Забава
Шерон Стоун: Изгубив милиони по мозочниот удар, луѓето ме искористија
Познатата актерка Шерон Стоун откри дека луѓето финансиски ја искористиле додека закрепнувала од мозочниот удар.
Во 2001 година Стоун доживеа мозочен удар, што доведе до деветдневно мозочно крвавење, што ја принуди да паузира седум години од актерството.
„Луѓето ме искористуваа во тоа време. Имав заштеда од 18 милиони долари од мојата кариера, а кога се вратив на мојата банкарска сметка, сето тоа го немаше. Немав пари воопшто“, изјави таа за „Холивуд репортер“.
Таа додаде дека наместо да биде огорчена за она што го доживеала по мозочниот удар, решила да се фокусира на позитивното.
„Ако гризнеш семе од горчина, тоа никогаш не те остава. Но, ако имаш вера, дури и ако таа вера е со големина на зрно синап, ќе преживееш. Затоа сега живеам од радост, живеам со цел“, изјавила 66-годишната актерка.
Стоун рече дека мозочниот удар целосно го променил начинот на кој функционира нејзиниот мозок.
View this post on Instagram
„Мојот мозок не беше на истото место во мојата глава како порано. Сè се смени. Сетилото за мирис, видот, сетилото за допир. Не знаев да читам неколку години. Многу луѓе мислеа дека ќе умрам“, рече Стоун.
Актерката претходно изјави дека лекарите мислеле оти глуми, а подоцна се утврдило дека имала крвавење во мозокот како резултат на пукната вертебрална артерија.
„Тие го погрешија првиот ангиограм и мислеа дека глумам“, изјави таа за „Вог“ во 2023 година.
„Мојот најдобар пријател ги убеди да направат уште еден тест, а потоа открија дека имам крвавење во мозокот, субарахноидално крвавење и дека ми пукна вертебралната артерија. Да ме прателе дома, ќе умрев“, додала таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Црвен отпечаток од дланка на устата: што се крие зад потегот на актерот
Вун-А-Таи позира во црн костум, со црвен отпечаток на дланка преку устата, симбол на солидарност за исчезнатите и убиените домородни жени.
Актерот Д’Фараон Вун-А-Таи (22) привлече внимание на доделувањето на наградите „Еми“. Ѕвездата на Reservation Dogs, која беше номинирана во категоријата за најдобар актер, го искористи своето појавување на црвениот тепих за да испрати силна порака.
Вун-А-Таи позира во црн костум, со црвен отпечаток од дланка на устата, со што испрати порака на солидарност за исчезнатите и убиени домородни жени, односно ги „означува сите исчезнати сестри, чии гласови не се слушаат, молкот на медиумите и законот“.
На годинешната церемонија Вун-А-Таи беше номиниран за својата прва награда „Еми“ за улогата во Reservation Dogs, но наградата му припадна на Џереми Ален Вајт за неговата улога во „Мечката“.
Сепак, Вун-А-Таи влезе во историјата како првиот домороден актер што бил номиниран во која било категорија за главна улога.
Reservation Dogs ја следи приказната за домородните американски тинејџери во Оклахома, кои сакаат да се пробијат до Калифорнија. Попатно, тие се подготвени на сè за да добијат пари, па дури и да ги украдат. Серијата е достапна за гледање на платформата „Хулу“.
Вун-А-Таи изјави за списанието „Варајати“ во април дека шоуто го научило на важноста да ја раскаже сопствената приказна.
„Никој не треба да ги кажува нашите приказни во наше име. Тоа трае предолго. Имавме доволно лажни претставувања“, рече Вун-А-Таи.
Забава
Хит фризура на доделувањето на наградите „Еми“
Доделувањето на наградите „Еми“, кога станува збор за фризурите, го одбележа косата со должина до брадата и патец на страната. Идеална фризура за оваа есен.
Во продолжение фотографии од познатите личности, кои на свеченоста стигнаа со оваа хит фризура.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
Забава
Најблескавите ѕвезди на црвениот тепих: интересни модни избори од церемонијата на доделувањето на наградите „Еми“
Сезоната на црвениот килим се вжештува, па на еден од најважните настани во забавната индустрија – доделувањето на наградите „Еми“, блеснаа многу ѕвезди. Тие навестија и за новите трендови што ќе владеат со Холивуд во следните неколку месеци.
Додека повеќето од гостите помалку ризикуваа и избираа повоздржани, потемни бои во класичните кроеви, некои се осмелија и пробаа поекстравагантни комбинации.
Еве некои од нив:
Лора Дерн
Џенел Џејмс
Кали Реис
Виола Дејвис и Џулиус Тенон
Кристен Виг
Софија Вергара
Рис Витерспун
Рита Ора
Сали Ричардсон
Јука Кури
Елизабет Дебицки
Никола Коклан
Моека Хоши
Дион Хармон
Џејн Розеан Клеј
Мирјам Леоне
Џенифер Анистон
Ана Саваи
Дејвин Џој Рендолф
Алисон Џејни