Свет
Топлотен бран во Европа: На Сицилија измерени 48 степени, смртоносни пожари беснеат во Турција, а на Мајорка – метеоцунами
Во делови од Европа беснеат екстремни временски услови, Грција е зафатена со екстремно високи температури, необично „метеоцунами“ ги погоди Балеарските острови, големи поплави има на француските Алпи, а беснеат смртоносни шумски пожари во Турција, пишува „Дејли мејл“.
На Сицилија хотелите почнаа да ги одвраќаат гостите поради сушата на островот.
Во Шпанија, во одморалиштето Пуерто Алкудија, снимено е драматично видео на кое се гледа моментот кога огромен бран ја прелева другата страна на патот.
Majorca hit by meteo-tsunami 2006024,mega wave as shock vid shows ocean swallow up shore roads(Spain)
The sea level rose sharply and flooded parts of Puerto Alcudia, on the northeast coast of Majorca. pic.twitter.com/ykUsXQBOAO— john l (@Maeestro) June 20, 2024
Слично видео е снимено на почетокот на неделата во Менорка, каде огромен бран ги однел сите лежалки од плажата.
Во меѓувреме, во Турција, единаесет лица ги загубија животите, а десетици се повредени во големиот шумски пожар што зафати неколку села во текот на ноќта, изјави министерот за здравство на земјата. Сликите објавени на социјалните мрежи покажаа дека пламенот зафаќа големи површини од шумата додека огромните облаци чад се издигнаа во воздухот.
Во соседна Грција, властите евакуираа и неколку села јужно од Атина и во јужниот дел на Пелопонез поради пожари.
Невидени порои вода се излеаја по планинските падини во Франција во петокот, уништувајќи го алпското село Сен-Кристоф-ан-Оасан, принудувајќи ги жителите да бидат евакуирани со хеликоптер.
Италија, исто така, сега се подготвува за шумски пожари, а топлотниот бран во комбинација со сувите услови може да создаде идеални услови за шумски пожари во Сардинија и Сицилија.
Шумски пожар избувна во средата во близина на Неапол, покривајќи некои делови од градот со пепел.
Градоначалникот Гаетано Манфреди рече дека пожарот е „веројатно подметнат“ и дека противпожарните авиони сè уште се борат со огнот во текот на четвртокот.
Малку појужно, на Сицилија е забележана температура од 48,8 Целзиусови степени – највисока во Европа од 2021 година.
Летата стануваат подолги и пожешки, а загриженоста за екстремните горештини станува се пораспространета.
Во Агриџенто – место познато по своите неверојатни храмови – туристите не можат да резервираат хотели бидејќи снабдувањето со вода пресушува.
Франческо Пикарела, локалниот шеф на хотелската асоцијација Федералберги, изјави за Тајмс: – Водата се вклучува два или три пати неделно. Сите куќи имаат резервоари за вода, но за некои тоа не е доволно. Местата без вода ги пренасочуваат туристите во други куќи за гости. И тоа е само јуни.
Од горештините врие и главниот град на Италија, Рим, а низ светот кружат слики од туристи кои чекаат во редици пред Колосеумот.
Во меѓувреме, топла воздушна маса во Мајорка предизвика бизарен временски феномен наречен „метеоцунами“.
Локалните жители го нарекуваат „рисага“. Имено, брзите временски услови, како што се грмотевици, предизвикуваат покачување или паѓање на водата за само неколку минути.
„Варијациите на притисокот влијаат на нивото на морето. Ако притисокот се зголеми, морето се спушта – ако притисокот падне, морето се крева. Главната карактеристика на овие подеми и падови е тоа што се случуваат многу брзо. За само 15 минути нивото на морето може многу забележливо да се подигне или да падне, а потоа да се врати во нормална состојба“, изјави портпаролот на шпанската метеоролошка служба, Микел Гили.
Поради можноста за „метеоцунами“, издадено е црвено предупредување за целиот остров.
Во меѓувреме во Турција беснеат шумски пожари кои веќе однесоа неколку животи.
#BREAKING: MASSIVE FIRE ERUPTS IN DIYARBAKIR, TURKEY 🔥🇹🇷
A powerful fire has broken out in Diyarbakir, Turkey. Reports indicate that the blaze is uncontrollable at the moment. Firefighters are struggling to contain the inferno.#turkey #fire pic.twitter.com/J2S4WrU925
— Genius Bot X (@GeniusBotX) June 21, 2024
Носен од ветровите, пожарот брзо се прошири низ селата Коксалан, Јазчичеги и Багаџик, изјави гувернерот на провинцијата Дијарбекир, Али Ихсан Су. Пожарот е ставен под контрола рано во петокот.
Министерот за здравство Фахретин Коча на платформата Х објави дека починале 11 лица. Околу 80 од нив побарале лекарска помош, од кои шест се во тешка состојба.
Министерот за внатрешни работи Али Јерликаја изјави дека пожарот избувнал доцна во четвртокот поради запалени стрништа на околу 30 километри јужно од Дијабакир, а огнот брзо се проширил поради силните ветрови, проголтувајќи пет села.
На помош биле повикани и воздухопловните сили бидејќи интервенцијата од земја не била доволна.
Според последните податоци на Европскиот информативен систем за шумски пожари (ЕФФИС), Турција досега имала 74 шумски пожари оваа година кои опустошиле 12.910 хектари земјиште.
Во летото 2021 година, Турција ги претрпе најлошите шумски пожари кои однесоа девет животи и уништија огромни површини шумски површини на брегот на Медитеранот и Егејското Море.
Шумски пожари избувнаа и во Грција со многу ветровити, топли и суви услови. Шест села јужно од Атина и на Пелопонез мораа да бидат евакуирани поради опасност од пожар.
Поголемиот регион на Атина во петокот воведе забрана за влез во шумите и парковите поради временската прогноза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Генералниот секретар на НАТО разговараше со Трамп на Флорида
Генералниот секретар на НАТО, Марк Руте, разговараше со Доналд Трамп на Флорида. Ова го соопшти портпаролот на Алијансата, цитиран од „Ројтерс“, за средбата којашто се одржала во петокот.
Тие разговарале за глобалните безбедносни прашања со кои се соочува Алијансата.
„Ројтерс“ потсетува дека како премиер на Холандија Марк Руте бил меѓу оние европски политичари со кои Трамп одржувал добри работни односи за време на неговиот прв мандат во Белата куќа.
Регион
Побаран притвор за сите уапсени поради трагедијата во Нови Сад, меѓу нив и поранешен министер
По рочиштето, Вишото јавно обвинителство во Србија побара притвор за сите 12 уапсени, меѓу кои и поранешниот министер за градежништво Горан Весиќ и уште еден осомничен по кој беше распишана потерница, поради падот на настрешницата на железничката станица на 1 ноември во при што загинаа 15 лица.
Покрај Весиќ, кој поднесе оставка пет дена по несреќата, меѓу уапсените, а за кои Вишото јавно обвинителство во Нови Сад бара притвор, се и Јелена Танасковиќ, која поднесе оставка од челната позиција во Железничката инфраструктура на Србија, поранешниот директор на Инфраструктурата на Железниците на Србија Небојша Шурлан, како и помошникот министер за железнички транспорт Анита Димовски.
Обвинителството предлага приведување и притвор и за 13. осомничениот кој е во бегство и по кого е распишана потерница.
Осомничените се товарат за сторени повеќе кривични дела предизвикување јавна опасност, тешки кривични дела против општата безбедност и неправилно изведување градежни работи и им се заканува затворска казна од две до 12 години.
Вкупно 15 лица загинаа во падот на настрешницата на железничката станица во Нови Сад на 1 ноември околу пладне – 14 загинаа на местото на несреќата, додека уште едно лице од тројцата тешко повредени им подлегна на повредите подоцна во болница.
Свет
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација.
Поранешниот финансиски менаџер на тајкунот Џорџ Сорос, Скот Бесант ќе биде министер за финансии. Бесант води хеџ фонд и се спротивставува на буџетските дефицити. Пред неколку месеци тој за медиумите изјави дека одлучил да се приклучи на кампањата на Трамп делумно за да се бори против растечкиот национален долг на САД. Неговите ставови вклучуваат намалување на владините програми и други јавни трошоци.
Лори Чавез-Де Ремер е номинирана од Трамп за министерка за труд. Таа го загуби своето поранешно место во Орегон Хаус претходно овој месец, но ужива силна поддршка од синдикатот во нејзиниот округ. Се верува дека за време на новиот мандат на Доналд Трамп, министерството ќе биде повеќе бизнис-ориентирано, со оглед на плановите што ги најави идниот претседател за намалување на бирократијата.
Поранешниот играч на Националната фудбалска лига и помошник во Белата куќа Скот Тарнер ќе биде секретар за урбанистичко планирање.
Алекс Вонг се очекува да стане заменик советник за национална безбедност. Тој е поранешен функционер на Стејт департментот и поранешен специјален пратеник за Северна Кореја за време на првата администрација на новоизбраниот претседател. Себастијан Горка, друг член на тимот во тоа време, ќе биде директор за контратероризам во Белата куќа. Горка одреден период беше заменик помошник на претседателот.
Поранешниот конгресмен Дејв Велдон е номиниран да служи како директор на Центрите за контрола на болести, кој презеде водечка улога за време на пандемијата. Тој е лекар и ветеран на армијата, а на функцијата ќе има буџет од повеќе од 17 милијарди долари наменети за превенција од разни заразни болести. Центрите даваат и препораки за употреба на различни видови вакцини.
Трамп направи уште една номинација во областа на здравствената заштита. Лекарот за семејна медицина и соработник на Фокс њуз, Џенет Нешејват, беше избрана за главен лекар, повторно покажувајќи ја предноста на телевизиската личност како лице на новата администрација.
„Д-р Нешејват е жесток застапник и силен комуникатор за превентивната медицина и јавното здравје. Таа е посветена да обезбеди Американците да имаат пристап до прифатлива, квалитетна здравствена заштита и верува во зајакнувањето на поединците да преземат одговорност за сопственото здравје за да живеат подолг и поздрав живот. “, рече Трамп.
„Влен“: ДУИ како во холивудско сценарио оркестрирала сензационално враќање на Груевски
Јавноста деновиве дозна шокантни детали за тоа како ДУИ, како во холивудско филмско сценарио го оркестрирала сензационалното враќање на поранешниот...
(Видео) Ветрот направи повеќе штети во Битола: Откорнати се покриви од згради, куќи, паднаа и бандери
Делови од Македонија во последното деноноќие беа зафатени со невреме проследено со силен ветер, што причини штети во неколку региони...
Автомобил излета од патот кај Битола, возачот тешко повреден
Автомобил управуван од 68-годишен маж од Битола излета од патот Ресен-Битола. Од МВР информираа дека несреќата се случила вчера во...
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски....
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација. Поранешниот финансиски менаџер на...
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави...
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот...
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Сиљановска-Давкова ја прими Шекеринска: Единството меѓу носителите на највисоките функции е клучот за успехот на државата
Претседателката Гордана Сиљановска Давкова денеска ја прими Радмила Шекеринска за да ѝ го честита изборот на функцијата заменик-генерална секретарка на...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
