Свет
(Фото) Велика Британија е на работ на граѓанска војна, министерката за внатрешни повика на „најсилна акција“

Велика Британија е на раб на граѓанска војна откако протестите против мигрантите попладнево ексалираа со палење на хотел во кој се сместени баратели на азил.
Стармер: Гарантирам дека ќе зажалите што учествувате во ова нарушување на мирот
Британскиот премиер, Кир Стармер, во своето обраќање вети дека „ќе стори сé што е потребно за да ги изведат овие насилници пред лицето на правдата што е можно побрзо“ во услови кога насилство се шири.
„Гарантирам дека ќе зажалите што учествувате во ова нарушување на мирот. Нема оправдување за ова. Луѓето во оваа земја имаат право да бидат безбедни, а сепак видовме цел на муслиманските заедници и напади врз џамии. Сакам да знаете дека оваа насилна толпа не ја претставува оваа земја и ние ќе ги изведеме пред лицето на правдата“, рече тој и додава дека „ова е насилство“ и „не протест“.
„Мислам дека треба да има целосна сила на законот и тој треба да биде брз“, кажа тој.
Министерката за внатрешни работи, Ивет Купер, изјави дека нападот на хотелот во Ротерам е „крајно ужасен“.
Таа рече дека полицијата има „целосна владина поддршка“ за „најсилната акција против одговорните“.
The criminal, violent attack on a hotel housing asylum seekers in Rotherham is utterly appalling. Deliberately setting fire to a building with people known to be inside.
South Yorkshire Police have full Government support for the strongest action against those responsible.
— Yvette Cooper (@YvetteCooperMP) August 4, 2024
Стивен Паркинсон, шефот на Јавното обвинителство, рече: „Актите на насилство забележани низ целата земја овој викенд вклучуваат криминал од најсериозен вид. Сакам да нема сомнеж во нашата решеност инволвираните да се соочат со тешки последици. Овој викенд распоредивме дополнителни адвокати и ќе продолжиме да работиме деноноќно за да се осигураме дека законот и редот се одржуваат и правдата е задоволена. Им наредив на обвинителите веднаш да донесат одлуки за обвинение кога има клучни докази и тие го прават тоа“.
На џамиите ќе им биде понудено ново итно обезбедување
На џамиите ќе им биде понудена поголема заштита со нова „итна безбедност“ која може брзо да биде распоредена за да одговори на насилните нереди кои зафаќаат делови од Англија, објави Министерството за внатрешни работи.
„Неизбежна граѓанска војна“
Американскиот милијардер и претприемач Илон Маск верува дека масовните немири во Велика Британија би можеле да прераснат во граѓанска војна.
„Граѓанската војна е неизбежна“, напиша тој на платформата „Х“, коментирајќи видео од протестите во британските градови.
Викендов се одржаа најмалку 30 демонстрации низ Велика Британија. Демонстранти се собраа во Болтон, Ланкастер, Мидлсброу, Вејмут, Ротерам и Њукасл од Тајн и други локации.
Претходно, илјадници демонстранти се собраа претходно пред канцеларијата на премиерот во Лондон, извикувајќи „Спасете ги нашите деца“, „Сакаме да ја вратиме нашата земја“.
Протестите беа предизвикани по напад со нож во градот Саутпорт каде 17-годишник уби три девојчиња на час по танц, а тешко рани други 13 лица. Полицијата соопшти дека осомничениот е Аксел Рудакубана, роден во Кардиф, Велс, чии родители се по потекло од Руанда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски Интерфакс.
Тој изјави дека рускиот претседател Владимир Путин добива онлајн извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, наскоро ќе издаде детално соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација, како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници, како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и израелските објекти во Германија.
Утрово телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење на нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.