Забава
Пријателите на Џенифер Лопез: Уморни сме од нејзиниот хаотичен љубовен живот
Џенифер Лопез се разведува од Бен Афлек. Пејачката поднесе барање за развод во вторникот во Лос Анџелес, на втората годишнина од бракот. На 55-годишната Лопез ова ѝ е четврти неуспешен брак, а извор близок до пејачката открил дека нејзините пријатели се уморни од нејзиниот хаотичен љубовен живот.
„По четири неуспешни брака, нејзините пријатели мислат дека треба да се справи со себе и да се фокусира на себе наместо на тоа што другите сакаат од неа и, конечно, да открие која е таа и што сака од нејзината иднина“, изјави изворот за „Дејли мејл“.
Изворот откри и дека Лопез намерно поднела барање за развод на втората годишнина од бракот, но и дека Бен одамна завршил со неа.
Џенифер рече дека веќе ѝ досадило понижувањето на Бен и дека намерно чекала до нивната втора годишнина за да го намести. Но, тој не беше повреден. Тој одамна заврши со неа и таа длабоко во себе го знае тоа. Тој ѝ дозволи да го направи ова, само за да ја направи негативец во целата приказна“, откри изворот.
Џенифер и Бен наводно со месеци се расправале за поделба на имотот и на моменти воопшто не зборувале. Тие не потпишале предбрачен договор, нејзината нето-вредност е 400 милиони долари, а нето-вредноста на Бен се проценува на 150 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Познати дами прошетаа на црвениот тепих, Ким Кардашјан носеше ѓердан на принцезата Дијана
Во Лос Анџелес се одржа 13-тата хуманитарна LACMA Art + Film Gala, на која присуствуваа многу познати жени. На црвениот тепих прошетаа Ким Кардашјан, Блејк Лајвли, Емили Ратајковски и многу други ѕвезди. Главен спонзор на настанот беше „Гучи“, па познатите дами најмногу носеа нивна интересна облека.
Ким Кардашјан ги воодушеви сите присутни во тесен бел фустан со длабоко деколте, што ја истакнуваше нејзината фигура. Изгледот го заокружила со бисерни ѓердани и синџирче со крст, што, како што пишува „Дејли мејл“, го носела принцезата Дијана на хуманитарен гала-настан во 1987 година. Ким го купила на аукција за речиси 180.000 евра.
Блејк Лајвли прошета на црвениот тепих и исто така привлече внимание со впечатлив фустан. Таа се појави во краток златен фустан со долга портокалова наметка. Ѕвездата на филмот It Ends With Us избра светлорозови сандали со висока потпетица и незабележителна шминка.
Американскиот модел, актерка и претприемач Емили Ратајковски е позната по својот смел моден стил, кој го покажа и овој пат. Таа исто така основа свој моден бренд Inamorata, кој промовира самодоверба и слобода на изразување преку модата.
На галата се појави и Каја Гербер, ќерката на светски познатиот модел од 90-тите, Синди Крафорд. Виторија Серети, девојката на Леонардо ди Каприо, и манекенката и актерка Кара Делевињ воодушевија со своите комбинации на овој настан.
Забава
Почина Квинси Џонс, познат музички продуцент
Американскиот продуцент, композитор и текстописец Квинси Џонс почина на 91-годишна возраст.
„Вечерва, со полни, но скршени срца, ја споделуваме веста за смртта на нашиот татко и брат, Квинси Џонс. Иако ова е непоправлива загуба за нашето семејство, го славиме неговиот извонреден живот и знаеме дека никогаш нема да има друг како него“, соопшти неговото семејство, пренесува АП.
Неговиот претставник Арнолд Робинсон изјави дека починал во својот дом во Бел Ер, опкружен со семејството.
Џонс беше еден од најпочитуваните американски продуценти и музичари. Неговото најпознато дело, продуцирање на албумот Thriller на Мајкл Џексон од 1982 година, стана еден од најпродаваните албуми на сите времиња, со рекордна глобална продажба и низа хитови кои ја обликуваа поп културата.
Покрај продукцијата на албуми, Џонс соработувал со голем број музички легенди како Френк Синатра, Реј Чарлс, Ела Фицџералд и многу други, што го прави незаменлива фигура во различни жанрови, од џез и R&B до поп. Исто така, Квинси освои вкупно 28 Греми награди.
Неговиот придонес не беше ограничен само на музичката индустрија. Работел на музика за познати проекти како што се сериите Roots и филмот In the Heat of the Night. Неговата работа во филмската индустрија му донесе седум номинации за Оскар.
Забава
Зошто жените изневеруваат: експерт за врски откри 6 главни причини
Експертот за врски Трејси Кокс наведе шест клучни причини зошто жените често ги изневеруваат своите партнери. „Ако сте жена која одлучила да изневерува, можеби тоа го правите од бројни сложени причини“, изјави таа за Дејли Мејл, додавајќи: „Некои од причините можеби ќе ве изненадат“.
Емоционално запоставување
Емоционалното запоставување вклучува партнер или брачен другар кој „константно не ги забележува, реагира или возвраќа“ на изразените чувства на својот партнер. Таа објасни дека ова може да биде предизвикано од голем број фактори, вклучувајќи зафатен начин на живот, општествени очекувања или високо ниво на стрес што го чувствува партнерот.
„За жал, емоционалното запоставување е исклучително тешко да се забележи бидејќи вашиот партнер всушност не прави ништо лошо“, рече Трејси. Таа објасни и кои се јасните знаци на овој проблем: одложување на плановите, чувство на осаменост и недоразбирање за тоа што сака и очекува вашиот партнер од вас.
Кокс тврди дека жените кои страдаат од недостаток на емоционална поврзаност се повеќе склони кон изневерување.
Одмазда
„Ако вашиот партнер ве повредил во минатото, можеби ќе сакате да му возвратите“, објасни експертот.
„Не се работи само за решавање на резултатот: тоа е за враќање на чувството за контрола и достоинство во врската каде што се чувствуваме изневерени“, рече таа и додаде: „Можеби тоа не е најдобриот потег, но тешко е да се одолее на нагонот да го повредиме партнерот на ист начин како што ние сме биле повредени“.
Борбата за моќ
„Без разлика дали се работи за пари, статус или возраст, ако сте премногу различни во некои работи, тоа може сериозно да ги оштети односите“, рече таа. Според неа, жените кои се чувствуваат „инфериорни“ во однос на партнерот понекогаш прибегнуваат кон контрола преку прељуба.
„Во односите каде што има емоционална или психолошка нерамнотежа, изневерувањето е начин да се врати чувството за контрола“, објасни Кокс, додавајќи: „Особено е вообичаено кога едниот партнер е премногу доминантен или контролира. Ако се плашите директно да се соочите со него, правејќи нешто тајно зад грб, може да направи да се чуствувате подобро, а тоа може да биде твојата втора најдобра опција“.
Лош сексуален живот
Според една студија објавена во Националниот институт за здравје, помеѓу 15,2% и 50,4% од жените не се задоволни од својот сексуален живот во врска или брак. Кокс тврди дека оваа немилосрдна желба за подобар секс води се повеќе жени да се дистанцираат од своите партнери и сопрузи.
„Ако сексот не е добар или редовен дома, поголема е веројатноста да го барате на друго место“, вели таа.
Потребата за независност
„Ако немате време за себе, тоа може многу да ја оптовари вашата врска“, рече Трејси.
„Имате домашни работи, работа, родителски обврски, социјален живот за одржување и, на пример, план за вежбање… Потребно ви е време едноставно понекогаш да бидете свои, над сите очекувања. Додека некои се релаксираат во бањата, други се јавуваат на своите љубовниците да уживаат во мала авантура“, ја објасни таа петтата причина.
„Постојаниот стрес од балансирање на кариерата, мајчинството и другите одговорности остава многу жени да се чувствуваат недоволно ценети и преоптоварени“, додаде таа.
Досада
„Речиси осум отсто од жените признале дека изневерувале само затоа што им било досадно, други пет отсто рекле дека го направиле тоа затоа што сакале нешто ново“, рече Трејси, додавајќи: „Моногамијата може да обезбеди сигурност и дружење, но во добрите врски има моменти кога сè станува монотоно“.
Исто така, таа ги советуваше сите дека, доколку дојде до таква ситуација, да најдат начин да се изборат со досадата. „Свртувањето кон другата личност не е решение“, рече таа.