Регион
Таткото на девојчето што се удави во кампот на Халкидик шокиран од изјавата на вработените: „Се напила малку вода…“
Таткото на 8-годишното девојче Ангелики, кое се удави во базен во камп на Халкидик, изјави дека кога му се јавиле вработените да ги известат за несреќата, му рекле дека девојчето „се напило вода“, а потоа дека било пронајдено во несвест.
Христос Казазис во интервју за грчките медиуми изјави дека е шокиран од изјавата на вработените дека ќерка му се удавила затоа што „испила вода од базенот“.
„Од кампот ни се јавија околу 16 часот, што многу нè изненади бидејќи знаевме дека во тој момент ручаат. Кога потврдивме дека сме родители на Ангелики, ни рекоа дека нашата ќерка испила вода, а потоа додадоа дека била пронајдена онесвестена“, рекол таткото.
Кога родителите почнале да се подготвуваат да заминат во кампот, добиле повик дека девојчето е однесено во болница.
„Веднаш отидовме во болница, детето веќе беше интубирано таму. Пристигнавме и ги чекавме резултатите“, изјави Христос.
Таткото додаде дека, дефинитивно, имало големи пропусти во организацијата и грижата од страна на луѓето во кампот.
Во понеделникот, 19 август, на кампот на Халкидик му беше одземена лиценцата.
Општина Касандра со едногласна одлука на општинскиот одбор ја одзеде дозволата за работа на базени во кампот во кој беше пронајдено осумгодишно девојче во несвест, кое подоцна почина. Имено, на средбата било кажано дека еден од базените немал соодветна ограда и не е безбеден за децата. Вториот базен ги имаше истите неколку пропусти. Никаде немаше елеци за спасување или маркери за длабочина.
Исто така, констатирано е дека спасувачите не биле во близина за време на трагичниот настан.
Според одлуката од 2016 година, со која се дефинирани критериумите за работа на камповите, базенот мора да се наоѓа на безбеден и соодветно ограден простор со фиксна ограда од 1,20 метар и под надзор на спасител.
Да потсетиме, водачот на групата изјавил дека наводно не ги броел децата кога излегле од водата и дека дури во трпезаријата сфатил дека осумгодишното девојче го нема. Во тој момент тој во паника почнал да го бара девојчето, без да го извести кампот.
Спасителот наводно рекол дека не забележал никого во водата околу 13 часот. Алармот во кампот бил вклучен нешто пред 15 часот, речиси два часа подоцна.
„Штом децата завршија со пливањето – околу 13:15 часот според распоредот – погледнав во базенот. Не видов никого во него и потоа ја заклучив двојната влезна врата“, вели спасителот во својата изјава.
Истрагата продолжува, додека семејството на девојчето бара одговори на прашањето како се случила оваа трагедија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Тоа не придонесува за дијалогот“: Унгарија нема да го поддржи членството на Косово во Советот на Европа
Министерот за надворешни работи и надворешна трговија на Унгарија, Петер Сијарто, изјави дека Будимпешта нема да го поддржи членството на Косово во Советот на Европа.
Сијарто, одговарајќи на прашањето на српската новинска агенција „Танјуг“, изјави дека ставот на Унгарија во однос на членството на Косово и претходно беше јасен, а Унгарија се заложува за мир, стабилност и безбедност во регионот на Западен Балкан.
„Навиваме за успех на дијалогот меѓу Белград и Приштина, но сметаме дека фактот што Косово аплицира за членство во меѓународните организации не придонесува за тој дијалог. Унгарија нема да го поддржи приемот на Косово во Советот на Европа“, изјави Сијарто.
Сијарто денеска во Будимпешта се сретна со министерката за економија на Србија, Адријана Месаровиќ, со која разговараше за унапредување на економската соработка меѓу Србија и Унгарија.
Утврдено е дека односите меѓу двете земји се најдобри досега.
Регион
(Видео) Вучиќ преку инстаграм бара Трифуновиќ да биде ослободен
Претседателот на Србија, Александар Вучиќ, на Инстаграм побара итно вклучување на државните органи на Република Србија за ослободување на актерот Сергеј Трифуновиќ. Тој се осврна и на случајот со Северина, која Србите ја задржаа на граница.
„Пред неколку дена видовме општа хајка против државата Србија, организирана и надворешно и внатрешно, само затоа што естрадна уметница од Хрватска беше задржана десетици минути на граничниот премин. Таа не беше приведена, уапсена или малтретирана. Истите луѓе внатре и надвор молчеа кога адвокатот Бериќ беше уапсен во Хрватска, тој беше во притвор 15 дена поради објавена песна на неговиот Фејсбук профил“, рече Вучиќ.
„Вчера беше приведен и уапсен и одведен од граничниот премин Сергеј Трифуновиќ, човек кој е мој политички противник, основачот на Движењето на слободни граѓани. Но, тој е и државјанин на Србија, државјанин на нашата земја, тој беше уапсен, а никој не разбра за што. Најпрво барам од властите во Србија да се обидат да се борат за правдата и слободата на Сергеј Трифуновиќ преку сите дипломатски канали и апелирам до хрватските власти да разберат дека притворањето на Србите не води кон развој на подобри односи и не сакам да ги изговарам грубите зборови и квалификации што тие ги искажаа за Србија“, продолжи тој.
„Молам и барам да постапат рационално и да го ослободат Сергеј Трифуновиќ“, заклучи тој.
Српскиот актер Сергеј Трифуновиќ е уапсен во вторник околу полноќ на граничниот премин Бајаково додека преминувал од Србија кон Хрватска. Потоа бил спроведен во Општинскиот суд за прекршоци во Сплит. Трифуновиќ пред судот изјави дека не се чувствува виновен за она за што е обвинет. Судењето на српскиот актер продолжува денеска во 12:30 часот, пренесуваат хрватските медиуми.
Регион
Гори рафинерија кај Атина: хеликоптери и 11 противпожарни возила на терен, наредена итна евакуација
Пожар избувна во втората по големина нафтена рафинерија во Грција, а работниците беа евакуирани бидејќи црн чад се прошири на небото, соопштија властите и компанијата „Мотор Оил“.
Локалните медиуми објавија снимка од големиот пламен во рафинеријата, која се наоѓа на околу 70 километри западно од Атина.
„Денеска, 17 септември, од засега непознати причини избувна пожар од големи размери во делот на единиците за рафинирање на јужната рафинерија на Мотор Оил во Аги Теодори. Ситуацијата е под контрола. Од пожарот полесно се повредени тројца вработени од фирма-изведувач, кои се пренесени во болницата Коринт и им е укажана неопходната нега. Од почетокот на инцидентот сме во континуирана соработка со надлежните служби. Им благодариме на Противпожарната служба и нејзините луѓе за соработката од првиот момент“, соопшти „Мотор Оил“.
Противпожарните екипи на лице место испратија три хеликоптери и 11 противпожарни возила, соопштија од противпожарната единица.
Се повикува населението да ја напушти областа.
Локалните власти го затворија автопатот во близина на рафинеријата, а железничката компанија соопшти дека возовите се запрени.
Во „Синџир“ обвинети петнаесет лица вработени во УЈП
И покрај поднесениот обвинителен акт за предметот познат во јавноста како „Синџир“, предметниот јавен обвинител во Основното јавно обвинителство за...
Кривични против осум лица и три фирми по несреќата на автопатот Скопје – Куманово кога загинаа татко и син
Единицата за насилен криминал при СВР Скопје, до ОЈО Скопје, поднесе кривична пријава против Д.Д.(40), Д.М.(59), П.Г.(42), П.М.(56), С.С.(39) и...
Мицкоски патува во Брисел: Ќе ја пренесам фрустрацијата на народот, пречките за ЕУ се вештачки наметнати
Премиерот Христијан Мицкоски, заедно со министерот за надворешни работи и трговија, Тимчо Муцунски, и министерот за европски прашања, Орхан Муртезани,...
Будимпешта се подготвува за поплави – се поставуваат бариери пред куќите и брани околу Дунав, за викендов најавена опасноста
Во градовите северно од Будимпешта властите поставија мобилни брани за да ги ограничат поплавите од Дунав. Будимпешта се подготвува за...
(Видео) Објавена првата снимка од остатоците на подморницата „Титан“
Првата снимка од подморницата „Титан“, направена по нејзината смртоносна имплозија во јуни 2023 година, беше објавена вчера на јавната расправа...
За четири месеци, во Клиничкиот центар ќе се прават и потешките операции, Таравари го потпиша договорот за нова компресорска станица
Почна да тече рокот за изградба на нова компресорска станица во Клиничкиот центар, која ќе овозможи хируршките сали да работат...
Германија со чартер-летови депортира 36 лица до Белград и Скопје, меѓу нив имало осудени криминалци
Првиот чартер-лет како дел од најновата офанзива за депортација на германската влада полета пред две недели за Авганистан. Вториот вчера...
Се судрија два патнички воза во Прага, десет лица полесно повредени
Во Прага утрово се судрија два патнички воза, а полесно се повредени десет лица, јавува чешката агенција ЧТК повикувајќи се...
Пејџерите што експлодираа во Либан се направени во Будимпешта, соопшти тајванската компанија
Тајванската компанија Голд Аполо денеска објави дека ја овластила компанијата со седиште во Будимпешта да ги произведува пејџерите што експлодираа...
ВМРО-ДПМНЕ: Eнергетскиот сектор во Македонија е на дното
Наместо АД МЕПСО да го одржува стабилен енергетскиот систем и да нема покачување на цената на струјата, недомаќински ги трошело...
„Ер Франс“ и „Луфтханза“ ги прекинаа летовите кон Бејрут, Тел Авив и Техеран
Ер Франс ги прекина летовите од парискиот аеродром Шарл де Гол до Бејрут и Тел Авив до утре, заклучно со...
„Пејџерите не ги правевме ние, тие се произведени во Европа“: тајванска компанија се огласи по израелскиот напад во Либан
Тајванската компанија Gold Apollo не ги направи пејџерите што експлодираа вчера во Либан, при што загинаа најмалку девет лица, изјави...
Убиени четворица израелски војници во јужниот дел на Газа
Израелската армија денеска соопшти дека четворица израелски војници загинале во судирите во јужниот дел на Газа, додека тројца војници биле...
Трамп: Веќе подолго време баравме повеќе луѓе и подобра безбедност
Поранешниот американски претседател и републикански претседателски кандидат Доналд Трамп изјави денеска дека постои „слабост“ во напорите да се заштити и...
Руско Министерство за одбрана: Во текот на ноќта уништени се 54 украински беспилотни летала во пет региони
Руската противвоздушна одбрана синоќа уништи 54 украински беспилотни летала во пет региони, соопшти денеска руското Министерство за одбрана. „Синоќа беше...
Експертите за масовните експлозии на пејџери во Либан: „Очигледно некој се инфилтрирал во производството и им вградил експлозив“
Масовната саботажа на голем број пејџери на Хезболах бара навремена разузнавачка и техничка способност, велат експертите за Би-Би-Си. Од почетокот...
Бугарското МНР: Посетата на Сиљановска не беше официјална и затоа не предвидува поставување на државни знамиња
Бугрското Министерството за надворешни работи застана во одбрана на ставовите на амбасадорот Жељаско Радуков кој вчера одбил да ја прифати...
Пратениците го одобрија унгарскиот заем од половина милијарда евра
Со 65 гласа „за“ и 15 против, пратениците во Собранието го одобрија заемот од половина милијарда евра од унграската влада....
Битиќи: Задолжувањето од Унгарија е економско предавство, удар врз домашните компании
„Државата се доведува во ситуација со пари на граѓаните евентуално да финансираат странски фирми наместо домашните. Овој заем е удар...
Пуштиле осуденик на слобода оти немало место во затворот, кривична против тројца полицајци од Битола
Одделот за внатрешна контрола, криминалистички истраги и професионални стандарди до надлежното Основно јавно обвинителство за гонење на организиран криминал и...
