Забава
Официјално: Афлек и Џеј Ло ја продаваат својата палата на Беверли Хилс за 68 милиони долари
Бен Афлек и Џенифер Лопез и официјално ја ставија својата куќа на Беверли Хилс на продажба.
Нивната палата се појави на пазарот вчера, речиси еден месец откако извор изјави за магазинот „Пипл“ дека Афлек и Џеј Ло имаат намера да го продадат имотот.
Парот, кој е во брак од 2022 година, го купи имотот во мај 2023 година за 60,8 милиони долари. Домот со 12 спални соби и 24 бањи, според огласот, неодамна е реновиран според највисоките стандарди за квалитет. Содржи бар, сала за вежбање, спортски салон, боксерски ринг, терени за кошарка и пиклибол.
Имотот има и гостински пентхаус од 456 квадратни метри, двособна куќа за обезбедување и гаража за 12 автомобили. Има и дополнителен паркинг-простор, кој може да собере 80 возила. Вилата сега се продава за 68 милиони долари.
Познатиот агент за недвижности, Џош Алтман,, кој не е вклучен во продажбата на домот, откри со што обично се соочуваат славните кога продаваат домови. „Секогаш има луѓе што се преправаат дека се потенцијални купувачи, само затоа што се возбудени да ја обиколат куќата на позната личност“, вели тој.
„Моја претпоставка е дека пристапот до вилата на Афлек и Лопез ќе биде ограничен. Луѓето ќе мора да докажат дека се квалификувани да ја купат куќата и да покажат доказ за финансиски средства пред да им биде дозволен пристап за гледање“, додаде Џош.
Афлек веќе се исели од скапата палата.
„Бен живее во изнајмена куќа во Брентвуд. Таму е веќе речиси два месеца. Добро му оди. Секој ден е во својата канцеларија и е фокусиран на работата. Исто така, поминува време со своите деца“, рекол изворот.
Светските медиуми веќе некое време пишуваат за наводниот развод на славниот пар. Сомнежите се засилија кога се дозна дека Бен и Џенифер ја продаваат вилата, но тие сѐ уште не се огласија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Црвен отпечаток од дланка на устата: што се крие зад потегот на актерот
Вун-А-Таи позира во црн костум, со црвен отпечаток на дланка преку устата, симбол на солидарност за исчезнатите и убиените домородни жени.
Актерот Д’Фараон Вун-А-Таи (22) привлече внимание на доделувањето на наградите „Еми“. Ѕвездата на Reservation Dogs, која беше номинирана во категоријата за најдобар актер, го искористи своето појавување на црвениот тепих за да испрати силна порака.
Вун-А-Таи позира во црн костум, со црвен отпечаток од дланка на устата, со што испрати порака на солидарност за исчезнатите и убиени домородни жени, односно ги „означува сите исчезнати сестри, чии гласови не се слушаат, молкот на медиумите и законот“.
На годинешната церемонија Вун-А-Таи беше номиниран за својата прва награда „Еми“ за улогата во Reservation Dogs, но наградата му припадна на Џереми Ален Вајт за неговата улога во „Мечката“.
Сепак, Вун-А-Таи влезе во историјата како првиот домороден актер што бил номиниран во која било категорија за главна улога.
Reservation Dogs ја следи приказната за домородните американски тинејџери во Оклахома, кои сакаат да се пробијат до Калифорнија. Попатно, тие се подготвени на сè за да добијат пари, па дури и да ги украдат. Серијата е достапна за гледање на платформата „Хулу“.
Вун-А-Таи изјави за списанието „Варајати“ во април дека шоуто го научило на важноста да ја раскаже сопствената приказна.
„Никој не треба да ги кажува нашите приказни во наше име. Тоа трае предолго. Имавме доволно лажни претставувања“, рече Вун-А-Таи.
Забава
Хит фризура на доделувањето на наградите „Еми“
Доделувањето на наградите „Еми“, кога станува збор за фризурите, го одбележа косата со должина до брадата и патец на страната. Идеална фризура за оваа есен.
Во продолжение фотографии од познатите личности, кои на свеченоста стигнаа со оваа хит фризура.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
Забава
Најблескавите ѕвезди на црвениот тепих: интересни модни избори од церемонијата на доделувањето на наградите „Еми“
Сезоната на црвениот килим се вжештува, па на еден од најважните настани во забавната индустрија – доделувањето на наградите „Еми“, блеснаа многу ѕвезди. Тие навестија и за новите трендови што ќе владеат со Холивуд во следните неколку месеци.
Додека повеќето од гостите помалку ризикуваа и избираа повоздржани, потемни бои во класичните кроеви, некои се осмелија и пробаа поекстравагантни комбинации.
Еве некои од нив:
Лора Дерн
Џенел Џејмс
Кали Реис
Виола Дејвис и Џулиус Тенон
Кристен Виг
Софија Вергара
Рис Витерспун
Рита Ора
Сали Ричардсон
Јука Кури
Елизабет Дебицки
Никола Коклан
Моека Хоши
Дион Хармон
Џејн Розеан Клеј
Мирјам Леоне
Џенифер Анистон
Ана Саваи
Дејвин Џој Рендолф
Алисон Џејни