Забава
Најголемите кавгаџии во зодијакот: ќе ве исцедат како лимон
Веројатно ви се случило некои луѓе да ви ја цицаат целата енергија бидејќи тоа е зборот за класичните енергетски вампири. Кои се најголемите кавгаџии во зодијакот?
Факт е дека некои хороскопски знаци се понапорни од другите и никогаш не треба да влегувате во расправија со нив. А кои хороскопски знаци ги бие црн глас, ќе дознаете во продолжение.
Кои се најголемите кавгаџии во зодијакот?
5 место: Овен
Овните обично имаат значителен авторитет во друштвото и нема да дозволат некој да ја загрозува нивната позиција: тие ќе се расправаат толку гласно, што сепак ќе мора да се согласите. Самодовербата на овој знак ги изненадува сите наоколу. Врескајќи и пцуејќи, Овните се способни да кажуваат претерано навредливи работи, без страв дека ќе ги повредат чувствата на својот соговорник.
Животот ќе ви биде полесен ако не се карате со Овенот. Но, знајте дека ако вашата позиција за кое било прашање е слична на мислењето на овој знак, тогаш сигурно ќе ги убедите вашите противници. Благодарение на оваа способност Овенот може да постигне голем успех на работа и да заземе лидерска позиција, но градењето врска со партнерот понекогаш може да биде тешко. Главната работа е дека партнерот не е толку тврдоглав!
4 место: Девица
Не гледајте на фактот дека ова е тивок знак. Едноставно, ќе ве задуши со својата досада. Способноста на Девицата да го коментира секој недостиг на соговорникот секогаш ги восхитува оние околу неа. Најмногу иритира тоа што Девицата нема ни да го забележи трупецот во нивното око.
Обидете се да не обрнувате внимание на ова, има такви луѓе и не можете никако да влијаете на тоа. Најверојатно, длабоко во себе се незадоволни од нешто во себе, па потсвесно бараат мани кај оние околу нив. Не земајте го при срце и фокусирајте го вашето внимание на позитивните квалитети на Девицата.
3 место: Шкорпија
Овој хороскопски знак се смета за најскандалозен и со добра причина. Во лошо расположение тие се способни да почнат конфликт од никаде. Овие аргументи најчесто се претвораат во деструктивен формат. Шкорпиите секогаш боцкаат на места на кои соговорникот е најранлив. Не е чудно што по разговорот со овој знак, многу луѓе се чувствуваат уморно и раздразливо. И ако сте цел на Шкорпија долго време, може да развиете сериозни комплекси.
Овој знак е и главниот манипулатор. Ќе ја следите неговата трага, без воопшто да сфатите. Конфликтот не може да се избегне, но расправата е сè уште бескорисна. Обидете се да не реагирате на манипулацијата и максимално да се дистанцирате.
2 место: Стрелец
Како еден од најпаметните знаци во зодијакот, Стрелците се способни да манипулираат со вас на начини што нема ни да ги забележите. Како резултат на тоа соговорникот ќе се чувствува раздразливо и уморно, а Стрелецот ќе ужива во својата супериорност.
Овој знак често игра нечесно. Понижувањето, исмејувањето и отворените навреди се главните техники на сите Стрелци. Сепак, не ни помислувајте да влезете во отворен конфликт и да возвратите со иста мера бидејќи тоа ќе ви се врати во спротивно. За да излезете од ситуацијата со најмали загуби, обидете се да го пофалите секој минимален гест на Стрелецот. Кога ќе почувствува дека е во доминантна улога, нема да мора да се наметнува на ваша сметка.
1 место: Лав
Ако Лавот е нерасположен, единствениот начин да си го спасите животот е да му тргнете од пред очи. Обидот да се расположи Лавот е бескорисен – секоја минимална грешка ќе стане причина за конфликт. Лавовите немаат граници. Обидувајќи се да ја наполнат својата енергија кога се нерасположени, тие го навредуваат и исмејуваат својот соговорник. Штом покажете негативна реакција, вие сте навлечени на играта.
Манипулациите на Лавот е невозможно да не се забележат, но тоа не ги прави помалку нежни. Ако сепак паднете на неговите манипулации, внимавајте на вашето ментално здравје! Ако успеете да се држите на дистанца, Лавот ќе изгуби секаков интерес за вас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сите дадилки што Џенифер Лопез ги ангажирала за своите деца си заминале за седум дена: причината е прилично бизарна
Познатата Џенифер Лопез ги има близнаците Максимилијан и Ема со својот поранешен сопруг, пејачот Марк Ентони.
Како што еднаш и самата призна, на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Постојано им давав совети на пријателите што имаат деца, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила тогаш таа, пренесува Yourtango.
Како што еднаш рекол извор близок до Лопез, првата дадилка што таа и Марк ја ангажирале дала отказ по една недела.
„Обично луѓето што заработуваат огромни суми пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците туку и да работи 16 часа, седум дена во неделата“, рекол извор за „Тудеј“, пренесува споменатиот медиум.
Меѓутоа, тоа се случило и со другата дадилка.
„Тие најмија друга дадилка, која беше прекрасна со близнаците, но таа не можеше да работи толку многу часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да имам пикник со тебе оваа недела бидејќи знам дека си работелa напорно. Беше со мене во Њујорк, но сепак ми рече: Би сакал да закажам пикник за следниот петок бидејќи ни треба повеќе квалитетно време. Јас му одговорив: Во ред, душо“, истакна таа, пренесува Yourtango.
Забава
Најпознатото бебе на интернет стана полнолетно
Сами Гринер, познат како „успешното дете“ (Success Kid), го прослави својот 18. роденден.
Неговата мајка на „Инстаграм“ покажа како денес изгледа момчето од познатото меме.
„Моето мало момче наполни 18 години. Среќен роденден, Сем“, напиша мама Лејни Гринер.
View this post on Instagram
На мемето е прикажано бебе како стиска грст песок. Фотографијата е направена во 2007 година. Семи имал само 11 месеци кога неговите родители го фотографирале додека се обидувал да јаде песок. Мајка му ја објави фотографијата на интернет за да ја видат нејзините пријатели и семејството, но таа стана интернет-сензација и меме.
Фотографијата стана толку популарна што Си-ен-ен го нарече Семи Гринер „веројатно, најпознатото бебе на интернет“. Освен за популарна употреба на социјалните мрежи, фотографијата се користи и за комерцијална употреба.
Во 2012 година, Џастин и Лејни Гринер, родителите на Семи, зборуваа на конференција поврзана со ROFLCon за предизвиците на воспитувањето на детето додека го штитат брендот. Тие беа критикувани дека го искористиле својот син, на што Лејни одговорила дека немала контрола дали мемето ќе се шири.
Во средината на 2015 година семејството Гринер ја искористи фотографијата за да ја промовира кампањата GoFundMe за да собере пари за да плати за трансплантација на бубрег на татко му. Иако Лејни првично се двоумеше дали да ја поврзе кампањата со мемето, на крајот се одлучи да го направи тоа и за неколку дена беа собрани 83.000 долари. Така настана мемето „Станав меме, па го спасив тато“.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.