Македонија
„Време е за училиште“ – подароци и попусти до 50 отсто во „Литература.мк“
Во пресрет на новата учебна година, за посреќен и поуспешен почеток на сите ученици, „Литература.мк“ подготви специјална понуда со попусти до 50 отсто, како и подароци за купени производи од големиот избор на школски материјали.
Продажната акција „Време е за училиште“ ќе трае од 16 август до 14 септември 2024 година во сите книжарници на „Литература.мк“ (на ул. „Македонија“, во „Скопје сити мол“, „Ист гејт мол“, „Дајмонд мол“, ТЦ „Буњаковец“, Битола и Струмица), како и онлајн на www.literatura.mk.
Во акцијата има и неколку атрактивни понуди со подароци:
⦁ За сметка над 3990 денари следува подарок ранец „Хари Потер“.
⦁ Со сметка од 1890 денари како подарок ќе добиете креативен сет со „Хари Потер“ или со „Paw Patrol“.
⦁ За сметка од 1190 денари следува подарок зимско капче „Хари Потер“.
Овие специјални понуди важат за сметка од купен училиштен прибор од брендовите: „Herschel“, „POLO“, „Funko“, „Cerda“, „Giotto“, „Faber-Castell“, „Giovas“, „Staedtler“, „Statovac“ и други. Овој дел од акцијата важи во „Литература.мк суперстор“ во „Сити мол“, „Ист гејт мол“ и во „Дајмонд мол“.
За купен комплет вежбанки и збирки за едно одделение, во издание на „Арс Ламина“, следува подарок – сет маркери „Марвел“ или „Барби“.
За една купена вежбанка или збирка од оваа понуда на „Арс Ламина“ следува едукативен постер. Со секоја купена А5 тетратка и тетратка со тврд повез од брендот „Skriptie“ ќе добиете уште една гратис.
Специјалните понуди и попустите не се комбинираат. Подароците се во ограничени количества и акцијата важи до исцрпување на резервите.
Во книжарниците на „Литература.мк“ и онлајн, на www.literatura.mk може да се најде сѐ што им е потребно на учениците за новата учебна година, од гуми до глобуси: ранци, тетратки, школски прибор, едукативни помагала, дидактички прибор, тетратки за почетно пишување, материјали за ликовно, моливи, боички, фломастери, креативни изработки, забавно-едукативни изданија, книги со активности, читанки и лесно читливи лектири. На листата се и збирки задачи по математика, физика, вежбанки за општество, природни науки, македонски јазик и музичко, за основните и за средните училишта.
Каталогот со сите попусти и понуди можете да го разгледате на следниот линк: КАТАЛОГ
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бугарија лута по изјавите на Александар Николоски: „Тој провоцира, ги известивме партнерите“
Лавина реакции во Бугарија предизвикаа изјавите на македонскиот вицепремиер и министер за транспорт Александар Николоски, кој ја нарече земјата „нецивилизиран домаќин“, говорејќи за изостанувањето на македонското знаме на фотографијата на македонската претседателка, Гордана Сиљановска-Давкова и нејзиниот бугарски колега, Румен Радев.
Рекција стигна и од Кабинетот на Радев, од кадешто велат дека манипулирањето со фактите и хистеричните реакции на владата на Република Северна Македонија не влеваат оптимизам за напуштање на полето на провокации и оркестрирани скандали.
„Отворениот и конструктивен дијалог, дури и на неформалниот состанок, каков што се одржа меѓу претседателите на Република Бугарија и на Република Северна Македонија на 13 ноември, очигледно длабоко вознемири одредени кругови во владата на РСМ“, се вели во соопштението од кабинетот на Радев.
Додадоа дека цивилизираноста на новата влада допрва ќе се оценува во насока на тоа дали ќе продолжи да биде дел од кампањите за поттикнување на омраза кон Бугарија или ќе се спротивстави и ќе ги почитува меѓународните договори, со нејзината посветеност за имплементација на Копенхашките критериуми за членство во ЕУ.
Реагираше и лидерот на ГЕРБ, Бојко Борисов, кој побара оставка од македонскиот вицепремиер Александар Николоски поради, како што рече, неговите навредливи зборови кон Бугарија:
„Очигледно со овие луѓе, пријателските средби, па и оперски, не треба да се одржуваат надвор од официјален простор“, рече Борисов и додаде: „Оставка на тој министер. Ако не го сторат тоа, ниту претседателот, ниту министрите, ниту партиите не треба да се видат или да разговараат со нив“, рече Борисов, пренесе „Бнр.бг“.
Според Лена Бориславова, Република Северна Македонија се оттргнува од европскиот пат поради внатрешно-политички причини.
„Она што можеме да го коментираме за случајот со Северна Македонија е дека јазикот што го користат е неприфатлив. Ние сме на мислење дека договорот што е склучен врз основа на францускиот предлог е доволно добар и се виде дека и покрај критиките издржавме во тој момент, целосно политички мотивирани, во моментов интересите на Бугарија се заштитени, но колегите од Северна Македонија од политички причини, внатрешно-политички причини го оттргнуваат својот народ од европскиот пат“, рече таа, пренесе „БНР.бг“.
Лидерот на „Вазраждане“ Костадин Костадинов скандалот со исчезнатото македонско знаме од средбата меѓу претседателот Румен Радев и Гордана Силјановска го нарече „вештачки“, а изјавите на Александар Николоски ги оцени како провокација.
Претходно, вицепремиерот и министер за транспорт Александар Николоски вчера во гостување на ТВ Алфа, зборувајќи за отсуството на македонското знаме на заедничката фотографија на Сиљановска-Давкова и Радев, рече дека очигледно домаќинот не е цивилизиран и дека помизерни од нив се само домашните слуги.
Бугарското Министерство за надворешни работи вчера соопшти дека ги известиле партнерите за неиспровоцираните провокации од функционери на Северна Македонија, чија цел е да се наруши дијалогот.
Македонија
Над 200.000 граѓани ова лето купиле патничко осигурување за годишен одмор во странство
Вложувањата на граѓаните во патничко осигурување за патување во странство во јуни, јули и август достигнале 2 милиони евра, што е за 6 проценти повеќе од истиот период лани. Истовремено износот на исплати за штети покриени со патничко осигурување, за овој период, е зголемен за 89 отсто и достигнал 560.000 евра, објави Агенцијата за супервизија на осигурување.
Над 220.000 граѓани купиле патничко осигурување во летните месеци (јуни, јули и август), а најголем дел од нив го користеле за годишен одмор во странство. Вкупниот број на издадени осигурувања за патување во странство во овие три месеци изнесува 220.860, а во нив осигурениците вложиле 125,65 милиони денари (2 милиони евра).
Вкупните вложувања во патничко осигурување во летниот период годинава се за 6 отсто повисоки од истиот период лани, покажуваат официјалните податоци кои сите осигурителни компании ги доставуваат до Агенцијата за супервизија на осигурување (АСО).
Вредно за истакнување е тоа што во овој период граѓани кои имаат патничко осигурување од компаниите за осигурување наплатиле 34,46 милиони денари (560.000 евра). Со тие пари осигурителните компании им надоместувале медицински трошоци настанати за време на престојот во странство, изгубен багаж или некој друг од ризиците што го покрива патничкото осигурување.
Годинава во трите летни месеци (јуни, јули и август) осигурениците наплатиле 89 отсто повеќе средства за покривање штети настанати при патување во странство, во споредба со истиот период лани кога осигурителните компании исплатиле 18,23 милиони денари (296.000 евра).
Сите 11 осигурителни компании за трите летни месеци исплатиле штети покриени со патничко осигурување на повеќе од 35.300 граѓани кои патувале во странство. Бројот на исплатени штети во месеците јуни, јули и август годинава е за 14,5 отсто повисок од бројот на штети во истиот период 2023 година.
Што се однесува на продажбата на месечно ниво од податоците е евидентно дека најголема била побарувачката за патничко осигурување во јули. Тој месец граѓаните вложиле 44,79 милиони денари (над 728.000 евра) за да купат патничко осигурување.
Соодветно на тоа во јули најголем е и бројот и износот на исплатени штети. Така во јули 14.460 осигуреници наплатиле 14,9 милиони денари (над 242.000 евра).
Македонија
„Вреди“: Институциите да ја лоцираат одговорноста за коруптивниот закуп на лотаријата
Коалицијата „Вреди“ (Влен) соопшти дека ја изразува својата непоколеблива посветеност да ја спречи секоја форма на корупција и злоупотреба на довербата на граѓаните.
Според нив, со поништувањето на договорот помеѓу компанијата „ХЕЈ ДООЕЛ“ и Државната Лотарија, се отвора пат за одговорност на сите оние кои профитирале преку оваа шема на корупција.
„Им упатуваме повик на обвинителството и другите инстанции да преземат соодветни чекори за целосно расветлување на овој срамен скандал кој нанесе големи штети врз нашето општество. Артан Груби, како глава на овој распаднат систем, и Перпарим Бајрами, неговата десна рака во индустријата за коцкање, се симболи на една империја изградена врз корупција, која ги крши правата на чесните граѓани на оваа земја. Овие индивидуи, тесно поврзани со раководството на ДУИ, проектирале и управувале со структурирана мрежа со цел лично богатење и на нивните најблиски“, велат од „Вреди“.
Како што се додава, секој чекор кон уништувањето на оваа империја изградена врз коцкање и корупција, е важен чекор за правдата.
„На правосудните органи и обвинителството им е отворена вратата за да ги изнесат пред правдата оние што ја изградиле оваа шема. Нема враќање! Ќе се бориме до крај против оваа епидемија на коцкање и корумпирани шеми на политичките казиномани. Артан Груби и Перпарим Бајрами, заедно со сите оние кои профитирале преку овој валкан пат, ќе одговараат пред правдата и пред народот. Времето на неказнивост заврши!“, се додава во партиското соопштение.