Забава
Хит на „Тик-ток“: слободните момчиња и девојки бараат љубов во маркетите користејќи ананас
Заборавете на „Тиндер“ и другите апликации за запознавање, бидејќи во Шпанија се појави нов тренд за запознавање што ја полуде генерацијата „З“ и стана тотален хит на „Тик-ток“. Младите Шпанци почнаа да бараат љубов во супермаркет, со мала помош од ананасите, а еве за што точно се работи.
Слободните во Шпанија почнаа да излегуваат во познат синџир супермаркети помеѓу 19 и 20 часот, додека користат таен код за да ги идентификуваат потенцијалните партнери. Оние кои бараат партнер ставаат ананас наопаку во нивните колички за купување за да покажат дека се достапни, а потоа се упатуваат во делот за вино.
Ако видат некој што им се допаѓа, го покажуваат својот интерес со тоа што ја удираат својата количка во неговата и потоа започнуваат разговор.
Покрај шифрата од ананас, има и други гестови кои ги користат, како на пример додавање чоколадо или слатки за да кажат дека бараат долга врска или нешто посериозно, додека ако бараат нешто лежерно, треба да додадат боранија или зелена салата во количката.
@carolrud25 Thats a nice pineapple 🍍🤣🤣#pineapple #upsidedownpineapple #thinkshesfunny #hubbyhumor #funnyvideos #fypシ゚viral #store #groceryshopping #hubbywifey #marriagehumor #makesmelaugh #youreanidot #lovesme #funnyvideos ♬ original sound – Caroline 💋
Носењето клучеви во рака и ѕвонењето со нив е знак дека тие учествуваат во нов ритуал за состанување, а ако некој ви стави тегла супа направена од мешавина од зеленчук во вашата количка, тоа значи дека и нему им се допаѓате.
Новиот тренд на запознавање во супермаркетите стана хит на „Тик-ток“ и се прошири и во другите европски земји, а луѓето пишуваат за нивните искуства.
„Два часа во одделот за вино со мојот ананас наопаку и никој не дојде да ми ја удри количката“, се пожали една девојка, додека друга се пошегува: „Ќе ја барам љубовта на мојот живот во супермаркет во 19 часот“.
„Имате убав ананас“, напиша една жена покрај видеото на кое нејзиниот партнер шета со превртен ананас во количка.
@miss.andersen8 Testing in Copenhagen the new trend in Spain: flirting in supermarkets, important: buy a pineapple, called Ligoteo Mercadona🍍🤪🤣#mercadona #dansktiktok #danskhumor #danskfyp #expatlife #expats #flirtingmood ♬ sonido original – 🌹Den glade enke❤️🔥😉
Лудоста за запознавање во супермаркетите е толку голема што во еден супермаркет во Билбао, на северот на Шпанија, морале да повикаат полиција поради големиот број самци кои се појавиле таму, а кога пристигнала полицијата, толпата си заминала.
Синџир супермаркети реши да го искористи виралниот тренд и на самците им порача: „Ананасите се на нашите полици и ве чекаат да одите на состанок“.
На трендот му се придружија и конкурентни синџири кои исто така ги повикуваат клиентите да им се придружат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Не доверувајте им се: три хороскопски знаци сигурно ќе ја откријат тајната
Довербата е многу кревка работа, а овие 3 хороскопски знаци не ја заслужуваат. Тоа не значи дека се лоши, тие се само многу зборливи и невнимателни, па сите ќе ги знаат вашите тајни во рекордно време.
Секој има пријател кој не е најмистериозната личност на светот. Како што поминува времето, ние стануваме повнимателни за тоа што им го доверуваме. Ако припаѓате на некој од овие знаци, можеби пријателите од приказната сте токму вие. Бидејќи или не размислуваат доволно пред да зборуваат или уживаат да споделуваат лични информации, не само свои туку и туѓи, тие не се познати по нивната способност или желба да чуваат тајни.
Хороскопски знаци кои откриваат туѓи тајни
Лав
Сè додека има публика што го слуша, Лавот ги раскажува најлудите приказни и најневеројатните информации со кои располага. Ужива да биде во центарот на вниманието и ќе направи се за да го добие, дури и ако тоа значи да сподели сè за неговиот личен живот – или, уште полошо, животите на другите. Се чини дека нема филтер помеѓу неговите мисли и зборови.
Вага
Вистина е дека таа се судира со Близнаците во нејзината тенденција да споделува повеќе информации отколку што треба, но на крајот победува затоа што никогаш не престанува да го прави тоа. Ниту на состаноци со пријателите, ниту во групни муабети каде дење и ноќе не ја смета ниту една тема за премногу лична или наметлива. Ако ништо друго, ако сте фасцинирани од темни или сочни семејни и пријателски приказни, не барајте подалеку од Вагите, кои изгледаат како секогаш да ги имаат во џебот.
Стрелец
Тоа е знак толку екстровертен што заборава да биде дискретен или таинствен. Исто така, љубител на искреноста, тој често ќе попушти пред желбата да каже повеќе отколку што има право. Значи, ако има нешто на ум, не е важно дали сте вие двајца или дали стои на подиум: тој ќе го сподели со целиот свет, не ни размислувајќи какви би можеле да бидат последиците.
Забава
Бред Пит на премиерата на филмот во Лос Анџелес дојде со својата девојка Инес
Во Лос Анџелес се одржа премиерата на филмот „Волци“ со Бред Пит и Џорџ Клуни во главните улоги.
Бред Пит на премиерата дојде со 29 години помладата девојка Инес Де Рамон. Таа за оваа пригода избра светло-кафеав фустан, со кој искомбинира минималистички накит.
Ова беше второ појавување на Инес и Бред заедно на јавен настан откако станаа пар во 2022 година.
На овогодинешниот филмски фестивал во Венеција, парот за прв пат се појави заедно на црвениот тепих.
Забава
(Видео) Режисерот на „Паразит“ има нов филм: луѓето се воодушевени од првиот трејлер
„Ворнер Брос“ го објави првиот официјален трејлер за многу очекуваниот научно-фантастичен филм „Мики 17“. Трејлерот брзо стана вирален, со повеќе од 4 милиони прегледи на „Јутуб“ во моментот на пишувањето.
„Мики 17“ требаше да биде премиерно прикажан во март, но беше одложено до следната година бидејќи постпродукцијата на филмот не беше завршена.
Станува збор за најновиот филм на познатиот корејски режисер Бонг Џун-хо, кого повеќето луѓе го знаат по „Паразит“, филм кој освои четири Оскари и Златна палма во Кан. „Мики 17“ е адаптација на романот „Мики 7“ од Едвард Ештон.
Главната улога во претстојниот филм ја толкува Роберт Патинсон. Тој го прикажува Мики, вработен во компанија која се обидува да ја колонизира ледената планета Нифлхајм. Секој пат кога Мики умира, компанијата го клонира, а неговиот клон ги задржува повеќето негови спомени.
Заедно со Патинсон, во филмот играат и Стивен Јан, Наоми Еки, Тони Колет и Марк Рафало.
Љубителите на филмот кои едвај го чекаат новото дело на познатиот корејски режисер се воодушевени од трејлерот.
„Бонг Џун Хо е вистински визионер. Никогаш не мислев дека ова ќе биде толку смешно“, „Сега ми треба овој филм“, „Патинсон е веќе познат како еден од најдобрите актери на помладата генерација, а ова изгледа неверојатно“, „Едвај чекам“, се само некои од коментарите на „Икс“.
Филмот „Мики 17“ својата премиера ќе ја има на 28 јануари следната година во Јужна Кореја, а во остатокот од светот ќе дојде на 31 јануари.