Регион
Вулин по обидот за атентат врз Трамп: „Нека се подготви Вучиќ“
![](https://makfax.com.mk/wp-content/uploads/2023/07/vulin-vucic.jpg)
Потпретседателот на српската влада, Александар Вулин, по обидот за атентат врз Доналд Трамп, ги повика властите да ги зголемат безбедносните мерки за претседателот Александар Вучиќ и неговото семејство. „Со медиумски притисок се обидуваат да ги натераат да се откажат од државната заштита и да бидат уште полесни цели“, рече Вулин зборувајќи за Вучиќ и неговото семејство.
Тој потсети дека во последните неколку месеци се и обидот за атентат врз словачкиот премиер Роберт Фицо и смртта на иранскиот претседател Ебрахим Раиси во авионска несреќа. Вулин смета дека не случајно се работи за луѓе што се залагале „за поинаков свет и мир во Украина“, пренесува „Нова.рс“.
„Нека се подготви Вучиќ и секој што има храброст да се бори за слобода. Обидот за убиство на поранешниот претседател Трамп е израз на дозволена и поттикната омраза, истата омраза што се поттикнува и слободно се изразува кон Вучиќ и Србија“, предупреди тој.
Дачиќ: Нешто слично се спроведува и во Србија
Вулин не беше единствениот претставник на српските власти што го спореди Вучиќ со Трамп. Вицепремиерот и министер за полиција, Ивица Дачиќ, изјави дека обидот за атентат врз Трамп е „тажен и трагичен доказ за последиците од кампањата на омраза, закани и дехуманизација на еден човек“.
„Нешто слично се спроведува и во Србија преку напади врз претседателот на Република Србија, Александар Вучиќ, и неговото семејство“, додаде тој.
Претседателката на Собранието на Србија, Ана Брнабиќ, апелира до „елитата во Србија и нивните независни медиуми“, за кои тврди дека се сè само не независни, да разберат „кои може да бидат вистинските последици од омразата што секојдневно ја промовираат“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Поплава во Словенија: евакуирани деца од градинка, сообраќајот во колапс
![](https://makfax.com.mk/wp-content/uploads/2024/09/Screenshot-2024-09-12-174118.jpg)
Силна промена на времето ја зафати и Словенија. Најмногу проблеми во таа земја направија врнежите во словенечка Истра, но ја зафатија целата земја.
Словенечката агенција за животна средина (Арсо) издаде портокалово предупредување за целата земја, кое важи до петок наутро. Со оглед на тоа што може да се влошат и хидролошките услови, Цивилната заштита е во состојба на готовност.
Претпладне и попладне невреме со обилни врнежи се појави главно во западна и јужна Словенија. Над словенечкиот дел на Истра беше воспоставен дождовен појас кој беше обновен.
Севкупно, најмногу врнежи наврнаа на југозападот на земјата.
На западот на Словенија улиците се целосно поплавени, пренесуваат локалните медиуми.
Во населбата Шалара во Копер се зголемува нивото на дождовница и се заканува да ги поплави повеќето куќи. Бидејќи водата веќе ги преминува праговите, почнаа првите евакуации, но недостасува вреќата за заштита од поплави, јавуват медиумите. На подрачјето на Копер евидентирани се повеќе од сто интервенции на пожари, а ситуацијата е многу сериозна, јавува „Slovenske novice“.
Поради обилните врнежи, водата на места веќе ги поплави патиштата, а сообраќајот во Копер и неговата околина е сериозно отежнат. Возачите се предупредуваат да бидат дополнително внимателни поради отворените шахти на поплавените коловози.
Поради надојдените поројници градинката во Шалара ги повика родителите да ги земат децата, јави ТВ Словенија. Рано утрото критична била ситуацијата и во градинката во Берток до која родителите не можеле да дојдат. Влезот бил поплавен, па ги повикале пожарникарите, кои со помош на комуналната служба ги исчистиле шахтите за да може водата да истече, изјавил еден од воспитувачите.
Регион
Постар маж повикал брза помош во Земун бидејќи неговата сопруга починала, додека дошле лекарите, и тој починал
![](https://makfax.com.mk/wp-content/uploads/2024/09/44-1.jpg)
Постара жена (91) починала вчера во својот дом во Земун пред очите на две години помладиот сопруг.
Додека чекал да пристигнат полицијата и брзата помош, починал и тој, пишува „Телеграф“.
Регион
Амбасадорот Кристофер Хил вели дека протестите против ископувањето литиум ги гледа како борба против Србија кон Запад
![](https://makfax.com.mk/wp-content/uploads/2023/08/kristofer-Hil-1-1.jpg)
Американскиот амбасадор Кристофер Хил денеска изјави дека нема сомнеж оти Србија се движи кон Запад и дека протестите против литиумот ги гледа како борба против тој пат.
Хил, учествувајќи на дебатата „Демократска отпорност, владеење на правото и економска безбедност: преглед на политичките опции за Западен Балкан“, истакна дека меѓу оние што се борат на улиците против литиумот има многу што ја поддржуваат Русија.
„Гледам и борбата против Србија како се движи кон Запад“, рече Хил додавајќи дека сепак верува оти Србија може да тргне по вистинскиот пат.