Регион
„Газдата ми рече бегај“: исповед на работник од забавниот парк во Пефкохори, каде што загина млад човек
Момчето што управуваше со вртелешката во забавниот парк во Пефкохори, каде што минатата недела загина млад човек (19), тврди дека, по несреќата, газдата му наредил да побегне велејќи дека посетителите ќе го линчуваат.
Кобната несреќа се случи на 19 август кога Јани дошол со мајка си и браќата во лунапаркот да се забавува. Кога тој и брат му биле на вртелешката, седиштето се скршило, Јани излетал, паднал на бетонот и останал мртов на местото.
Во драмата што следувала, момчето што управувало со рингишпилот побегнало од местото на несреќата, а на полицијата ѝ се предал дури следниот ден кога слушнал дека го уапсиле газдата, сопственик на забавниот парк.
„Во шок сум. Многу ми е тешко. Сочувство до семејството на загинатиот. Се исплашив бидејќи првпат гледам такво нешто во животот. Жалам за тоа… Детето неправедно умре, но повторно не сум јас виновен, им изразувам сочувство на родителите“, рече младиот човек, кој управуваше со рингишпилот.
Тој тврди дека во моментот на трагедијата не бил под дејство на алкохол.
„Рингишпилот имаше неколку сини и жолти столчиња, но само розовите беа добри, а тој човек седеше на синото столче. Шефот ми рече да ги префрлам луѓето само на розовите столчиња. Така што ги преместив“.
Вели дека по немилиот настан, сè било хистерично.
„Бев во шок. Исплашен. Ми рекоа да одам, дека посетителите ќе ме линчуваат. Тоа ми го кажа лице што со години работи во забавниот парк, кое е партнер на сопственикот. Отидов да се напијам малку вода, да се смирам. Кога се вратив, ми рекоа да си одам дома да не ме види никој. Отидов дома, ми рекоа да си ги спакувам работите, дека ќе ме однесат во Кукуш, каде што ќе се кријам два дена“, тврди момчето.
Посочува и дека не знаел во каква состојба се машините во забавниот парк.
„Да знаев, немаше да ги оставам да седнат на вртелешката, ништо не знаев“, рекол младиот човек.
Јани загина на 19 август во вечерните часови во забавен парк во Пефкохори. Со него на вртелешката бил и помалиот брат (16), а другиот брат и мајка му ги гледале како се возат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка која се случи синоќа во Панчево, а според првите информации се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент, претепаното девојче паѓа на бетонот, но трите врснички продолжуваат да ја удираат по глава, по што некој од присутните ги раздвојува.
Од полициската управа во Панчево велат дека веднаш ги презеле сите дејствија за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултира надлежното обвинителство и судот.
Регион
(Видео) Дунав се излеа во Будимпешта: Го поплави кејот и стигна до зградата на парламентот
Дунав се излеа од коритото во Унгарија, а водата го поплави кејот и стигна до зградата на парламентот во Будимпешта.
Како што јавуваат унгарските медиуми, Дунав го поплавил долниот кеј во Пешта, а водата стигнала до зградата на унгарскиот парламент.
Унгарскиот премиер Виктор Орбан утринава на прес-конференција изјави дека состојбата со поплавите се уште е сериозна и тешка.
The Danube has flooded in Budapest! 🇭🇺📷 This is what the lowest part of the city looks like The water level is expected to rise for two more days #Powodź #Powodz2024 #Budapest pic.twitter.com/Mp8hmAPAUu
— Madison Moore (@moore_madi73907) September 19, 2024
„Нашето внимание не смее да олабави и по највисокиот водостој, бидејќи после тоа може да има проблеми“, изјави Орбан.
Тој додаде дека се очекува поплавата да ја напушти земјата до средината на следната недела.
Регион
(Видео) Голем пожар избувна во Бања Лука, дел од градот остана без струја
Синоќа во населбата Дервиши во Бања Лука избувна голем пожар кој ги вознемири жителите од тој дел на градот, јавува Кликс.ба
Според локалните медиуми, пожарот ја зафатил зградата на поранешната компанија „Кристал“, во која сега се наоѓа кујната на еден од поголемите трговски синџири.
Пожарот брзо се проширил и се издигнал неколку метри над зградата, создавајќи застрашувачки сцени. Сведоците на местото на настанот ја опишаа сцената како апокалиптична, а овие тврдења се поткрепени со видеа и фотографии кои кружат на социјалните мрежи.
Поради пожарот дел од населбата остана без струја. Се претпоставува дека пожарот бил причина за прекинот. На терен беа распоредени бројни противпожарни возила и припадници на бањалучката противпожарна и спасувачка бригада во обид да го стават огнот под контрола, а полицијата го обезбедува теренот за да спречи натамошно ширење на пожарот и можни несреќи.
Причината за пожарот се уште не е позната, а нема информации за повредени лица. Истрагата е во тек.