогласување со законодавството на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Метежот на „Табановце“ е поради зголемениот безбедносен ризик од тероризам во Србија
![](https://makfax.com.mk/wp-content/uploads/2018/08/tabanovce.jpg)
Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез од територијата на Република Северна Македонија е поради прогласеното црвено ниво на безбедносен ризик од тероризам во Република Србија.
„Граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба“, соопшти МВР.
Македонија
„Филипче не е нов лидер, туку чувар на фотелјата на Зоран Заев“, велат од ВМРО-ДПМНЕ
![](https://makfax.com.mk/wp-content/uploads/2020/11/zaev-filipce.jpg)
„Венко Филипче со 9 илјади гласови, колку се потребни за советник во општина стана лидер на СДС. Еден Заев се замени со друг Филипче. Тажен завршеток на сагата за нов лидер, со стари навики“, велат од ВМРО-ДПМНЕ.
„Филипче не е нов лидер, туку чувар на фотелјата на Зоран Заев. Човекот е одговорен за погромот со Ковидот, каде десетици илјади луѓе ги загубија животите, директно одговорен за матните тендери каде референцата за избор емаил контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче не убедуваше дека кабелот е виновен.
Филипче е најдобрата маска на Заев. Исти луѓе исти вредности.
Ако мисли дека Филипче дека ќе се спаси, и кога ќе одговара за криминалите ќе вика дека е политички реваншизам овој пат тоа е најпогрешниот начин да избега од одговорност. Одговорност ќе има“, соопшти ВМРО-ДПМНЕ.
Македонија
Сончево и многу топло, во текот на ноќта невреме со пороен дожд, грмежи, силен ветер и град
![](https://makfax.com.mk/wp-content/uploads/2022/08/Ohrid-meteo-sonce.png)
Времето денеска ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Минималната температура ќе биде во интервал од 12 до 21, а максималната ќе достигне од 32 до 39 степени. UV=9
Во Скопје сончево и многу топло, со слаб до умерен ветер од југозападен правец. Во текот на ноќта во делови од котлината ќе има услови за локална појава на невреме со пороен дожд, грмежи, засилен ветер и град. Минималната температура ќе се спушти до 18, а максималната ќе достигне до 37 степени.
Денеска преку денот ќе се задржи сончево и многу топло време со дневни температури кои насекаде ќе бидат над 30 степени. Во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер.