Забава
Некогаш и сега: како изгледаат денес актерите од бразилската серија „Клон“
Бразилската серија „Клон“, односно „Забранета љубов“ почна да се емитува во 2001 година и бргу ги освои срцата на гледачите во светот.
Серијата се снимаше во Бразил и Мароко и беше првата теленовела што се занимаваше со темата за односот меѓу две вери, како и темата за клонирање. Во центарот на приказната е љубовта меѓу Жаде и Лукас, а главните улоги ги толкуваа Џована Антонели и Муриљо Бенисио.
View this post on Instagram
Џована и Муриљо се заљубиле на снимањето и бргу станале еден од најпопуларните парови во светот на славните. Во 2005 година го добија синот Пјетр, но разделбата следуваше неколку месеци подоцна кога решија да стават крај на својата љубовна приказна, а како што тогаш пишуваа медиумите, не се разделија во пријателски односи и си упатија многубројни обвинувања еден против друг.
View this post on Instagram
По раскинувањето со колегата, актерката излегуваше со бизнисменот Алесандре Асиоли, но и таа љубов не траеше. Таа подоцна се впушти во уште неколку кратки врски, па се сврши со бизнисменот Роберто Локаси во Италија во 2004 година, но четири месеци подоцна раскинаа.
Во октомври 2010 година ги доби близначките Антонија и Софија со режисерот Леонардо Ногуеира.
Популарната Жаде сѐ уште се занимава со глума, но и со режија.
View this post on Instagram
Минатата година беше премиерно прикажана серијата Quanto Mais Vida, Melhor!, во која глуми и таа.
Џована е активна на социјалните мрежи, а обожавателите редовно ѝ пишуваат дека со годините изгледа подобро.
Таа и Муриљо неодамна учествуваа во заеднички проект, кој израдува многу нивни обожаватели.
Ниту Муриљо немал помалку бурен љубовен живот.
View this post on Instagram
Првиот брак му беше со актерката Алесандра Негрини, со која го доби синот Антонио. Сепак, тие се разведоа по една година.
По раскинувањето со Антонелиева, тој ги криеше своите врски, а единствена за која отворено зборуваше е онаа со колешката Дебора Фалабела. Двајцата заедно глумеа во серијата „Авенида Бразил“, каде што се разгоре љубовта.
Ниту оваа врска не траеше, а Бенисио е во врска со сценаристката Мануела Дијас од 2020 година.
За време на снимањето на серијата „Клон“ жените од целиот свет полудеа по него, а Муриљо денес изгледа многу поинаку. Обожавателите често во коментарите му велат дека тој сѐ уште им е неостварена желба на многумина.
View this post on Instagram
Карла Дијаз го портретира слаткото девојче Кадија Рашид, ќерката што Жаде ја имаше со Саид. Карла тогаш имаше само 11 години, а дебитира на сцената во 1994 година во серијата Éramos Seis.
View this post on Instagram
Денес, освен што е успешна телевизиска, филмска и театарска актерка, таа е и пејачка. Карла во 2021 година учествуваше и на бразилскиот „Голем брат“.
View this post on Instagram
Саид Рашид, со кого Жаде беше во брак, е портретиран од Далтон Виг.
Далтон ги освои срцата на многу жени, а со текот на годините многу се промени.
View this post on Instagram
Глумеше во многубројни серии и филмови, како и во театар, а од 2012 година е во брак со актерката Камила Черкс, со која ги има близнаците Артур и Дејвид.
View this post on Instagram
Вера Фишер е една од најпопуларните бразилски актерки, а во оваа серија го толкуваше ликот на Ивет.
Таткото на Вера бил нацист за што таа отворено зборувала и истакнала дека поради тоа никогаш немала добри односи со него. Успехот го постигна во 1969 година кога стана мис Бразил, а актерската кариера ја почна во порнографскиот филм „Супержена“ во 1973 година.
View this post on Instagram
Подоцна следуваа улоги во многубројни продукции, а Вера на пошироката публика ѝ е најпозната по улогите во сериите „Клон“, „Семејни заплети“ и „Индија – љубовна приказна“.
View this post on Instagram
Денес, Вера има 72 години и активно се занимава со актерство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сите дадилки што Џенифер Лопез ги ангажирала за своите деца си заминале за седум дена: причината е прилично бизарна
Познатата Џенифер Лопез ги има близнаците Максимилијан и Ема со својот поранешен сопруг, пејачот Марк Ентони.
Како што еднаш и самата призна, на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Постојано им давав совети на пријателите што имаат деца, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила тогаш таа, пренесува Yourtango.
Како што еднаш рекол извор близок до Лопез, првата дадилка што таа и Марк ја ангажирале дала отказ по една недела.
„Обично луѓето што заработуваат огромни суми пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците туку и да работи 16 часа, седум дена во неделата“, рекол извор за „Тудеј“, пренесува споменатиот медиум.
Меѓутоа, тоа се случило и со другата дадилка.
„Тие најмија друга дадилка, која беше прекрасна со близнаците, но таа не можеше да работи толку многу часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да имам пикник со тебе оваа недела бидејќи знам дека си работелa напорно. Беше со мене во Њујорк, но сепак ми рече: Би сакал да закажам пикник за следниот петок бидејќи ни треба повеќе квалитетно време. Јас му одговорив: Во ред, душо“, истакна таа, пренесува Yourtango.
Забава
Најпознатото бебе на интернет стана полнолетно
Сами Гринер, познат како „успешното дете“ (Success Kid), го прослави својот 18. роденден.
Неговата мајка на „Инстаграм“ покажа како денес изгледа момчето од познатото меме.
„Моето мало момче наполни 18 години. Среќен роденден, Сем“, напиша мама Лејни Гринер.
View this post on Instagram
На мемето е прикажано бебе како стиска грст песок. Фотографијата е направена во 2007 година. Семи имал само 11 месеци кога неговите родители го фотографирале додека се обидувал да јаде песок. Мајка му ја објави фотографијата на интернет за да ја видат нејзините пријатели и семејството, но таа стана интернет-сензација и меме.
Фотографијата стана толку популарна што Си-ен-ен го нарече Семи Гринер „веројатно, најпознатото бебе на интернет“. Освен за популарна употреба на социјалните мрежи, фотографијата се користи и за комерцијална употреба.
Во 2012 година, Џастин и Лејни Гринер, родителите на Семи, зборуваа на конференција поврзана со ROFLCon за предизвиците на воспитувањето на детето додека го штитат брендот. Тие беа критикувани дека го искористиле својот син, на што Лејни одговорила дека немала контрола дали мемето ќе се шири.
Во средината на 2015 година семејството Гринер ја искористи фотографијата за да ја промовира кампањата GoFundMe за да собере пари за да плати за трансплантација на бубрег на татко му. Иако Лејни првично се двоумеше дали да ја поврзе кампањата со мемето, на крајот се одлучи да го направи тоа и за неколку дена беа собрани 83.000 долари. Така настана мемето „Станав меме, па го спасив тато“.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.