Македонија
Поплавени куќи, подруми, улици – граѓаните од Тетово Скопје и Куманово пријавуваат штети од невремето
![](https://makfax.com.mk/wp-content/uploads/2024/06/nevreme-skopje.jpg)
Невреме со пороен дожд,ветер и град вчера ги погоди Тетово, Скопје и Куманово.
На Единствениот повикувачки број за итни случаи 112 во ЦУК заради налетите на невремето, беа добиени повеќе пријави, а и се уште се добиваат од Тетовско, Скопско и Кумановско за поплавени површини, дворови, подруми, куќи, објекти, паднати дрвја, бандери, столбови, оштетени куќи, откачени лимови, олуци, оштетени покриви, оштетени автомобили и слично. Сите информации беа соодветно селектирани и трансферирани до надлежните во локалните самоуправи и до надлежни служби и институции.
По скопското невреме имало пријави за паднати и навалени дрва, како и скршени гранки – 6; скинати проводници, навалени бандери и дуги проблеми со електрични и телефонски кабли – 4; поплавени куќи – 8; поплавени подрумски простории и гаражи – 12; поплавени улици – 5; проблеми во снабдувањето со електрична енергија – 3; оштетени покриви, скршени стакла и откачени лимови и олуци од куќи и згради – 4 и за оштетени патнички моторни возила – 4.
Од невремето што ја зафати територијата на Општина Куманово со обилни врнежи од дожд на 112 во ЦУК пристигнаа голем број на пријави за паднати дрва и поплавени улици во повеќе населби, а и за поплавени површини, дворови, подрумски простории и приземни објекти и куќи.
Од кризниот штаб на Општина Тетово добиени се податоци за блокиран локален пат за селото Вејце на Шар Планина, како и патот кај тетовската касарна што е преполн со вода и каде што имало едно заглавено возило, имало запушени канализации во горниот дел од градот и во Голема Речица. а голема количина на вода има навлезено во приватни куќи во дворови и подруми. Општинскиот кризен штаб беше активен и од ЈКП Канализација од Тетово и другите надлежни општински служби и институции испраќаа свои тимови и поединци на интервенција.
Според УХМР, до петок, ќе се задржи променливо облачно, нестабилно и малку посвежо време со пороен дожд и грмежи. Денес на повеќе места ќе има појава на невреме со обилен пороен дожд (над 30 л/м2) за кратко време, грмежи, силен ветер (над 60 км/час) и град. За време на викендот времето ќе биде стабилно и потопло, а од понеделник кон крајот на денот повторно се очекува локален пороен дожд и грмежи.
До граѓаните се препорачува на внимателност пред и за време на најавените локални метеоролошки нестабилности.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Со два хеликоптера на МВР изгаснат пожарот во Крушевско
![](https://makfax.com.mk/wp-content/uploads/2024/07/Screenshot-2024-07-01-215151.jpg)
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..
Македонија
Времена забрана за движење на тешки товарни возила на патиштата во државата
![](https://makfax.com.mk/wp-content/uploads/2018/11/kamiondzija.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево
Македонија
Средба Тошковски-Агелер: во фокусот борбата против организираниот криминал и корупцијата
![](https://makfax.com.mk/wp-content/uploads/2024/07/1-9.jpg)
Денеска министерот за внатрешни работи Панче Тошковски, во Министерството за внатрешни работи оствари работна средба со амбасадорката на Соединетите Американски Држави, Анџела Агелер.
Министерот Тошковски изрази благодарност кон амбасадорката на САД за поддршката што Владата на Соединетите Американски Држави постојано и ја дава на Република Северна Македонија, конкретно на Министерството за внатрешни работи во јакнење на капацитетите и сите процеси кои се спроведуваат преку проектите наменети за полицијата, со акцент на обуки на персоналот и набавка на опрема.
Како една од стратешките цели на кои Министерството за внатрешни работи на Република Северна Македонија ќе биде фокусирано во следниот период министерот Тошковски ја посочи борбата против организираниот криминал и корупцијата, како приоритет што е еден од главните столбови на владината програма.
Агелер му се заблагодари на Тошковски за континуираната одлична соработка на Република Северна Македонија со Соединетите Американски Држави во повеќе сфери од општествениот живот, пренесувајќи ја заложбата на американската амбасада и Владата на САД за поддршка и соработка и во наредниот период.