Македонија
Кочани се гуши во токсичен чад – депонијата гори, власта се чешла, вели Левица
„Левица ја изразува својата длабока загриженост поради катастрофалното менаџирање на депонијата во подножјето на падините на заштитената Осоговија од страна на градоначалникот од ДПМНЕ, Љупчо Папазов и неговата администрација. Овој долгогодишен проблем не само што не е решен, туку и се влошува, сериозно загрозувајќи го здравјето на граѓаните и еколошката стабилност на регионот“, велат од Левица.
„Во депонијата се согоруваат различни видови отпад, меѓу кои и пластика, која при горење ослободува диоксини и фурани, високотоксични соединенија кои се штетни за човечкото здравје и животната средина. Научните студии докажуваат дека вдишувањето на ваков тип чад од горење на отпад предизвикува сериозни здравствени проблеми како што се: респираторни заболувања, кардиоваскуларни проблеми и рак на бели дробови.
Локалните власти место да бараат решенија, бараат изговори. Иако темата на градската депонија беше разгледувана на повеќе седници на Советот на Oпштина Кочани, единствено што можеа да слушнат граѓаните беа меѓусебните обвинувања на ДПМНЕ и СДСМ околу тоа кој е повеќе виновен за состојбата со депонијата.
Јавното претпријатие не смее да се жали дека нема средства за стражарска служба, за третирање со алги, за осветлување и оградување на депонијата, затоа што само во 2023 година издвои 20 милиони денара за привремени вработувања! Дали партиските вработувања се приоритет пред здравјето на граѓаните?!
Ниту СДСМ ниту ДПМНЕ немаат право да објаснуваат колку се залагаат за добивање помош од Владата, бидејќи наводниот камен на препнување било тоа што ситуацијата не е предвидена во Правилникот на Министерството за животна средина, при што ДПМНЕ веќе трет мандат го има Миле Лефков за пратеник во Собранието на Македонија, а до вчера пратеничка беше и Марија Ангелова од СДСМ, при што сега ѝ е доделена месечна апанажа од 100.000 денара! Колку и какви иницијативи беа покренати до надлежното министерство за измена на споменатиот правилник?!
Левица ЛО Кочани ги поддржа и овие, како и претходните протести на граѓаните и ќе продолжи да се залага за реално решавање на овој горлив проблем! Животот и здравјето на граѓаните, како и квалитетот на живеење, мора да бидат највисок приоритет над сите други интереси“, соопшти Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Битиќи: Над 75% од граѓаните се за членство во ЕУ, власта да каже која е алтернативата
Во сите анкети над 75% од граѓаните велат дека се за членство во ЕУ. Политичарите имаат обврска да носат одлуки, за да одговорат на нивното очекување. Владата треба да каже кој е нивниот план. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, рече пратеникот на СДСМ, Фатмир Битиќи во одговор на новинарско прашање.
На власта беше да ги подобри условите како што ветуваше, додаде тој.
-И сегашната партија ВМРО-ДПМНЕ нема добиено повеќе од 25% од вкупниот број граѓани на изборите Легитимитетот на изборите не мора да значи дека се носат добри одлуки. Но и да прифатиме дека е тоа така, нивно беше да ги сменат условите. Да го сменат и Францускиот предлог, да ја сменат и преговарачката рамка, и да го вратат името. Очигледно гледаме сценарио во кое за жал продолжува стариот манипулативен приод на оваа гарнитура, да изманипулираме што можеме за избори а после кога ќе ја добиеме власта ништо од тоа не важи, додаде Битиќи.
Која е алтернативата? Власта треба да каже како понатаму после одвојувањето на европскиот пат, рече Битиќи.
-Наредната недела изминуваат 100-те дена и убаво на следните пратенички прашања Владата да дојде со план каде ќе се движи Македонија во наредните години, кога е очигледно одвојувањето на европскиот пат од другите земји.
Македонија
ВМРО-ДПМНЕ: СДС и ДУИ со практикувањето на корупција и криминал, ставија печат на тонењето на Македонија на патот кон ЕУ
Владата предводена од СДС и ДУИ седум години од владеењето имаше само една цел, а тоа е како да полнат џебовите на поединци, наместо да работат на исполнување на европските вредности, велат од ВМРО-ДПМНЕ.
„Владата на СДС и ДУИ, со практикувањето само на корупција и криминал, ја врати Македонија многу назад на планот на европските интеграции.
Резултат на седумгодишното владеење на СДС и ДУИ е Македонија да остане на дното на патот кон ЕУ, односно и Албанија да оди напред. Лицата Зоран Заев, Венко Филипче и Артан Груби се креатори на црното сценарио за Македонија. Што направија тие за патот на Македонија кон ЕУ?
Прво, лажеа дека Македонија почнала преговори. Второ, практикуваа само корупција и криминал што е сосема спротивно на залагањата на ЕУ. Со ова Заев, Филипче и Груби ставија печат не само на стагнирање, туку и на назадувањето на Македонија, наместо на напредок кон ЕУ.
Тие ставија печат на рекордно ниското ниво на доверба во правосудството, уништено здравство, ученици без учебници, низок стандард на живот и слично. Заев, Филипче и Груби се единствените виновници за изгубените седум години на Македонија на патот кон ЕУ.
Заев, Филипче Груби се единствените виновници што стигнавме до тоа Албанија да е пред нас. ВМРО-ДПМНЕ работи исклучиво врз вистински вредности кои се во интерес на сите граѓани и Македонија“, пишува во партиското соопштение.
Македонија
СДСМ: Албанија ќе биде запад за Македонија, ВМРО-ДПМНЕ ги прекина преговорите со ЕУ
Одлуката на Мицкоски и ВМРО-ДПМНЕ да стават буквално крај на преговорите со ЕУ и да ја дотераат земјата во политички ќорсокак е најголемиот успех на оваа Влада во првите 100 дена. Од земја со јасна перспектива напред, јасен план за развој и раст на секое поле во рамки на ЕУ, Мицкоски реши да ја затвори и изолира уништувајќи ја надежта дека тука ќе се живее подобро, пишува во соопштението на СДСМ.
„Мицкоски и ВМРО-ДПМНЕ немаат право ова го да го прават ниту имаат мандат да ги прекинуваат преговорите. Пострашно од се е што Мицкоски нема план, нема стратегија како оваа држава ќе се развива. Мицкоски ја носи државата во огромен ризик од идни нови блокади, ги билатерализира повторно споровите кои беа решени и намерно ја заглавува Македонија подлабоко во балканската кал. За жал, Албанија наскоро ќе биде запад за нас. Одвојувањето со Албанија исто така носи огромни ризици и непозната и непредвидлива иднина на джравата. Со оваа одлука на Мицкоски и ВМРО-ДПМНЕ може само да очекуваме уште повеќе иселување, економска стагнација и целосен застој во целокупниот развој на државата“, велат од опозициската партија.