Обилните дождови денеска поплавија патишта и железнички пруги во поширокото подрачје на индискиот град Мумбаи, авиосообраќајот е во хаос, училиштата се затворени, а надојдените реки во другите делови на земјата им се закануваат на повеќе од два милиони луѓе.

„Непосредно пред утринскиот шпиц, овој град со 12 милиони жители доби силен дожд“, изјави неименуван градски функционер за Ројтерс.

Откако најавија продолжување на обилните врнежи и плимниот бран од 4,4 метри, властите превентивно наредија затворање на училиштата и факултетите.

Градоначалникот на украинската престолнина Виталиј Кличко изјави дека денешниот руски напад врз Киев е еден од најлошите од почетокот на војната во Украина во февруари 2022 година.

„Ова е еден од најлошите напади. Погледнете: тоа е детска болница“, рекол Виталиј Кличко додека стоел во близина на тешко оштетената зграда, пренесува Скај Њуз.

Kiew wurde erneut Opfer eines erheblichen Angriffs durch russische Raketen und Marschflugkörper.
Der Kreml ermordet offen Zivilisten.
Putin will keinen Frieden!
Putins Ziele ändern sich nicht!
Er will die Vernichtung des ukrainischen Staates.#FickDichPutin pic.twitter.com/uZKRgQimkY

— The Swamp 🔱 (@The3Swamp) July 8, 2024

Воената управа на градот објави дека најмалку седум лица се убиени во Киев.

Спасувачите работат на местото на погодената детска болница за време на најтешкото бомбардирање на Киев во последните неколку месеци.

Цел на нападот била детската болница Окматдит, најголемата медицинска установа во Украина.

Die Russen haben eine Kinderklinik in Kyjiw (Kiew) getroffen. Es trifft natürlich die Schwächsten in der ukrainischen Gesellschaft, die sich nicht wehren können. Das sind Barbaren und Terroristen! 🤬#RussiaIsATerroristState pic.twitter.com/oI1CWp2N9w

— EventFlow42 (@EventFlow42) July 8, 2024

Исто така, градоначалникот на Киев рече дека пациентите се евакуираат во блиската болница во градот.

Шефот на кабинетот на Володимир Зеленски, Андриј Јермак, во објава на социјалните мрежи ја обвини Русија дека „намерно таргетира“ деца, додека Русија тврди дека „не гаѓа цивили“.

Украинските власти апелираа до луѓето да останат во засолништа низ градот.

Портпаролот на Кремљ, Дмитриј Песков ,денеска изјави дека рускиот претседател Владимир Путин не доставил никаква порака преку унгарскиот премиер Виктор Орбан до американскиот претседател Џозеф Бајден и другите учесници на самитот на НАТО, што оваа недела ќе се одржи во Вашингтон.

На прашањето дали Путин преку Орбан, кој ја посети Москва на 5 јули, им пренесе порака на Бајден и на другите учесници на самитот на НАТО, Песков одговори негативно посочувајќи дека Орбан, кој претходните денови ги посети Киев и Москва, и денес Пекинг, од каде што отпатува во Вашингтон, „презема сериозна иницијатива да ги спореди ставовите на разни партии, врз основа на примарни извори“.

„Ние исто така високо ги цениме, а претседателот Путин даде висок рејтинг – овие напори на господинот Орбан“, додаде Песков, пренесе „РИА новости“.