Забава
Северина во Крива Паланка за празникот на градот, Калиопи на „Џој фест“
Балканската мега популарна пејачка Северина ќе одржи концерт во Крива Паланка, на 28 август за празникот на градот, а главна ѕвезда на музичкиот фестивал „Џој Фест“ ќе биде Калиопи која ќе настапи на 24 август, беше најавено на денешната прес конференција во Општина Крива Паланка по повод богатата фестивалска програма за патрониот празник „Свети Јоаким Осоговски“ и манифестацијата „Крива Паланка – Град на културата“.
„Крива Паланка како Град на културата за 2024 година е една голема културна сцена на која секојдневно се случуваат настани, а август е месецот кога кулминираат големите фестивалски случувања што даваат посебен ритам и динамика на градот. Културата ја ставаме во функција на општествениот развој и промоција на општината како една од најпосакуваните дестинции во регионот“, посочи градоначалникот на Крива Паланка Сашко Митовски.
Големите фестивалските манифестации почнуваат на 20 август со нововоспоставената манифестација „Шопско село“, која ги обединува Меѓународниот фолклорен фестивал „Свети Јоаким Осоговски“,што се одржува по 19 пат од 20-23 август, потоа Фестивалот на занаети и ракотворби кој ќе се реализира во истиот период и Фестивалот на храна кој ќе трае од 20-25 август.
За време на оваа манифестација ќе настапат Игор Димовски и Пауза за ракија, како и Елена Андоновска, а на 25 август следува проектот „Македонијо во срце те носиме“ со 12 македонски патриотски песни, во изведба на 12 македонски доајени на народната музика: Сузана Спасовска, Наум Петревски, Зуица Лазова, Миле Кузмановски, „ДНК“, Огнен Здравковски, Александар Тарабунов, Андријана Јаневска, Мина Блажев, Марија Спасовска, Ламбе Алабаковски и Бојана Скендеровски.
Посебна атракција за посетителите е етаблираниот музички фествал „Џој Фест“ кој ќе се одржи на 23 и 24 август. Првата фестивалска вечер е резервирана за концертите на Конкверинг Лајон и Суперхикс, а на 24 август ќе настап Кисити, Парампарчад и Бубњиви и Пси, додека звезда на вечерта е македонската дива Калиопи.
Фестивалската програма ќе кулминира со спектакуларниот концерт на хрватската пејачка и балканска ѕвезда Северина, на 28 август, кога се очекува да собере бројна публика од земјата и соседството. Пред Северина настапува поп пејачот Давид Темелков, а фестивалската сцена ќе ја затворат енергичните и оригинални BRASS Brothers.
Директорите на НУ Центар за култура и ЛУ Градски музеј, Антони Стојановски и Драган Величковски, како и Мартин Николовски од Организацискиот одбор на „Џој Фест“,носители на манифестациите ги промовираа детално најатрактивните случувања.
Градоначалникот Митовски, пак, подвлече дека во изминатите 5 и пол месеци, Крива Паланка како Град на културата има реализирано над 70 настани со учество на повеќе од 300 уметници, артисти и изведувачи, што ги проследиле повеќе од 10.000 посетители од различни генерации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.