Свет
Пронајдени три тела во Сараево – постариот ги убил помалиот брат и снаата, па фрлил бомба
![](https://makfax.com.mk/wp-content/uploads/2024/06/убиство-сарево.jpg)
Телата на три лица се пронајдени во приватна куќа во Сараево по интервенција на пожарникарите кои пристигнале таму поради пожар, а станува збор за смртни случаи поврзани со семејна расправија.
Пожарникарите интервенирале во четвртокот вечерта по дојава за експлозија и пожар во куќа во населбата Широкача, во стариот дел на градот и таму ги пронашле телата на двајца мажи и една жена.
„Можеме да потврдиме дека во куќата се пронајдени три тела“, рече Азра Бавчиќ, портпарол на жупаниското обвинителство во Сараево.
Според информациите со кои располагаат во петокот наутро, а ги пренесоа тамошните медиуми, оваа трагедија е резултат на пресметка на двајца браќа, по меѓусебните конфликти кои траеле со месеци, на што посведочиле и соседите.
Претпоставките се дека постариот брат ги убил помалиот брат и неговата сопруга во четвртокот вечерта, а потоа ја запалил куќата.
„Алмир Чесир дојде со пиштол и прво испука пет-шест куршуми за да ги исплаши. Првин ја рани во нога жената. Потоа фрли бомба и се’ запали. Соседите веднаш ја повикале полицијата поради пукањето“, изјави чичкото Касим Чесир
Телата кои беа пронајдени по гаснењето на пожарот се целосно изгорени. Во тек е истрага за утврдување на сите околности на оваа трагедија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Естонија нарача турски воени оклопни возила „Јорук“
![](https://makfax.com.mk/wp-content/uploads/2024/07/ј.jpg)
Естонија нарача оклопни возила на турската војска, „Јорук 4х4“, а турската воена компанија ќе испорача 100 од овие возила во рок од една година.
Со ова купување Естонија стана третата членка на НАТО што се одлучи за турски оклопни борбени возила „Јорук 4х4“, пренесува порталот на турската државна телевизија ТРТ.
Естонскиот претседател Алар Карис неодамна ја посети турската компанија Nurol Makina, која е еден од водечките турски производители на воени оклопни возила.
Свет
Oрбан по средбата со Зеленски: Го повикав да размисли за итен прекин на огнот
![](https://makfax.com.mk/wp-content/uploads/2022/12/orban-viktor.jpg)
Унгарскиот премиер Виктор Орбан, по средбата со украинскиот претседател за време на ненадејната посета на Киев, изјави дека побарал од Зеленски да размисли за итен прекин на огнот и додаде дека тоа е начин да се забрзаат мировните преговори со Русија.
Орбан нагласи дека Будимпешта сака да ги подобри врските со Украина и да потпише билатерален договор за соработка, но и да учествува во економскиот развој на Украина, пренесува „Ројтерс“.
Зеленски на заедничката прес-конференција рече дека денешните разговори со Орбан може да бидат основа за идните договори меѓу Киев и Будимпешта.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец) и за поддршката на заедничкото коминике од самитот. Нашата работа во овој формат навистина помага да се стави крај на војната“, изјави Зеленски.
Тој исто така му се заблагодари на Орбан што ја посети Украина првпат по 12 години.
Ова е прва посета на Орбан на Украина од почетокот на руско-украинската војна, а шефот на кабинетот на Зеленски, Андриј Јермак, на својот канал на „Телеграм“ објави дека Украина направила многу за таа посета да се оствари, пренесува „Укринформ“.
„Направивме многу за да ја оствариме оваа посета. Важни разговори за иднината на Европа, безбедноста, меѓународното право и формулата за мир“, напиша Јермак.
Посетата на Орбан дојде откога Унгарија вчера го презеде претседавањето со ЕУ во следните шест месеци.
Свет
Зеленски: Разговарав со Орбан за тоа како да се постигне фер и траен мир
![](https://makfax.com.mk/wp-content/uploads/2024/06/zelenski1.jpg)
Украинскиот претседател Володимир Зеленски изјави денеска, по средбата со унгарскиот премиер Виктор Орбан во Киев, дека двајцата разговарале за начините за постигнување праведен и траен мир.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец). Нашата работа во овој формат навистина помага да се стави крај на војната“, рече Зеленски во објава на „Икс“.
Тој исто така му се заблагодари на Орбан што ја посети Украина првпат по 12 години.